تجمع للعسكريين الذين لديهم دورة لغة خارجية لمدة سنة

ما دام الامور سهلات والتغير بين المعاهد سهل ان شالله الامور طيبه

الاخوان اصحاب الخبره
بالنسبه لاوامر الاركاب هل واجهتكم صعوبه فيها
وهل فيه نصيحه تقدمها لاخوانكم فيما يخص هذا الموضوع

انا من ناحيتي الامور كانت سهالات ولله الحمد
بس لو تخلي احد يراجع فيها وياخذه مناولة عشان يعجل يومين بالكثير وهي خالصة

ابو عزة ابيض وجه
هونت علي الله يهون عليك اموك
بحث عن هذا المعهد وكتب مواضيع استفسر عنه ولم يجبني احد
قولوا امين
الله يسعد ابو عزة

انا ماغيرت معهدي عاجبني
لكن واحد من الزملاء حاول يغير وغير
بعض الاحيان المشرف الدراسي اللي بالملحقيه يكون جاهل بالنظام شوي او يصير عنده التباسات
انا خلا الشهر هذا بس غيرو مشرفي 3 مرات
وانشالله تساهيل

الله يجزاك خير واياك انشالله حبيبي
اذا بغيت اي شي اي شي لا يردك الا كي بوردك واذا بغيت ايميلي ابشر اعطيك اياه ورقم جوالي الكندي بعد
ولو تبيني استقبلك بالمطار تامر امر
وش تبي بعد
ولا تنسونا من صالح دعاكم في هالايام الفضيلة

هذا من طيب اصلك ابو عزة
تسمح لنا نستجوبك
هل البحث عن عائلة كندية الاصل وقريبة من المعهد صعبة
البر دخل عندكم او لسى
مشكور حبيبي على شعورك النبيلة وتجاوبك معاي

هلا واسف على التأخير

-1-
بالنسبة لسؤالك الاول جاوبت عليه بواحد من ردودي السابقة تقدر ترجع ليه وبالتفصيل الممل
وبشكل سريع وعشان ترتاح من وجع الراس وانتهاء تذاكر وغيرها
خذ فقط ذهاب وهنا الملحقية مباشرة تصرف لك الاياب
واضف الى ذلك بعض الزملاء الي رتبته على وشك رائد وهنا تختلف الدرجة
فنصيحتي ياخذ فقط ذهاب واذا ترقى هنا يرسل قرار الترقية للملحقية ويعدلون له الرتبة
ثم يصرفون له درجة اولى ..

-2-
بالنسبة للسيارة اذا انت عزوبي ولا انت من النوع الي يحب يستكشف ومشاوير
فالباصات تفي بالغرض ..
وبالنسبة الافضل للسيارات هذا يعتمد على عدد العائلة وعموما الفانات حتى الي معه عايلة صغيرة تنفع له وراهية ..
الياباني في كل حالاته جيد وانا انصحك لسببين
الاول خراباته قليلة مثل تويوتا هوندا .. الخ
السبب الثاني اقتصادية بصرف البنزين
مثلا سيارتي من نوع هوندا واعبيها فل بـ 65 دولار تقريبا 250 ريال ههههههه أخيذة ضحى
لكن بحمد الله انسى متى عبيتها حيث تجلس من اسبوعين الى ثلاثة اسابيع مع اني راعي مشاوير ..

بالنسبة للسيارة لما يكون سعرها من 5000 دولار وفيها ترتاح كثير
فمرات تسافر فيها ومرات تقطع الحدود
فلما تكون سيارتك نظيفة وهذا حسب سعرها اكيد بترتاح من العطالات وكل اشوي بالورشة
واشتر راحتك الزم في انك تدفع بالبداية لسيارة نظيفة ..

اما عن بيع الموتر عند الرجعة فهذا قسمة ونصيب
ولا اقولك اشتر سيارة غالية عشان تبلش بها اذا ما انت شاحنها للسعودية
لكن سيارة مستعملة نظيفة تنقل رجلك وتونسك وخاصة اذا معك عائلة ..

موفق يالغالي

اكيد محقق جنائي ههههههه تلقطها وهي طايرة
لصار فيها استجواب هههههه
نعم يالغالي هو القارمن ولا اتوقع ان زميل يستغني عنه
وفيه نوعية تكتب عربي وتتكلم عربي وبالتتش
مثلا الي معي w256 سعره بمحلات وول مارت 189 دولار
وهو اصلا سعره 230 دولار
وفي اوقات الكرسمس ربما تاخذه 130 دولار

عموما بوول مرات اسعاره منافسة
ويكون نازل فيه خرائط كندا والولايات المتحدة

موفق اخوي

تامر امر
انشالله مهوب صعب و مثل ماقلت لك حتى لو كانو من اصول اوربية او غير ذلك المهم انهم يتكلمون انقلش
والبرد توه لكن هالاسبوع برد شوي اليوم درجة الحرارة العظمى 18 وبالليل حول ال12 لكن الاسبوع الجاي متوقع يرجع الحر 27 وفيها وبامكانك تشيك على درجات الحرارة من هالموقع قبل لا تطلع من البيت لات من الممكن يكون الجو صحو وبعد ساعتين ماتدري الا والامطار هماليل Weather Forecast: Toronto, Ontario - The Weather Network
ودمت بود