انا عسكري ومرافق لزوجتي وقررت اخذ استثنائيه ,, ولكن هناك مشكلة القروض !

ممكن توضح هالنقطه الله يعافيك

((
نقطة مهمة للجميع انكم بعد التخرج والحصول على الماجستير ان شاء الله راح يصرف للمبتعثة المتزوجة تقريباً 20 الف ريال قبل مغادرتها بلد الابتعاث بأيام كمساعدة للطالب في ترتيب امورة بعد عودتة من الدراسة ويسمونها (بدل نقل عفش ) هذي راح تريحكم شوي من ناحية بدايتكم ان شاء الله بعد العودة بالشهادة .
))

من اللي يصرف لها وزارة التعليم العالي ؟؟
و هل يوجد امر رسمي بهذا الشأن

شكرا لتعاونك

هذي تصرفها لك الملحقية مباشرةً عند اقفال ملفك نهائياً بعد تخرجك وهي لجميع الطلاب المبتعثين ولكن المبتعثة او المبتعث المتزوجين يصرف لهم اكثر من المبتعث او المبتعثة العزابي ، وتسمى (بدل نقل عفش )

تحياتي

يعطيكم العافيه على الاجابات الشافيه ..


طيب وش الافضل أكون ملحق ولا مراافق ,,؟


وسؤوالي الثاني ,, للحين ماسويت شي وش الاجراءات اللي اسويها ومتى رح تكون الملتقى ؟؟

سبق ونزلت موضوع يعطيك الفرق بين الإلحاق والاجازة الاستثنائية ..

http://www.mbt3th.us/vb/forum119/thread300118.html

بالنسبة للإلحاق .. كثير من الوحدات صارت ترفض تعطي العسكري إلحاق وتجبره على الإجازة الاستثنائية .. مع إن الأمر الملكي ماالغى نظام الإلحاق للمرافقين ...

لكن ماباليد حيلة ..

بالنسبة للإجراءات .. ماتقدر تقدم على شيء إلا بعد إصدار قرار الإبتعاث .. وقرار الابتعاث تقدر تطلعه بعد إصدار التأشيرات ..

واذا استلمت قرار الإبتعاث تقدر تقدمه مع معروض لقائد الوحدة وبعدها ترتفع المعاملة للإدارة وتنتظر القرار ..

بالنسبة للقروض ..

قروض البنوك مافيها أي مشاكل .. بس رصيدك راح يصير في السالب .. وبالنسبة لبنك التسليف أقساطه بسيطه بحدود 200 دولار تقريبا وتقدر تسددها وأنت في البعثة ..

أو بيسحبونها من الكفيل الغارم اللي كفلك وقت القرض .. وأنت تدفعها له ..

أما قرض جهة العمل هذي تتفاهم بينك وبينهم ..

والله يوفق الجميع