تجمع للعسكريين الذين لديهم دورة لغة خارجية لمدة سنة

السلام عليكم

حبيت اسال عن السكن مع عائله الكثير مايمدحونه لان العوايل دايما كبار في السن اوموظفين مايرجعون الا اخر اليوم وينامون من 9 ولاتستفيد من اللغه في شئ هذا عن نفسهم الخايسه اهم شئ تعطيهم الاجار بس اما اذا بتسالهم اوتستفسر عن اي شئ من باب التحدث فلايردون الابنفس خايسه او استحقار كانك تشتغل عندهم
هذا غير انك لازم تشتغل بالبيت معهم وتنظف الحمام بعدك لانه مشترك هههههههه محلاك ضابط وماتلمس شئ في بيتك واخرتك تنظف للاجنبي حمامه هههههههه

ولد خالي مبتعث وغير اكثر من 4 عوايل والمعهد يدبر لك اول عايله وانت دورغيرها اذا بتبدل بس ما ارتاح ولد خالي الا لما طلع لحاله
لان لهم نظام خروج ودخولواذا عندهم حفلات او سهرات الله يعينك لاتطلع من غرفتك والا اخرج للين تنتهي حفلتهم لان هاذي خصوصيه لهم والاتوهقت
ولد خالي توهق وشاركهم وفي النهايه طبت عليهم الشرطه ماادري وش كانوا شاكين فيه وراح المسكين في خرايطها وانسجن 3 ايام ثم خرج بعد ماتبين ان ماله دخل بس بعد ماتمرمط

حبيت اسال اللي عنده خبرة اسكن مع عايله او لوحدي افضل

السلام عليكم جميعا
مشكورين الجميع على المشاركة والتفاعل
والله يجعلها في موازين حسناتكم

الحمد لله اليوم سويت الفحص الطبي بمركز ترانساد الطبي
وقالوا لي يومين تتصل علينا تاخذ رقم الارسالية للندن
وتتابعها عن طريق فيديكس
والامور طيبه

الاخوة الزملاء الكرام ياليت كل واحد يطرح تجربته مع الضمان المالي والفيزا والقبول والوكالة علشان يستفيد الجميع

انا عن نفسي قمت بالتالي :
السبت 18/9 صدر القرار
الاحد 19/9 اخذت الضمان المالي
الاثنين 20/9 جهزت اوراق الفيزا وهي كالتالي : ركز يا ماجد زين هههه
الجوازات لي والعائلة - صور مكشوف الراس لي وصور للعائلة - عبيت استمارات الفيزا 4 اوراق لكل شخص
صور للضمان المالي بعدد العائلة - صورة بطاقه الاحوال لي فقط -
صورة اول صفحة من الجواز لي فقط - صورة قبول المعهد -
صورة اخر شهادة جامعية مع الترجمة وترجمة الدرجات -
تعريف العمل بالانجليزي - تعبئة نموذج العسكريين
الثلاثاء 21/9 قدمت اوراقي اللي فوق للفيفا
الاربعاء 22/9 جتني رسالة من السفارة الكندية تقول ان اوراقي وصلتهم وقعدوا يرحبون ويهلون فيني ههههههه --- نصاب
السبت 25/9 رحت الفيفا واخذت اوراق الفحص الطبي جاية من السفارة
الاحد 26/ 9 اللي هو امس سويت الفحص الطبي

الزبدة الامور بالمرة سهالات

وبالتوفيق للجميع

اخوي فهد 2
يا هلا ومرحبا فيك والله يوفقنا واياك بهالبعثة ويعطينا خيرها ويكفينا شرها

ياليت تعلمنا انت باي ديرة بكندا ؟
عساك في اوتوا
تراها زينة دافية ولا فيها زحمة وكل شي متيسر
وانا ان شاء الله بكون فيها - برتب لك كل شي
بس تعال معي - ما معي احد بهالديرة كل العالم تورنتو وفانكوفر
بعدين الملحقية جنبك اي شي تبغاه من قريب
انا من الان الناس تشبك معي علشان اخدمهم بالملحقية
بس انواع التصريف واذا جيت هناك جوالي على موجود هههههه
تكفى لا تقولي تورنتو او فانكوفر ههههه

بالتوفيق للجميع

الاخ تركي جزاك الله خير واسفين على ازعاجك وكثرة استفساراتنا
بالنسبة لي انا
مكتب الفيفا ما قبل ورقة المعهد التي استلمتها من الوكالة بسبب انها فاتورة ( invoice ) والمطلوب قبول معهد .
الوكالة لا يوجد لديها إلا هذه الفاتورة وطلبت مني ان انتظر حتى ترسل الضمان المالي وتستخرج القبول النهائي .
الله يسهل كل امر عسر .

