تجمع للعسكريين الذين لديهم دورة لغة خارجية لمدة سنة

حيالله بخونا الذيب تركي وصراحة لا اخفيك اشوفك دينمو المجموعة والحي يحييك
ومن ذى الموضوع تشكر لحرصك على خدمة زملاك واستثمار وسيلة هامة للغاية وهي التواصل عن بعد مع الزملاء
فــ الله يعطيك العافية

بالنسبة لموضوع اطقاق قواك الله ومهم ساعات الواحد يرفـّه عن نفسه بالطقاق هههههههه
تقريبا انك يالقدير ما فهمت النقطة الي اشرت لها .. لذا بشرحها بطريقة اخرى

بالنسبة للنقطة التي انا اشرت لها انفاً هي بإختصار :: <<<<<<<<<< حلوهـ آنفاً ههههه
الخطوط السعودية لا تعطي فوتشرات (والي هي قسائم سفر)
ولا تعطي ترقية درجة حسب امر الاركاب الي انت جايبه لهم

لكن وبضرب لك مثال عليك انت وقصتك مع امر الاركاب عشان اقرب الصورة ::

مرجعك معطي اخونا تركي امر اركاب له وعائلته موجه للخطوط السعودية
ويكتب اسماء الجميع بالعربي حسب بطاقة العائلة ويكتب خط السير
فأذا يبي عن طريق الخطوط الالمانية اللفتهانزا يجب يكتب (الرياض-فرانكفورت-فنكوفر)
واذا يبي عن طريق الخطوط البريطانية يختار خط السير (الرياض-لندن-فنكوفر) ,,,, الخ .. حلو
طبعا اخونا تركي اختار فرانكفورت عشانه مطار مو زحمة وقلق مثال مطار هيثرو ..

يروح اخونا تركي للخطوط السعودية بحي المروج قسم اوامر الاركاب للدوائر الحكومية ..
فيصير الحوار التالي بين اخونا تركي وبين موظف الخطوط السعودية ..
تركي :: تفضل اخوي امر الاركاب هذا واريد تذاكر سفر لي وعائلتي من الرياض الى فنكوفر
السكورتي :: يالحبيب انت ما تشوف قدامك ناس ولو سمحت ارجع والتزم بالسرا !!
تركي :: اخوي انت ما تشوفني ضابط ولابس رسمي وعندي دوام واعتقد لي اولوية ((تركي رافعين ضغطه مكتب الاسترالي )).
موظف الخطوط :: خله بنمشيه ذى المرة عشان يخدمنا بالمرور ..
طبعا اخونا تركي شغال بالشرطة ههههه
مالكم بالطويلة ..

موظف الخطوط :: اخوي تركي انت تعرف ان حنا نوصلك فقط لاوربا وانت تروح وتجيب لنا حجز
من الخطوط الالمانية وحنا انسوي لك ارتباط لهم بموجب امر الاركاب وخط سيرك ..
تركي :: حلو ضبط لي يالغالي حجز من هنا حتى فرانكفورت على السعودية وانا بروح اجيب لكم حجز
على الفتهانزا ..
((طبعا تركي يروح لمكتب الفتهانزا الموجود على امتداد شارع التحلية بعد تقاطعه من طريق العليا
بإتجاه الشرق ثم 400 متر يشوف عمارة بنية كبيرة على اليسار فيدخل مع البوابة الرئيسية
وبالمصعد الدور الثاني يروح يمين ويشوف مكتب الفتهانزا ويفتحون من 9 صباحا حتى الخامسة والنصف مساء))
يقولهم سوو لي حجز على الالمانية بتاريخ نفس التاريخ الي طلبه من الخطوط السعودية
ولازم يعرف متى الاقلاع من هنا عشان بعد الوصول بمطار فرانكفورت بكم ساعة يكون الاقلاع على متن الخطوط الالمانية ))
مكتب الالمانية يعطون تركي برنت للحجز ثم يرجع للخطوط السعودية ..
طبعا كالعادة سفط بالسكورتي واعطى الموظف البرنت والموظف بدوره بيضبط له اوراق موجهه للفتهانزا
بعدها يعطيونه تذاكر الخطوط السعودية ويروح اخونا تركي مرة ثانية للفتهانزا ويعطيهم الاعتماد من الخطوط اللسعودية ..

