تقرير نظرا لكثره الاستفسارات عن ( الاجازه الاستثنائيه ) شرح بالتفصيل

بس حابه استفسر عن شيء

اجازه استثنائيه بدون راتب وذلك بقدر مدة المرافقه بحد اقصى 4 سنوات
متصله او منفصله طوال الحياه الوظيفيه


((على الا تحتسب مدة المرافقه لاغراض التقاعد الا اذا دفع العائدات التقاعديه عنها ))


كيف نقدر ندفع العائدات التقاعديه عن فتره الاجازه
هل قبل الاجازه او بعد او له شروط

لاحول ولاقوة الا بالله

معقده من كل جهة


خدمة ماتحسبلي والله ماعندي مشكلة
راتب ماينزل وتوني ماخذ قرض برضه ماعندي مشكلة اذا رجعت ان شاءالله نتفاهم

الشي الحلوو اني اقدر اكمل دراستي << لكن الزين مايكمل

4سنوات مايمديني اخلص البكالوريوس ومن ضمن الاربع سنوات طارت سنه لغة يالهي مالذي يحدث امامنا 3 سنوات مستحيل اخلص فيه البكالوريوس

لكن مخيخي يطقطق بافكار جهنمية قد تودي بي الى التهلكة وقد تودي بي الى هز الوسط من كثر الوناسه


اولا اتوكل على الله واكمل دراستي

ثانيا في حال قرب انتهاء اجازتي الاستثنائية اخاطبهم بالتمديد لو سنة او سنة ونص (الباقي من مدة دراستي)

اذا رفضوا سحبت عليهم يالله انك تعوضني خير



ثالثا وهي اللي اهم شي وارفعوا اياديكم تكفووون وادعوا معي

يعني وانا ادرس مثلا مرت سنة نقول سنتين نقول ثلاث اهم شي قبل تنتهي اجازتي

ان تصدر انظمة او اوامر جديدة نقدر من خلالها نواصل الدراسة او نمدد الاجازة اكثر يالله ياحي ياقيوم ان تيسر امورنا وتوفقنا لما فيه خير لنا ياارحم الراحمين



وش رايكم في كلااامي هل من مؤيد وهل من معارض مع التفصيل وذكر المصدر ههههههههههههههههه

للمعلومية

انا عريف فالحرس الوطني وتم قبول زوجتي للماستر في امريكا للمرحلة السابعه وانا مرافقها باذن الله



والله الموفق

اولا السلام عليكم ورحمه الله وبركاته
لي فتره وانا اتصفح الموقع واشاهد استفسارات كثيره من الاخوان والاخوات ( للإجازه الاستثنائيه ) فاحبيت اشرحها بالتفصيل وارجو تثبيتها وراح اتطرق للانظمه التاليه
( الالحاق ـ الاستيداع ـ التفرغ الدراسي ) في وقتها

القرار رقم (45) وتاريخ 3/8/1432هـ القاضي بجواز منح العسكري الذي يرغب في مرافقة زوجته المبتعثة للدراسة في الخارج أو أحد ممن يعولهم شرعاً إجازة استثنائية بحد أقصى لا يتجاوز أربع سنوات.
طبعا هاذا القرار صادر من ديوان مجلس الخدمه العسكريه وهي المسوؤله عن النظام في كل القطاعات الاتيه :
( الدفاع ـ الداخليه ـ الحرس الوطني ـ الحرس الملكي ـ الاستخبارات العامه ) يعني النظام واحد