السلام عليكم

ما شاء الله عليهم الاخوان اللي طالعين كندا تفاعل مميز و معلومات قيمه حنا اللي طالعين استراليا لا حس و لا خبر

اتمنى التوفيق للجميع

الا الان القرار ما وصل مراجعنا الظاهر بعد العيد

لدي اسفسار بخصوص امر الاركاب ؟ اذا لم اجد حجز على الخطوط السعوديه هل يحق لي الحجز على خطوط اخرى مثل طيران الامارات ؟ و هل يكون السفر على مجموعات او كلن يسافر بنفسه و يسنع روحه ؟
و للجميع الشكر و التقدير

السلام عليكم
كل عام وانتم بخير وعيدكم مبارك قبل الزحمة
كيفك ياتركي وشاخبارك ماشالله عليك ياتركي بنك معلومات ههههههههههههههه
واخوي تركي كلمت الوكاله وقالولي ان بنخلصكم بعد العيد وش رايك لاني في نيوزلاندا مع العلم اني ماسويت شي
ومراجعنا ما رسلو لنا شي لاقبولات ولا غيره قطاع الجوزات
وبسئلك عن الفلوس الي عطيناها الوكاله حقت بوفراس ههههههه
في حد رجعوها له
وفي حد من المبتعثين في نيوزلاندا يفيدنا ويشاركنا
واسف على الاطاله
اخوك محمد
تحيااااااااااااااااتي

السلام عليكم جميعا

هلا اخوي متعب
والله يوفقكم يا اهل استراليا
القرار صدر من اكثر من اسبوع لو تنسق مع زملاك او المديرية العامة عندك بتحصله
لا تنتظره لين يوصلك - بتبدا دراستك ما جاك هههه
الخطوط السعودية ما ظنيت تسمح لك تغير الى خطوط ثانية
واعتقد فيه تعميم انه على الخطوط السعوديه توفير حجوزات لاوامر الاركاب الحكومية او تفتح الناقل
يعني بتدبر لك حجز باللي هي به
وكلن يسافر لوحده ويسنع عمره

اخوي maam82
كل عام وانت طيب
الوكالة انا ما انصح فيها ابد اذا تقدر تخلص امورك لوحدك افضل بكثير
ما ادري عن اجراءات نيوزيلاندا ووش تحتاج-
بالنسبه لل 986 فلقد عينا ابو فراس مسؤولا عن هذا الموضوع
هو بيفيدكم بحكم انه اول واحد دفع لهم ههههه

بالتوفيق للجميع

الاخوة الزملاء

اليوم جتني هالرساله من السفارة الكندية
dear applicant
please be informed as of sep 1 student residing in saudi will no longer need to undergo medicals please disregard the medical forms that have been sent to you

يعني من 1 سبتمبر الطلبة السعوديين لن يحتاجوا لاجراء الفحص الطبي
ويطلبون تجاهل اوراق الفحص الطبي اللي ارسلت لي

يالله وش عقبه - سويت الفحوصات قبل يومين وكلفتني 2375 ريال
من بيرجعها لي .

اقول ابو فراس يا زين 986 - ههههه ما شاء الله عليك والله انك محظوظ

بالتوفيق للجميع

الله يعوضك ان شالله
وهذا كله من دعا الوكاله عليك خخخخ
تخيل يقلون ماراح يبدون بالاجراءات الفيز لجميع الدول الا بعد العيد
يعني فيزة كندا زي بريطانيا
والله انهم قاعدين يستخفون بالعقول

الاخ ماجد كل عام وانت طيب
انا اخذت القبول من الوكالة وارسلته مع اوراقي من مكتب الفيفا ورجع علي الكشف الطبي وهو الان موجود لدى الفيفا

بس اذا تبغى ترسل ايميل للمعهد على عنوانه زي ماسويت انا وتركي ويرسلون لك القبول وماعندهم مشكلة تراه افضل

اذا استطعت تترك الوكالة تراه افضل
والله يسر امرك