هنا نقطة مهمة وهي الي تكلمنا عنها بخصوص ترقية الدرجة من سياحية للافق ..
طبعا الخطوط السعودية كاتبين ان لاخونا تركي قيمة المقعد الواحد على السياحية والمحسوب على الدولة
بمبلغ 12,000 ريال سعودي مثلا (وهذه ليست القيمة الفعلية لكن تحسب على القطاعات مرتفعة هكذا)
فلما يشوف المبلغ هذا موظف خطوط اللفتهانزا
وطبعا مع ان الخطوط الالمانية افضل من حيث الترتيب العالمي لخطوط الطيران من الخطوط السعودية
الا انها محسوبة الاسعار بشكل تنافسي فمثلا السياحي من فرانكفورت حتى فنكوفر 5000 ريال
والافق 8000 ريال ,, فيقول موظف الالمانية يا تركي الفلوس هذه تكفي درجة الافق عندنا ويبقى لك قيمة
4000 ريال بنعطيك فوتشرات تستخدمها بالمستقبل وصلاحيتها سنة وتقدر تجددها سنة اخرى من مكاتب الفتهانزا

هنا انتهت معاناة اخونا تركي مع امر اركاب بعثة

اخوي تركي وضحت الصورة اعتقد الان ..
اذا لا علمني بجيب سبورة هههههه


ونعم فيك وفي ابو فراس
وبعدين لو تلاحظ كلامي فوق انه يجب التأكد اذا الكلام هذا صحيح
وانا فقط نوهت عن ذلك عشان ما يضيع شئ للزملاء ..
وبالنسبة المحاسبين td للخصم هم يعتمدون على القرار الصادر من الوزارة
والي فيه يوم بعثتك ويرفعون بالمسيرات على ضوءه قبل سفرك حتى ..
والشئ الغريب ان يكون هناك تفاوت بتاريخ الحسم !!

ووجهك ابيض اخوي ابو فراس والله يوفقكم يالغالين
وانا صراحة عشت نفس احساس الزملاء ولدى كل واحد منهم الكثير من الاستفسارات عن بلد البعثة
ويتمنون الحصول عليها وخاصة من ممن سبقوهم من الزملاء
لهذا ما فينا خير اذا ما زودناهم ببعض التفاصيل
وهذا اقل واجب والناس البعضها وانتم تستاهلون الله يوفقكم ويعطيكم من خير ذى البعثة وينفع بها ..

بخصوص موضوع الحسم انتم في مكان اقرب للانظمة منا واعرف بها
ونحن فقط ننقل تجربتنا ومعناتنا وبعض الاشياء التي تحصل لنا والشباب هنا فيبنون عليها وجهة نظرهم
والبعض تواصل مع مراجعهم فعطوهم ما نقلنا
لكن الاكيد بأن المعلومة الصحيحة لا تستقى الا من مصادرها ..

واما ان شئ ما يضيع !! لا يالغالي انا شخصيا عانيت مع بعض الحقوق المالية وتأخرها لاكثر من ثلاث سنوات
ومبالغ كبيرة ..وبعض مستحقاتي كانت بتروح لو ما سويت استدعاء وتابعته ثم صرف لنا
وغيرها كثير لكن نحن الان بصدد نقطة معينة وانت افتيت فيها الله يعطيك العافية وما قصرت ..

الحمدلله انتهت الاسئلة ههههههههه كني اشوف تركي الحين يقول بنبطي فيك ..
بيني وبينكم الموضوع عليه اقبال وشكلي باخذ تشارج 10 دولار ع كل سؤال
والعمولة بيني وبينك اخوي تركي بما انك صاحب الموضوع ههههه داخلين على طمع

يالغالين صراحة لا اخفيكم انه خلال اسبوع من الان لدي سفر خارج الحدود
ودعواتكم لنا بالتوفيق لمدة اسبوع فقط لذا ما راح اقدر اتواصل بشكل كبير معكم
وبعد العودة من السفر ستبدأ الدراسة بعد العودة بيومين
وصراحة يمكن ما اقدر اتواصل الا بشكل اسبوعي ولوقت قصير لان
الواجبات مرهقة جدا ومعهد الجامعة اربع ساعات يوميا هوم وورك ويالله تكفي
وانا مجتهد ودافور هههههههه بس بروقان

انا نوهت عن انشغالي الفترة القادمة
لاني ودي انزل بعض النصائح والخدمات الحلوة والمفيدة للزملاء وصح بدري عليها
لكن ربما لاحقا ما اقدر اتواصل معكم بحكم ضروف او انشغال خارج عن ارادتي ..

