خيبة امل للمرافقين العسكريين ( اللي بيطلعون بالاجازه الاستثنائيه ) تعالوا اسمعوا

يلعن ام التحطيم لو كان هالكلام صحيح لاني عسكري ومرافق لزوجتي وابي اكمل

وكنت خلاص ناوي اطلع فيزا طالب معقوووووووووله وربي تحطيم لو كدا

الي احد سال قالو غير الكلام هذا يعلمنااا تكفوووووووووووووووووووووووون

وينكم اللي بيسالوا بليز

أختي (حبيبة زوجي) وغيرك اللي يسألون

من الآخر واضربي كلام اللي سألتيهم عرض الحائط ولا تفكري بهالشيء ولا ثانية وحدة

انا مرافق لزوجتي حاليا في كندا واحيانا اتواصل مع الملحقية, وخذيها من الأخير

زوجك معه اجازة استثنائية ؟ يدرس ومن فوق خشم اللي مو عاجبه, انا اصلا مستغرب من سؤالك من الأساس

نظاما وحتى مو نظاما شيء معروووووووووووف وحطي قوسين بين كلمة (معروف) عند كل الموظفين المرافقين سوء عسكريين ولا مدنيين

عندك إجازة (((استثنائية))) تدرس على حساب الملحقية حسب مدة اجازتك, ما عندك اجازة مثلا (ملحق عسكري) أو غيره مثل حالتي انا
ما تدرس على حساب الملحقية ولا للمحلقية اي دخل فيك.

هذا الكلام ومن الاخير زوجك يدرس على حساب الملحقية وغصب عن اللي ما يرضى.

هذي روابط تفيدك وخاصة الرابط الثاني:

http://www.mohe.gov.sa/ar/studyaboard/Policies-and-Rules/Scholarships-For-Training/Pages/How-To-Treat-Accompanying.aspx

وهنا عدة أسئلة بتريحك ان شاء الله وخاصة السؤال رقم 28

وزارة التعليم العالي - الأسئلة الشائعة والأشخاص اللي قالوا لك يدرس على حسابه تنفع لهم هالمقولة (طنش تعش تنتعش)

الله يفرج لك يااااارب

اسعدني ردك كثير
وحسبيي الله على اللي ردوا علي باالكذب بالملتقى

الله يكتب اللي فيه الخير

اختي ... حبيبة زوجي
انا زوجي عسكري وعنده اجازة استثائيه ويدرس علي حساب الملحيقيه وعنده تأمين وتذاكر

يروح الملحقية باجازة استثنائية على طول ينضم وانا عسكري مرافق واعرف النظام جيدا

نعم لا يستطيع الدراسة حتى وإن كان معاه إجازة إستثنائية إلا بموافقة جهة عمله ..

وإبتعاثها له ..

ممكن يدرس لغة فقط .. ولكن لا يدرس في الجامعة ..

اخوي المرافق ينظم للبعثه عادي بس يحظر قبول جامعه ومافيه اي مشكله يقبلون لانه مرافق وزي ماقال الاخ يكون عنده اجازه استثنائيه

السلام عليكم ورحمة الله وبركاته ..

الاجازه الاستثنائية هي تعطى للموظف ومدتها سنه وقد تمدد لسنة اخرى بعد الرجوع لجهة العمل وعادة ماتكون وزارة الخدمة المدنية هي الجهة الام لجميع موظفي الدولة المدنيين ..

أتوقع والله اعلم ان موظف الوزارة فهم الموضوع بهذا الشكل وهو ..

عندما يتقدم الموظف الحكومي للبعثه تطلب منه وزارة التعليم العالي احضار اجازه دراسية من جهة العمل وهذه الاجازة الدراسية يكون محدد فيها نوع التخصص وسنوات الدراسه وتكتب الاجازه بالايام (تخيلوا) قابلة للتجديد من جهة العمل بعد الرفع من ملحقية بلد الدراسه في الخارج وطلب التمديد وتمدد الاجازه بشكل سهل جدا ..
هذا النوع من الاجازه لا تتكفل جهة العمل بالصرف على المبتعث بل يعامل كطالب مبتعث.( بدون راتب من جهة العمل)
بالنسبه للموظف المبتعث من جهة عمله يحصل على مكافأة الابتعاث + مخصص من راتبه .

اعود للموضوع ..
بعض الموظفين يحاولون الحصول على بعثة ولا يستطيعون الحصول على اجازه دراسية لان الشروط لا تنطبق عليهم لذلك يلجأون لموضوع الاجازه الاستثناية والتي لا يمكن بموجبها الحصول على بعثة ..
الا في حالة استقالة الموظف او احضار اجازه دراسية !!
...
الموظفين المرافقين ومن حصلوا على موافقة للمرافقة .. اتوقع ان يتم الصرف على كورس اللغة الانجليزي الالزامي ولكن لا يستطيع الحصول على بعثة دراسية الا بعد الحصول على موافقة من جامعه معتمده وبذلك يتغير المسمى من مرافق الى مبتعث وتتغير المميزات المالية وغيرها ..
...
بالنسبة للعسكريين تحديدا .. بالنسبه لي اجهل كيف يعامل المرافق العسكري .. ولكن اتوقع ان يعامل كمرافق بغض النظر عن جهة العمل .. بحيث كما ذكرت في السابق يعامل كمرافق ويصرف عليه كورسات اللغة الالزامية ولكن ليست الرسوم الدراسية الجامعية ..


اعتذر عن الاطاله ..