تجمع للعسكريين الذين لديهم دورة لغة خارجية لمدة سنة

السلام علبكم ورحمة الله و بركاته
الى من يهمه الامر
انا اول ادخل المنتدى
وكان شوي نايم بس بعد
مجهودات الزملاء صار فيه
تفاعل (وين كيمياء خخخخ)
لذا اطلب من ادارة المنتدى المحترم
تعيين الزميلين إنسان آخر و trook8
مشرفين وهم اهل لها وشكرا

حياكم الله انا بس غبت يوم واحد وثلاث صفحات عيني عليكم باردة
ياتروكي خفف على الرجال الا يعتزل الموقع من كثر اسئلتك بس صراحة صدرة وسيع والله يعطيه العافية وشكلة مابيروح إجازة الا بعد ما جبت له الصمرقع ههههه.
بس حقيقتا الله يعطيك العافية يا انسان اخرما قصرت.
بس عندي سؤل صغير بعض الزملا وخاصة ابو صالح يقول دور حجوزات من هالحين تو ماطلعت الفيزة ويش رايك نحجز الان ولا شوي ؟


بغيت أسأل الاخوان المشاركين احد راح للوكالة ياخذ 986 ريال لان التديب الامني كلم لياس صاحب الوكالة وقال لة اعد المبلغ للناس وقال لي اللبناني مر علي اعطيك الفلوس بس سافرت وما مريت علية الي عنده علم عنها ،،،،،،،،،ولا نطلب خلف هههههههههه

بالنسبة لي ارسلت اميل للمعهد اطلب منه تأجيل الدراسة اسبوع .. رد علي يقول راجع المكتب الي عمل لك القبول التأجيل عن طريقة،،،،،،،،،، وطبعا ارسلت الرسالة لتركي يترجمها لانها فكرتة وعندة شوي انجليزي ماشاء الله علية.
بقيى موضوع السفر والحجوزات والمطار والسكن ودنا نعرج علية خلال الايام القادمة.
الف شكرررررررررررررررر

وعليكم السلام وشكرا اخوي
بس لاااااااا تعلمنا لغة !!
يالغالي والله تواصلنا مع ذى الموقع كله من شان
خدمة الزملاء ولله وفي الله
والا موقع مبتعث ما نجيه الا اذا صار لنا حاجة

عموما مشاعر وثقة تشكر عليها يالقدير

حيالله اخونا ابو فراس
ومعه حق ابو صالح <<<<<<<<< ههههههه ما يدري منهو ابو صالح
ومهو عشان ما راح تلقى حجوزات بعدين
لا .. ومن الصعب تحجز وانت ما تعرف متى بتخلص امورك من فيزا وغيرها ..

بس نصيحتي لك مثل ما سويت العام
تسوون حجز صوري تقريبي فقط لإستصدار تذاكر السفر عن طريق اوامر الاركاب
ولمنك خذيت التذاكر وصارت معك شف متى تخلص امورك وسو حجوزاتك من جديد

ولو مثلا ما بعد خصلت الفيزا وموعد الحجز قرّب .. تروح وترحّل الحجز لموعد اخر
حتى ما ياخذون عليك رسوم حق حجز وانت ما سافرت وللاحاطة شركات الخطوط الاجنبية
التشارج الخاص بعدم التزامك بالحجز غالي جدا يصل مرات الى 1000 ريال للمقعد الواحد ويختلف حسب الدرجة

