الحمدلله صدر قرار الحاقي اعتباراً من شهر رجب

June 7th, 2011, 03:20 AM

الحمد لله صدر القرار وعرفت كوعي من بوعي من اول مدري انا وش اسوي بسافر ماني مسافر اخلي الشقه ادفع الايجار دخت

لاكن صدر القرار الحاق للملحق العسكري بأمريكا .. الحين بعرف اقرر وضعي .

تابع لوزارة الدفاع .

طبعاً انا مرافق لزوجتي المبتعثه لكندا وكندا تباعه لامريكا .

المعامله تاخذ وقت طبعاً اهم شي (((موافقة الرئيس المباشر قائد وحدتك يكتب لاماااانع)). ومن بعد كذا موافقة الجهة اللتي تعمل لديها
كمثال / عكسري يعمل في معهد الدفاع البري<<< لا تدقق / لازم يوافق قائد المعهد ويكتب لاماانع وبعدها تروح للرياض لقيادة الدفاع البري وبعدها ترفع للامن وتتم الزكيه بشرط ماتكون عليك قضايا وسوابق وتعود لقيادة الدفاع البري ويرسلونها إلى هيئة الاركان وتتم الموافقه من هيئة الاركان ومن ثم تعود إلى قيادة الدفاع البري لأصدار القرار بناء على موافقة رئاسة الاركان .

الاركان توافق اذا جاتهم جاهزه وعليها موافقة قائدك المباشر وقائد القطاع وفيها تزكيه من الامن .

المده : لا تقل عن 4 - 5 شهور يعني احسب حسابك على 5 شهور لانتهاء المعامله .

يستحسن تشوفلك بعكوك عريف وكيل رقيب يقلك وين واقفه المعامله وين وصلت راحت كذا راحت الامن جات من الامن راح الاركان فقط معلومات ما يحتاج واسطات وترى الرتب الصغيره فيهم خير ويسويلك اشياء ما تتوقعها . احسن من بعض ***.


الامور سهالات ومتيسره والحقيقه قياداتنا العسكرية ما قصرو ويسوون كل شي فيه خير .

وأي احد القائد حقه يقوله وقفو الالحاق ولا ممنوع . اعرف انه ما يبي لك الخير وهو ما يبيك تروح . لاكن قله انت سوي اللي عليك ومشها واكتب موافق وأنا بدبرها .

وهي ما يحتاج لا واسطه ولا يحزنون . النظام يسمح ولا احد بيتجاوز النظام . الا اذا يصدر تعليمات جديده

تعرفون العسكريه في يوم وليله يطلع لك قرار . وعلى ماقالو

الأولات الروابح .

هذي مشاركه بسيطه حبيت اقدمها لكم لاني اول ما بديت في رحلتي لقرار الالحاق كنت ابحث عن معلومه تفيدني . وكثر سبقوني وتم الحاقهم ولاكن كل واحد يصر له قرار قريب يطمن اللي توه يبدى في الرحله.


الله يوفقك الجميع واتمنالكم كل خير

• نشر عبر تويتر
• نشر عبر فيسبوك
• نشر عبر جوجل