حوار تعاااالو ياشباب ابيكم بكلمة راااس^_*

حياك الله

وتنور طال عمرك امريكا بطلتك ان شاء الله

من ناحية الرحله اذا كانت دايركت دون توقف يطولي بعمرك شد ظهرك زين لأنك تبي تطوول وانت على المقعد حق الطياره الرحله تقريباً 14 ساعه

من ناحية الديره اللي انت رايح لها سان انتونيو هذي بولاية تكساس ومن افضل الولايات بنظري ومن افضل المدن سان انتونيو وفيها عرب كثير وسعوديين اكثر وفيها مراكز عسكريه سعوديه بشكل ماتتخيل يعني لدرجه يقولون ماترمش عينك الا على عربي هههههههههه المهم مالك بالطويله من ناحية العفش يسمح لك شخص عدد 3 حقائب (( عدد 2 عفش لايتجاوز وزن الواحده منهم 23 كيلو جرام + 1شنطه يد لايتجاوز وزنها 10 ك ج ))

من ناحية الاغراض المهمه اللي تاخذها معك انا اشوف لو تشف لك دفايات قهوه وشاي وتمر هذه المهمه باقي الاغراض من اغراض قهوه وشاي والى اخره تحصلها في سان انتونيو في البقالات العربيه اللي هناك او انك تضطر تطلع هيوستن تقريباً ساعتين وشوي مره وحده كل شهر ...

تجيب معك بهارات كبسه والاشياء الخاصه اللي تبيها ولكن الحمدلله ترا كل شي متوفر هنا

وحبيت اذكرك بنقطه مهمه اي اكل تحمله معك سوا كان شكله او نوعه من مواد غذائيه او خلافه لابد يكون عليه تاريخ انتهاء او مايسمح لك تحمله في اغلب الاحيان هذا اذا كشفوك لاسمح الله


غير كذا طال عمرك ملابسك اللي تبي تجيبها حاول تشتري الخيص الزين من السعوديه ولكن الملابس الماركا انا اشوفها بأمريكا ارخص من السعوديه ولكن ملابسهم الخيصه اللي هنا مضروبه شوي ولك عليها


من ناحية الحياه بسان انتونيو بالعكس مدينه حلوه واقتصاديه نوعاً ماء وميزة الولايه اللي انت فيها فيها اماكن تمشيه وقريب منها كم ولايه ...

المهم انا اللحين بولاية تسمى تنسي وان شاء الله عندي نقل لمدينة سان انتونيوا بعد شهين بالضبط من الان عاد ضبطلي شقه هههه ولا اوصيك لازم تعلم الديره قبل اجيك على شان تدلني ههههههههههههه

واذا فيه اي استفسار عن شي معين تفضل يطولي بعمرك ..........

الله يسعدك يابو بدر ويوفقك ان شاءالله ويرزقك
بس والله مدري وش اخذ معي ووش اخلي
ياليت احد يزيدنا من معلومات