اولا هاذا النوع من الاجازه موجود في نظام خدمه الضباط - الافراد في الفصل الثاني الماده الرابعه والتسعين وعدلت لكي تصل الى 4 سنوات كحد اقصى بدلا من شهر واحد
وراح افصلها لكم لاكن قبل باتطرق لملاحظه مهمه وجود قرار جديد لا يلغى الانظمه السابقه مثل ( الالحاق ـ الاستيداع ) يعني يمكن بعض الوحدات تعمل بكل الانظمه والقرارت والبعض بس يمشي على اخر القرارت فقط
الاجازه الاستثنائيه طريقه التقديم لها :
عن طريق مرجع الشخص فصيل - سريه - كتيبه ـ لواء بالنسبه للوحدات الميدانيه او ما يعادلها في القوات الاربعه قسم ـ ادراه ـ هيئه للوحدات المكتبيه
يرفع الطلب الى قائده المباشر وحسب التسلسل الوظيفي ويكون مشتمل على : صوره مصدقه من كرت العائله ـ صوره من قرار الابتعاث او القبول للزوجه او الاخت ـ تقديم طلب الاجازه الاستثنائيه ويذكر فيها المده مثلا سنه ـ سنتين ـ 3 سنوات او 4 سنوات على طول الحد الاقصى
طبعا من وحده الى وحده قد تختلف بس بشكل بسيط جدا بعض الوحدات قد يطلبون شروط اكثر مثل ( المسح الامني - التزكيه الامنيه ـ صك اعاله صادر من المحكمه ـ ان تكون التقارير السابقه ممتازه ) والبعض لا يتقيد فيها وتعتمد بشكل اساسي على قائد الوحده وتصدر بعد الموافقه من هيئه شؤون الضباط المسلحه - او هيئه اداره المسلحه او ما يعادلها
كما انه يستطيع الشخص قطع الاجازه والعوده للعمل وترفع مباشرته
ندخل الان في الزبده وهي الاجازه الاستثنائيه وايش هي بالضبط؟؟
هي اجازه :
1- بدووووووون راتب .
2ـ بدون احتساب سنوات خدمه يعني خدمتك 6 سنوات طلعت اجازه استثنائيه 4 سنوات ورجعت مالك الا 6 سنوات
3ـ التاخير في الاقدميه
بالنسبه للضباط نصيحه اخ لا احد ياخذ اجازه استثنائيه لانها تضر كثير جدا بالاقدميه والخدمه الا للضروره وبعد ما يستخير
اما للافراد فيستخيرو واذا مافي الا هي يقدمون عليها طبعا لان تاثيرها على نظام خدمه الافراد اقل من التاثير على نظام خدمه الضباط

طبعا اذا توكل الشخص على الله وجته الاجازه الاستثنائيه يعطى مكافئه مرافق اذا كان مرافق فقط واذا كان يبي يدرس يضم للبعثه عن طريق الملحقيه الثقافيه ويصرف له راتب مبتعث كل هاذا تتكفل فيه الملحقيه الثقافيه
طبعا الكل قبل لا يقدم على الاجازه الاستثنائيه يرسم هدفه صح حتى الي عندهم اقساط مثلا واختار دوله مثل كندا للابتعاث تعطي مكافئه اكثر نظرا لسعر صرف العمله قد يوفر مبلغ جيد ويسدد القرض اللي عليه


والله يوووفق الجميع يارب ولاتنسوني من دعاكم والدعاء لوالدي بالشفاء العاجل
وترقبو الشرح المفصل لنظام الالحاق ـ الاستيداع - التفرغ الدراسي واللي عنده اي استفسار بالنظام يسالني وباذن الله ما راح اقصر معه

الله يسعد الي يرد علي


انا اخوي بالقاعده الجويه ويشتغل بمطار الملك فهد الدولي وهو مرافقي في البعثه


الحين لما جاني القبول النهائي قام يقولي يمكن ما يقدر يروح معي لان حتى لو ان الملك اعطي هالقرار بمنح العسكري الاذن بمرافقته من يعول عليهم شرعا يمكن الضابط الي عندهم مدري وش رتبته ما يوافق لان عندهم نقص بالعسكر فهو ما يقدر يتخلى عن اي جندي من الي عنده؟؟


هل هالشخص كلامه جاد؟يعني يقدر يرفض ان يعطي اخوي اجازه استثنائيه بس عشان عندهم نقص بالجنود؟؟ ولا ااخوي باذن الله راح يقدر ياخذها

علما ان اخوي جندي اول


وعندي استفسار ثاني بسيط

اخوي بالدفاع المدني ويقول انه اخوي الي راح يسافر معي يقدر ياخذ اجازه لمرافقتي وايضا ياخذ راتبه كامل اول سنه واتوقع ثاني سنه ياخذ النص او شي زي كذا؟ افيدوني من ناحيه هذه النقطه؟؟