تجمع للعسكريين الذين لديهم دورة لغة خارجية لمدة سنة

السلام عليكم ,,,,,,,,,,,عندي عدة استفسارات
اولا ..انا من ضباط القوات الجويه ما ادري مسموح اضع استفساري هنا؟؟؟؟

مشكور اخوي ماجد
وعقبالك ان شاء الله

هلا اخوي فهد 2
ما شاء الله عليك . الله يوفقك
ياليت تعلمنا متى قدمت الفيزا ومتى طلعت ومتى سفرك ان شاء الله؟
علشان يستفيدون الزملاء - بعضهم ما طاعت الفيز ومتخوف شوي

بالنسبه للغة لا تشيل همها
بس حط في بالك لازم تذاكر وتشد حيلك
وتوكل على الله وبتلقى الامور سهلة ان شاء الله

هلا اخوي gdp
والله ما اعرف شي عن اجراءات استراليا وياليت احد من مبتعثي استراليا يجي معنا

بالنسبه للخطوط السعوديه ما توصل لاستراليا وكذلك ما توصل لكندا
بالنسبه لكندا عندنا توقف في لندن او فرانكفورت بس ما نحتاج فيزا
كلها كم ساعة وتطلع على الخط الثاني لكندا

بالنسبه لك اذا محطة التوقف عندك ماليزيا اعتقد ما يحتاج لها فيزا
واذا تبغى تقدر تريح فيها يوم وبعدين تواصل الرحلة خاصة اذا معك عائلة
بالتوفيق

وعليكم السلام ورحمة الله
هلا ومرحبا اخوي
اكيد مسموح تفضل
لا يردك الا الكيبورد

بالتوفيق

مساء الخير يا اخوان
لو سمحتو : هل تم الاتصال عليكم من قبل المكتب الاسترالي بشأن تغيير الضمان المالي ..؟؟
لانهم اتصلو علي وقالو انه فيه خطاء في الضمان ؟؟
ماهو الحل ؟؟

مساء النور
ما احد اتصل علينا -على كل حال المسألة سهلة
رح للوكالة وخذ منهم الضمان اللي فيه خطأ
وخذ معك صورة قرار الوزارة وقبول المعهد وصور جوازاتك مع العائلة مع الجوازات الاصل
وانقز للتعليم العالي جنبهم كلها ساعة وانت طالع ومعك الضمان
وقبل لا تطلع تاكد من كل الاسماء انها مطابقة للجوازات

واذا اخذت الضمان المالي لا ترجع للوكالة ابدا
انقز للفيفا وقدم اوراقك لطلب الفيزا - والاوراق المطلوبه موجودة بردي فوق
واي استفسار حاضرين
بس تعال انت باي ديرة بكندا ؟

مساء الخير ,,
بادي ذي بدء لابد من شكركم جميعا لانكم وضعتوا اخوانكم على الطريق الصحيح من الخطوة الاولى ,,
بارك الله بكم واعانكم وسدد خطاكم ,, ووفقكم لما يحب ويرضى ,, ورزقكم علما نافعاً ورزقا طيبا وعملا متقبلا ,,


ثانيا ,, لدي استفسار بسيط ,,
في اي تاريخ وصلت طلبات الترشيح لهذه الدورة على مراجعكم بالضبط ..,,
في اي تاريخ هجري التحقتوا بدورة الثلاث اشهر في اكاديمية الفيصل ,,
ماذا يتم بعد الدورة ,, هل تعودون للمباشره في مراجعكم او تستكملون طلبات الابتعاث ..

متى يكون السفر لدولة الابتعاث ,,



كل مااود معرفته بشكل دقيق متى يطلب تدريب الداخلية الترشيح لهذه الدورة ,,
هل يوجد ابتعاث للامن العام لبريطانيا فقط ام هو ابتعاث خارجي وانت تحدد الدولة ,,


