كل مرافق عسكري حصل على الاجازة الاستثنائية يدخل لا هنتم ضرووووووووووووووري

حبيبي ارفع 4 سنوات وان شاء الله ما ترجع لان لو تفكر فيها افرض ان زوجتك صار عندها تعثر في الدراسة او تأخرت شهر او شهرين بترجع وتخلها ؟؟؟؟؟ اكيد لا

انا رافع 4 سنوات ودراسة زوجتي 3 سنوات ومشت وكل الله ولا عليك من اي اشاعة انا اكملك من باب تجربة وصارت معي اعيد واكرر "دارسة زوجتي 3 سنوات وانا رفعت 4 سنوات ومشت " واذا تبي تستفر مني اكثر تعال على الخاص وخذ رقمي وكلمني وانا افيدك باللي اقدر عليه والله يوفقك ويسهل عليك

اخوك /
الشاكي

أخوي الشاكي اي قطاع انت بالتحديد

انا في الوزارة الداخلية وعلي في الرياض وانا ساكن بالرياض وراجعت اوراقي في الرياض

قصدي انا في الوزارة الداخلية وساكن بالرياض وراجعت اوراقي بالرياض

يعني اول شي انا سويته ياحبيبي
1- اخذت الضمان المالي طبعاً الضمان طبيعي بيكون فيه الدولة اللى انت اخترتها + افادة لمرجعك اللى هو دوامك انك انت اللى بترافق زوجتك "ركز افادة فقط مو تاخذ قرار الابتعاث"
2- جبت لي قبول من معهد لغة els
3- سددت رسموم السيفس + سداد رسمو التأشيرات واحتفظ بالايصال عشان اذا جيت للدوله المبتعث فيها الملحقية ترجع لك فلوسك +حجز موعد بالسفارة وهذي انا انصحك انك انت تسويها لأن خطواتها سهله "وخاصة اذا حملت متصفح القوقل لأنه يترجم الصفحه بالعربي " لأن المكتب بيكسر ضهرك بتسديد رسموم السيفس واخذ موعد بالسفارة
4- اذا استلمت الجواز من السفارة وفيها التأشيرة تروج لدوامك وتحطهم امام الأمر الواقع وتقول لهم هذي اوراقي كلها (الضمان المالي +الافادة+القبول الجامعي +التأشيرت + صورة من قرار الملك وهي نموذج رقم 48 اذا ما خاب ضني لأن النموذج ما يحضرني الان بس لو لقيته رفعته لك ) طبعاً بالنسبه للنموذج ممكن تحصله في الشؤون العسكرية التابع لمرجعك .
5- مديرك طبيعي بيرفع اوراقك لأنها نظامية وسليمه عاد هينا يدا دورك انت واجتهاد اطرد وراها وحركها وارفع اجازه 4 سنوات حتى لو زوجتك دراستها 3 سنوات عادي جدا جدا انا طلعت 4 سنوات وزوجتي دراستها 3 سنوات فقط واخذت تاخذ جراها تقريباَ شهر الا اربع ايام بس ما كملت شهر الحمدالله بس ممكن من قطاع الى قطاع يختلف .

واي استفسار انا حاضر وبخدمتك اخوي واتمنى لك التوفيق ولا تتردد في اي سؤال لأن لو انا عندي اجابه ما راح ابخل ولا دقيقه وحده لاني كنت زيكم ما اعرف شي والأن انا مريت في تجارب ومراحل وعرفت كل شي
وبالتوفيق لكل اخواني العسكر
اخوكم /
الشاكي

الله يعافيكم ...انا ثلاث سنوات وزوجي مرافق وكتب ثلاث سنوات .. الله يستر ..

المهم استفساري ..الله لايقوله لو صار شيء وااظطريت ارجع للسعوديه زوجي يرجع للعسكريه ولا يخلونه يجلس الين يكمل هالاجازه ... مثلا بعد سنه رجعت يجلس سنتين بدون عمل ؟.؟

بنسبه لو تم العوده للسعوديه وباقي مثلا سنتين لزوجك ... يرجع للعمل ويباشر عمله بدون اي شي قد يطلب منه مبرر انا اقول يمكن او يكتبه سبب العوده .. لكن كذا ولا كذا راح يباشر عمله اذا حب انه يرجع مثلها مثل اي اجازه وهذا في النظام العسكري ... ويبقى له رصيد فحال لو طلب اجازه استثنائيه مره اخرى ولكن يبقى له سنتين فقط ..

يا شباب يا ليت اللى يرد يرد بشي واثق منه ولا لا يجيب شي من راسه الاجازة الاستثنائيه مره وحده طول خدمة العسكري مثال :
انا الان طلعت مع زوجتي مرافق لأمريكاء سنتين رجعت وباشرت عمل بالرغم بان الاجازة الاستثنائيه 4 سنين بس انا اكتفيت با السنتين مستحيل اقدر ارجع اخذ السنتين الباقية في المستقبل مره وحده في العمر او خدمتك العسكريه الا في حاله اذا عندك واسطه و انا اشوف اذا عندك واسطه من الافضل انك تصير ملحق عشان يمشي لك راتبك وترتاح . انا اتكلم من شي متاكد منه وصورة الخطاب ناسيه بالرياض الا كان اثبت فيه شباب لا تعشمون الناس على اوهام ترى التعشيم تعبنا منه " الاجازه الاستثنائيه براتب - وجت مكافئات - صرف 1000 دولار حضانه من الوزارة - صرف ضمان مالي بدل 1000 دولار من الوزارة " سمعنا ولا شفنا شي اللى عنده خبر حلو ومتأكد منه و مصدر موثوق يكتب بس مو كل من جى كتب من راسه وضيع العالم انا بغيت اكنسل بعثتي بسبب واحد كاتب شي ما يفقه فيه كلام من راسه .
وبالتوفيق للجميع

أخوي الإجازه الإستثنائيه يحق لك 4 سنوات مدى الحياه الوظيفيه ( متصله أو منفصله )

يعني تاخذ سنتين وترجع تباشر راح يبقى برصيدك سنتين .

هذا الكلام الاكيد وإذا تبغى تتأكد براحتك , عندك الوزاره وروح شؤون الافراد او قسم الاجازات عشان ترتاح

وبالتوفيق

اقول ياحبيب زوجتك ... انا اتكلم على القرار اللي صدر من سنه للاجازه الاستثنائيه لك اربع سنوات منفصله او متصله ولا نكتب شي من الراس انا اتكلم عن وزارة الدفاع مادري عن القطاعات الاخرى لكن تقريبا نفس الوضع .. بعدين تنكسل بعثتك على شان واحد كتب شي غلط هنا عاد هذا شي يرجعلك !! انت تاخذ معلومه هنا وعن طريق مرجعك تتاكد والنظام واضح اي شي لك تاخذه اذا في النظام موجود ...

الجندي الي توه متوظف تحق له اجازه ؟
وعادي ياخذ 4 سنوات بحيث يكمل فيها الباكلوريوس !!

- - - مشاركة محدثة - - -

الجندي الي توه متوظف تحق له اجازه ؟
وعادي ياخذ 4 سنوات بحيث يكمل فيها الباكلوريوس !!