فا من بدري اخلص من قلق امر الاركاب وتذاكر السفر يكون افضل
وموفقين

السلام عليكم اخواني
صراحة حبيت اشكر اخوي تركي على هالموضوع وعسى ربي يوفقة هو والاخ انسان اخر ربي يسعدة ويرزقة من واسع فضلة
انا لي شهرين ادور ابي اي شي عن الابتعاث ومحد يعرف ويصرفوني ههههههه
اللى حبيت اقولة الان نقفل الموضوع بس لحقين كندا هههههه علشان مانتشعب امزح بالعكس استفدت كثير من خطوات الابتعاث بس ودى نساعد بعض فى عدد من النقاط ونعمل عليها من الان علشان موضوعنا يكون فية فايدة لنا كلنا :
1/ الوكالة الاسترالية بترجع الفلوس ولا لا علشان ابو فراس ههههههههههه والقصد انهم ماراح يبلغوا احد بس اذا فعلا فيه الزام لهم نبلغ الزملاء (انا مو منهم ) ههههههه .
2/ موضوع الراتب اول 6 شهور اذا احد يعرف او يسأل لنا المالية عندهم ايش النظام وكلنا نتفق علية ويكون واضح لانه اكيد مهم للزملاء ويفرق معهم ولا بنبطل ابتعاث ههههههه .
3/ انا سمعت ان الملحقية يصرفوا راتب للزوجة بمجرد وصولها هل هذا صحيح او لا وللاولاد بعد (للزميل انسان اخر).
4/ من تعاملى مع الوكالة اكتشفت شي جد يسوون انهم مرة يمونون على الوزارة بس اذا شافوا منك الجدية والشدة يصرفون الموضوع انا صارت لى قلت عطنى اوراق انة ماينفع ووقف اوراقى انا بكرة عند اللواء هههههههه خاف قال لا احنا نحلها من عندنا فهم يلعبون بالنص .
وربي يوفقكم

اخوي انسان اخرحياك اله ووفقك
1/ اذا اخذت التذاكر ذهاب وعودة وتأخرت الفيزا طبعا مدتها سنه التذاكر اكيد بتنتهي قبل ارجع ايش الحل بالذات ان فية اللفتهانزا بالنص مو بس السعوديه .
2/ هل نشتري سيارة على طول بالذات المتزوجين وايش الافضل هناك المقصد احنا بنشترى ونبيع بعد كم شهر مو زى الطلبة اللى يجلسوا 4 سنوات واللى اعرفه السيارة تبلش فيها فى البيع هناك لاتقول كامري تكفى هههههههههه ..
طبعا انا فى فانكوفر والمبتعثين لكل دوله 33 وكل مدينه 7 وكل معهد 4 هذا غالبا بكل الدول .
وربي يوفقك قسم بالله انك زميل من جد نبي نستغلك قبل تسافر او تبطل ههههههه

Welcome my friend "to Vancouver". Just give me my time, I’ll come back
to my house after a few hours then, I wish answer 4 your all question .

I'm sorry to write of English because my "iPad" with out Arabic keyboard

,Bye now

كل عام وانتم بخير مقدما
موضوع جدا رائع
واذا تبون اي شي من تورنتو تراي بالخدمه
انا من دفعة العام وبنخلص بعد عيد الضحية

وعليكم السلام
واللهم آمين ويجزاك خير اخوي لفانكوفر
بجيبك على الفقرة الي تخصني
يالغالي نعم يصرف للزوجة والاولاد راتب مرافق من اول يوم تدخل كندا
لكن
ليس انا ولا انت ههههههه
فقط لكل مبتعث يدرس دراسة اكاديمية من بكلوريا وماستر ودكتوراة
طبعا من اول يوم ابتعاثه حتى لو يدرس لغة قبل التخصص ..
لكن
المبتعثين لدورات تدريبية مثل حالتنا العسكريين لا يصرف الا للمبتعث الرئيسي
لكن عائلته مهما بلغ عددها تكون مشمولة بتذاكر طيران حسب درجته
ومشمولين بالتأمين الصحي فقط ..

موفق اخوي

الاخ/ابوعزة اوالزملاء الاعضاء من لديهم خبرة
السلام عليكم ورحمة الله وبركاته
انا دورتي انشالله في ترونتو في معهد ilac
كيف انطباعك عن المدينه ، وشرايك بالمعهد ، وهل ترى ان اسكن مع عايله افضل
اواي انواع السكن افضل، عسى البرد ما بعد جاكم لان ما اخترت تونتو الا من حر الرياض
ابي اشوف سنو وثلج وحركات وشكرا لك مقدما