دمتوا بكل ود ,,
ورزقنا الله هذه الدورة

مرحبا يازملاء مساء الخير
حقيقه فيه شي غريب ياكد ان الوكالة نصابة بقوة بعض الزملاء طلعوا الضمان المالي في رمضان قبل شهر تقريبا واعطوة للوكالة علشان تطلع القبول النهائي على قولهم وبعد 3 اسابيع دقوا عليهم وقالوا الضمان غلط لانة موجه للسفارة طيب وينكم يالوكالة 3 اسابيع مادريتوا عن الخطاء الا بعد ما طلعوا الكل الضمان توكم تنتبهون !!!!! اللى بوصله لكم ان بس امريكا تشترط قبول نهائي فقط ولازم الضمان يكون موجة للمعهد غير ضمان ثاني موجه للسفارة فالى حصل ان الوكاله الغبية مارسلت اى ضمان اصلا كل الفترة اللى فاتت تجمع الاوراق وبعدين ترسلها على دفعات زي القبول المبدئي كل اسبوع دولة وبتجلس 5 اسابيع علشان تخلص لانها 5 دول وبتاجل الدراسة شهر للمبتعثين ونفس سالفة العام اللى استمروا مع الوكالة جلسوا ماسافروا وكل شوي تاجيل لمده 5 اشهر اخونا تركي اخذ الضمان المالى من وزارة التعليم العالي وقدم وطلعت الفيزا له ماشاء الله ربي يوفقه والوكالة تقول خطا انه موجه للسفارة بس واللى راح يغيرة فى الوزارة لاحظ استغراب الموظفين من الطلب لان بس امريكا تطلب الشي هذا فقط لان عندهم نموذج I-20 هو القبول النهائي ولازم الضمان للمعهد علشان يعطيك النموذج واتحدى اذا الوكالة طلعت القبول النهائي في شهر اتحدى
سؤال اخوي تركي مده الدراسة كم وللي يعرف من الزملاء بعد وهل بداية حساب المدة من دخولى لكندا (اخوي انسان اخر اذا جاوبت بخصم 10 اسئلة ) ههههههههه لان النماذج تطلب تحديد مدة الدراسة والمعهد بعد يطلب تحدد ونبي نعرف جد اذا سافرنا كم المدة اللى نجلس هناك انا سمعت انه 48 اسبوع هل يشمل الاجازات او 48 اسبوع دراسة فعلى ويحسب من اول مادخل المعهد ولا يفرق من معهد لمعهد*يعني متى نرجع نباشر في العمل ووضعنا اوكي هههههههههههه
شاكر ومقدر لكم

الاخوة الزملاء
بعد التحيه
وردني بريد الالكتروني من الوكاله ويقولون
الرجاء تعديل الضمان المالي من
Financial Guarantee for Visa Purpose Only
الى
Financial Guarantee for Admission Purpose Only
يعني المسأله فيها تعليم عالي مره ثانيه الله يسهل الامور .....

هلا اخوي فانكوفر
انا ما ادري العالم ليش الى الان يتواصلون مع الوكالة
الوكالة اتفقت معها الداخلية تجيب لنا قبولات من المعاهد كل واحد حسب الدولة اللي حددت له الوزارة
بمجرد قبولك وصل وصدر القرار الوزاري انتهى دور الوكالة

الوكالة تحاول انك تكون مرتبط فيها بعدة مواضيع من اجل الاستفادة الماديه
من سالفة التأمين الطبي الى الضمان المالي الى محاولة انهم هم اللي بيطلعون لك الفيزا
وكله من اجل المادة فقط وليس من اجل سواد عيونا
اقل شي لو يتاخر القبول عن موعده وتضطر ترجع لهم يجددون لك القبول بياخذون منك 100 دولار او ريال تجديد

اللي ابي اوصل له ان هدف الوكالة مادي بحت . ما همهم تتاخر شهر شهرين سنه اهم شي الفلوس
بعدين انا ملاحظ انهم ما عندهم خلفية باجراءات كندا ابدا

بالنسبة لكندا القبول واحد وليس هناك قبول مبدئي وقبول نهائي
معهد لغة انجليزية تراه ما هو كلية الملك فهد الامنية
نفس القبول اللي وصلنا ونفس الضمان اللي عطوناه التعليم العالي طلعت فيها الفيزا وهي معي الان

وش مقصد الوكالة من التغيير اللي ماله سنع / ما ادري بس متاكد انه تعطيل للناس وفي الاخير متاكد ان المقصد مادي

انا ما جاني شي من الوكالة الى الان
ولو جاني منهم شي الفيزا وطلعتها وش يبون بعد
يعني لو اجراءاتي ناقصة ما قبلت السفارة تطلع لي الفيزا

اللي اعرفه انك اذا وصلت هناك تعطيك الوكالة ضمان مالي للمعهد
الوكالة وش علاقتها بالموضوع ما ادري
الله يعين اللي يسمع كلام الوكالة على المرمطة والروحة والجية

بالتوفيق للجميع

الله يجزاك خير......ابغى اعرف كيف طريقة التقديم لدورة اللغه في القوات الجويه لاني قدمت وحطو العقده بالمنشاروقالو انها الان موقفه بس انا ما ادري هم صادقين او لا ؟؟؟لان لي زملا قدموا على نفس الدوره وجاء قبولهم الظاهر الدوره اسمها الموارد البشريه