لا لا اخوي تركي تفضل وتو على السفر <<<<< واحد ودهـ يخلص من اسئلة تركي
معي اسبوع حتى السفر الخميس القادم

واتمنى اني اعطي معلومات عن الطقس الوقت الي تجون فيه ..
والاشياء الهامة الي ممكن يجيبها معه الواحد ..
كم تكلفة فواتير الخدمات هنا من سكن وجوالات وكهرباء .... الخ
في الطائرة والمطار وش بعض النقاط المفترض المسافر يحرص عليها وتكون قريبة منه ..
الباصات والطريقة المثلى للاستفادة منها وخاصة الايام الاولى وقبل شراء موتر ومعرفة المدينة ..
مواقع اكترونية هامة جدااااااااااااااااااااا وللغاية وكيف الاستفادة منها
مثل :: موقع الاثاث المستخدم , موقع السيارات المستخدمة , موقع لافضل بطاقات الاتصال بالسعودية ,
واهمها للغاية هو موقع اكتروني موثوق وروعة ومميز لحجز الفنادق والموتيلات من اي مكان بالعالم
وبأسعار لا تصدق ومجرّب وشرح طريقة استخدامه بالصور
لانه صراحة خدمني كثير وما زال في تنقلاتي ومثل ما احب الخير لنفسي ودي كل زميل او احد يقرأ يستفيد منه ..

وغيرها كثير لكن واهم شئ تشتريه وقبل السيارة حتى
وكل زميل المفترض يحرص عليه وقيمته تتراوح بين 160 دولار حتى 400 دولار
والحقيقة فوائدة لا تعد ولا تحصى ولا احد يقدر يستغني عنه !! وعني انا لو الي صانعه مسلم كان حججت له ههههه
وايش الافضل واين تحصله بسعر رخيص .. بوقته بقولكم <<<<<<< اسلوب تشويق

هذا كله بردود قادمة بإذن الله

الاخ انسان اخر
هل من الصعب تغير المعهد لان والله
ما ادري فيه ناس يمدحونه وناس يسبونه
مع العلم ان المعهد ايلاك تورنتو
واجازه سعيده مقدما

أهلاً بأخي ( إنسان آخر ) وبكل المشاركين بهذا ( الرابط ) الذي سعدت به كثيراً داعياً الرحمن الرحيم أن يحفظكم ويحفظ " المبتعثين منا السابقين واللحاقين " في ديار الغربة .... راجياً من ( إنسان آخر ) أن يضيف ضمن المسائل التي سيفيدنا بها موضوع " نصائح وفوائد تساعد في تعلم اللغة بشكل متقن" - ولا استغني عن اراء الزملاء الأخرين في ذلك - وذلك من خلال التجارب التي مررتم بها خلال إبتعاثكم ؛ وما الذي استفدتم منه أكثر من أي شي أخر ؛ وعما اذا هناك أمور تمنيتم انكم - لو استقبلتم من أمركم ما أستدبرتم - قمتم بها خلال الفترة الماضية لتحسين لغتكم , ولو يتم التطرق في هذا الموضوع عن الأنشطة اليومية المفيدة التي ساعدة في تطوير لغتكم , والأخرى التي لم تفيد ... والله يرعاكم .

جزاك الله خير اخوي
مدامك توك .... واحد ما صدق
خذ لك سؤال على الطاير

هل اول ما نوصل المطار بكندا مطلوب منا القبول اساسي
يعني قبول اساس من المعهد يرسله لنا المعهد بالبريد
او يكفي خطاب القبول اللي جاني بالبريد من المعهد
نسحبه بالطابعة ملون ويكفي

الوكالة الاسترالية اشغلتنا
تقول ما تقدر تدخل كندا الا بهالقبول الاساس وما يجيبه لك الا حنا يالوكاله
الله يشغل هالوكالة مثل ما اشغلتنا
انا متاكد انه مهوب مطلوب بس العالم اشغلتني
قلت اخونا يعطينا الخبر الاكيد

جزاك الله خير

اخوي تركي او اي احد من الاخوان انا عندي كم سؤال ::
كم الزملاء الي جايين كندا وما هي المدن وهل توزيعكم على المدن بالتساوي ؟
كم معهد في المدينة الواحدة تم التوزيع عليها للزملاء المبتعثين ؟
القبول هل تم تكليف الملحقية فيه او مكتب بالرياض ؟
وهل اختيار المدينة من المكتب او الملحقية ؟ انا اعلم ان الوزارة وزعتكم على الدول قبلها اذا مثلنا بالتنسيق مع الملحقية ..

بناء على القبولات وتوزيعكم بالمدن صدر القرار من الوزارة وموضح فيه اسم كل زميل ومعهده
وتاريخ بداية الدراسة ؟ (سؤالي متى بداية دراستكم)


سؤال فضولي
الزملاء في الولايات المتحدة كم عددهم وما هي الولايات التي تم التوزيع عليها ؟

وشكرا جزيلاً

الاخ تركي
انا كاني سامع ان الوكاله راح يسولون لك
شي وكاتبين على بابهم يسقط تركي ههههههههه