تجمع للعسكريين الذين لديهم دورة لغة خارجية لمدة سنة

الاخ نواف
حياك الله بالنسة للتذاكر تاخذ امر اركاب من مرجعك وتروح فية للخطوط السعودية ويحطون لك سعر التذكرة وترجع للميزانية ويرتبطون لك بالمبلغ وترجع للخطوط ويعطونك التذكرة مفتوحة
بس فيه ناس تأخذها على الطيار على شان تسترجعها ويحسم الطيار من قيمة التذكرة 15% إلى 20% بس لابد من موافقة مرجعك على تحويلها للطيار الان اغلب المراجع ترفظ وبالنسبة للخطوط فلا عندهم استرجاع
وبالنسبة للدرجة - من جندي إلى نقيب سياحية ومن رائد واعلا درجة أولأ.
بالتوفيق

والله يانا بلشنا مع امر الاركاب الله لايوفق كل مسئول عسر على الناس وضيع حقوقهم التي كفلها لهم النظام

بس عندي سؤال بسيط عن خط السير في امر الاركاب الى استراليا فالمعروف ان الخطوط السعودية لاتصل الى استراليا فكيف يكون خط السير في امر الاركاب يعني نكتب فيه الرياض -سدني - الرياض او لابد من ذكر المحطة التي سيتوقف فيها يعني نكتب الرياض -دبي -سدني -الرياض

افتونا ماجورين

اللى اعرفه اخوي الخطوط تشترط تحط اخر نقطه توصلها طياراتها مثلا سنغافوره او ماليزيا بعدها لسدني ماتعطيك على دبي او محطه قريبه وتقدر تتاكد اتصل على الرقم المجانى حقهم 920022222 ويفيدونك عادى

خيبت ظني ..............
يعني بالعربي اقدر استفد من مبلغ التذاكر اذا حولتها على الطيار وانا بيعطوني درجه اولى فاقدر احولها سياحي وكم بيفرق معي ابي بالتفصيل الله لا يهينك مدام عندك خبره يابو فراس وكم التذكره يحسبونها عندي4 اطفال

السلام عليكم ورحمة الله وبركاته

اتمنى للجميع التوفيق

لكن عندي استفسار بخصوص خطاب الغرض من الدراسة ( Statement of Purpose )
خصوصا ان الدورة مدتها سنة وهي دوره لغة
اتمنى المساعده في هذا الخطاب

تحياتي للجميع

حياك الله
طبعا الفرق تقريبا اربع مرات يعني يعطونك درجة اولى (مثال)إذكانت رحلتك على فانكوفر و قيمةالتذاكر للشخص تقريبا 60000 الف ذهاب واياب فوق سنتين و ترجعها من الطيار يأخذ منها تقريبا 25% ويعطيك الباقي يرجعلك مثلا 45000 الف ريال للشخص وقيمة التذكرة السياحية تقريبا 10000 ريال ذهاب واياب للشخص وعليك باقي الحسبة
بس السؤل هل قطاعك يوافق يحولها على الطيار وهنا مربط الفرس
فيه قطاعات وافقت وانت حاول وفعلا ترى فيها فايدة اقلها مصاريف الاطفال ودراستهم على حسابك هناك
بالتوفيق

اخوي احد زملائنا الاون في استراليا وكان خط السير الرياض - دبي - سدني
موفق خير

يا اخوان
ايش الافضل عند التقديم للفيزا
هل عن طريق الوكالة الخايسة الاسترالية او عن طريق الفيفا ..
وشكرا لكم

اخوي جمال2
ابعد عن الوكالة وامورك ان شاء الله تمام
الوكالة ما وراها إلا مضيعة الوقت
تحياتي للجميع

هلا اخوي جمال
المشكله انك تقول الوكالة الخايسه يعني عارف الاجابة مقدما
اكثر من مرة سالت عن الوكالة وقلنالك انحش عنها
بس شكلك متعلق فيها هههه

اخونا لفانكوفر له رد فوق فيه كل الاوراق المطلوبه لتقديم الفيزا
جمع اوراقك وقدم على الفيفا والله يسهل امرك
العالم قدمت على الفيفا وطلعت فيزهم ويتجهزون للسفر الان
بالتوفيق للجميع