ضوابط الاجازة الاستثنائية لأفراد القطاعات العسكرية

نفس سؤالي ياليت نلقى اللي يفيدنا

السلام عليكم
ابارك للجميع هذا القرار
وابشركم النظام فيه راتب كامل وخدمة
اعرفكم على نفسي انا رائد في رئاسة الحرس الوطني
والاخوان المحبطين او الفلسفجين لا يفتون من مخهم
الف مبروك للجميع

أخواني أخوي عسكري بالأمن العام " جندي " لم يمر على عمله سنه كامله وهو حاب يدرس وأنا بخرج برا أكمل أقدر أخذه معي

الله يرضى عليكم ضروري ردوا علي

انا سالت زوجي وقال ايوه تقدرين تاخذينه معك ولايوجد نظام يمنع

وبالتوفيق لكم جميعا

الله يوفقك عزيزتي ويحقق لك حلم ومُناك يارب

سؤال أخير ياريت تسألية بخصوص الإجراءات اللي يتخذها بإختصار لأن والله ماعندنا من يفيدنا غير هالمكان وبس

ما لاحظت عدد مشاركاتك ؟؟؟

أولا لايطلق عليه نظام وأنما هو مادة أو قرار

ثانيا ياسعادة الرائد تعريفك بنفسك لايضفي في موضوعنا اي نوع من اليقين او الاثبات

ثالثا اتهامك الناس بالفلسفة والتحبيط لايمت بأي صلة الى ادب الحوار وتبادل المعلومات

اخيرا أرجوا عدم التشويش ع الاخوة وان كان عندك اثبات فهاته (قل هاتوا برهانكم ان كنتم صادقين)

ــــــــــــــــــــــــــــــــــــ

السلام عليكم
الوالد عنده ايجازه استثنايه بس ماوقعها لان لحد الان ماسافرنا <<ابوي عسكري بالحرس الوطني رقيب اول
طبعا بدون راتب ولا خدمه
وسال والوالد عقيد مسؤول عن هذا الشي هو اللي سهلنا امورنا قبل وعارف معانتنا
وبشر ابوي ان له نص الراتب
وقال جتنا تعاميم بس لحد الان ماجاء القرار
ــــــــ
والحين كيف انتم تقولون ان مافي راتب ولا خدمه ؟؟نفس الاول
ولا راتب كامل؟؟
ـــــــ
لو يكون بثبات الجواب احسن

شلون تاخذينه معك ؟
هو شنطه او لابتوب ؟

السلام عليكم ورحمة الله وبركاته اهني جميع العسكريين بهذه القرارات الجديدة التي تنص لصالح الضباط او الافراد بس ابن ادم لا يصير طماع ولا يكثر الكلام في وجهة نظري لا تقولون ما اسلوب كلام لكن لا زم نتذكر كلامنا قبل صدور القرار نقول ليش حنا يالعسكر ما لنا اجازة استنثائية زي الموظفين المدنيين والجميع يعرف ان الموظف المدني في حال اجازته الاستنثائية لا يستلم راتب ولا تحسب له خدم طيب جانا ما تمنينا رحنا نقول ليش ما يعطونا كذا كذا ليش نطمع نبي اكثر مو القرار هذا مصالح الجميع احسن من ان زوجك او اخوك او انا استقيل من عملي الا انه ردتني قدرة قادر اني ما استقيل ثم اتحسف زي غير يوم صدر القرار يناس الطمع يضيع ما جمع الحمدلله على كل حال ما جاء في تفصيل القرار يمرحبا فيه انا اول شخص عسكري اقول انا راضي بما جاء من عند الله والي يبي خدمته تقعد ويبي راتب يجلس ولا يروح يرافق طبعا هذي وجهة نظري واتمنى ما اكون ازعجت احد بكلامي لازم كل شخص يفكر وش كنا يالعسكر قبل القرار وبالتوفيق للجميع