تجمع للعسكريين الذين لديهم دورة لغة خارجية لمدة سنة

اخوي فهد مساءك الله بالخير
السفر بالاهل افضل مليون مره من السفر بدونهم خاصة اذا كانوا فيه بنات واولاد بعمر المراهقة او صغار بس انت الله يرضى عليك صورت الموضوع في ردك الاول وكاننا في الصومال او غيرها من الدولة التي لايامن الانسان فيها على نفسه واهله
انت ادري واقدر على تفهم وادراك حاجة اهلك للسفر معك او بقاءهم في الرياض بس لو بقوا في الرياض صدقني انهم ان شاء الله في امان وفي مجتمع خير يراعي حق الجيرة ولن يعدم في مجتمعنا اهل النخوة والشهامة والمرؤوة ومن كان يتربص باهلك الشر ويتحين الفرص لسفرك لينال منهم شرا فصدقني هو اقل واذل من ان يفعل شيئا لانه جبان

حفظك الله وحفظ ابناءك وبناتكم من كل شر واتمنى لك كل التوفيق

كل عام والجميع بخير

هلا ياخوي
الوكالة والمبلغ ان شاء الله ابو فراس بكرة السبت يمر عليهم
ويعطيكم العلم الاكيد هنا بهالموضوع
بالتوفيق



هلا اخوي ماجد majed90
كل عام وانت طيب ومن العايدين
اجراءات امر الاركاب فقط تاخذ صورة القرار وكرت العائلة
وخطاب من مرجعك للشؤون العسكرية يوضح خط السير
وتنقز للشؤون العسكرية وتبدا الاجراءات - سهلة كلها بمبنى الوزارة
طبعا هالكلام للي على ديوان الوزارة فقط بقية القطاعات والله مدري
بس علمنا وش صار معك بعد ما ارسلت الايميل للمعهد
وهل قدمت الفيزا
بالتوفيق




اخوي فهد2
كل عام وانت طيب والله يوفقك
انا فهمت كلامك - كلامك صحيح الذهاب بالعائلة معك افضل بمية مرة من تركهم
واهم شي انك تحفظ نفسك من الفتن والمعاصي
والاسباب اللي ذكرتها جزء منها صحيح وجزء بصراحة فيه نوع من المبالغة
بس شكلك حريص بزود وهذه احيانا تعتبر ميزة بس مهوب دايم
الله يوفقك وصدقني كتابتك لها الكلام دليل حرصك علينا والا بامكانك الاحتفاظ به لنفسك
لكن حبك لزملائك وحرصك عليهم دفعك للتعبير عن شعورك
فالف شكر لك بس لا تبالغ هههههه
الله يوفقك يا اخوي ويحفظ عليك اهلك ودينك ومالك

هلا اخوي انسان اخر
كل عام وانت بخير وعيدك مبارك
والحمد لله على السلامه
حلو الفاصل الاعلاني فيه نقله نوعية للموضوع بشكل عام
ولو اني ما شفت الصور بناء على طلبك هههه
حاول كل فترة تعطينا فاصل
حتى لو تعطينا صور لجليد اتوا وسيارة كامري الاريل حقها منتفخ من الجليد ترى عادي -
ههههههه كاشفك انتبه عندي مصادر هنا بالموضوع هههههه

الله يوفقك وبصراحة ما قصرت معنا

اخوي ابو عزة
كل عام وانت بخير
الله يجزاك خير على تجاوبك معنا

اخوي gdp
كل عام وانت بخير
بصراحة استراليا كان عليها طلب بالبدايه
بس لما دخلت علينا امريكا وبريطانيا طاح سوقها ههه
بالتوفيق

السلام عليكم

ابو فراس و تركي وماجد كل شباب الدورة
كيفكم وش اخباركم انشالله مبصوطين
عندي سؤال بالنسبة لفيزة استراليا ترانزيت الى نيوزلندا كم تستغرق من الوقت لاستخراجها
اخوي تركي اخيرا لقينا واحد يسأل عن نيوزلندا المعنويات بدت ترتفع ههههه
وبالنسبة لمراجعنا ما جانا شي بخصوص الدوره ياشباب الي معنا بالجوزات وعنده معلومه يتواصل معنا
وشكرا

اهلين بالزملاء وكل عام وانتم بخير
بالنسبه لفيزة ترانزيت استراليا وهي مجانيه وتطلع خلال 10 ايام عمل عن طريق النت
الاخوان المبتعثين لاستراليا ونيوزيلندا بتلقون بالرابط كل المعلومات عن التأشيرات الاستراليه

Australia Visa - The Rules, The Procedure, The Documents

وخطوط الطيران مثل السنغفوريه او الكاثي باسيفك او بروناي ما تحتاج تأشيره
وبالنسبه للكشف الطبي لنيوزيلندا اشعة صدر فقط وما يحتاج صحيفة سوابق

السلام عليكم
انا انتظر الرد على روحتي لكارديف انشاء الله بس كل يوم و الثاتي يعطوني كلام غير فاتمنى ان احد يقولي متى القرار الاكيد

السلام عليكم
اخوي gdp كيف حالك الله يعطيك العافية حبيبي انا سمعت ان القرار وصل المدرية قبل ماسكرة الدواير الحكومية لأجازة العيد بيومين يوم الثلاثاء لكن اخوي ممكن تفيدنا متا بيرسلونها لمراجعنا بليس لان يا اخوي احنا مش عارفين نسوي اي حاجة الى الان حتى الضمان المالي ما حصلنا عليه وتخبر حنا يا خوي برا مدينة الرياض صعبه علينا نخلص اوراقنا وما جانا شي
تحياتي
وشكرا على تواصلك معنا

صدقت هو فعلا وصل قبل الاجازة بيومين بس الاجراءات المتعلقة فيه بداؤا فيها الان
على كل حال
اذا حبيت ارسل لك نسخة من القرار فابشر عطني ايميلك وارسله لك صورة مسحوبة او اذا حبيت بالفاكس برضو ممكن وبالنسبة للضمان المالي فالوزارة ارسلت نسخة من القرار لجميع المبتعثين لوزارة التعليم العالي وبداؤ هناك في اجراءات الضمان المالي واتوقع اليوم او بكرة والضمانات المالية جاهزة في الوكالة الاسترالية لبدء اجراءات الحصول على القبولات النهائية ثم اجراءات الفيز ( على هذا الكلام بناء على تاكيد مكتب الوكالة الاسترالية )
وبرضوا قالوا لنا اذا ماخلصت الوزارة الضمانات المالية سنظطر لتاخير قبولات المعاهد وطبعا بعض الشباب متضايقين مره من سالفة احتمال التاخير هذي بس انا شخصيا اتمنى يكون فيه تاخير ( لحاجة في نفس يعقوب )

وعسى الله يكتب اللي فيه الخير والصلاح ... تقب تحياتي وتقديري