فرجت يا زوجات العسكر *** ولله الحمد

لا يهمونك اللي فوقك كل واحد يرجع لأصلة وطبيعتة البشريه .....

صدقوا ولا ما صدقوا خليهم ينعقون بما لا يفقهون .....

انا وغيري اخذنا قراراتنا وسافرنا وللة الحمد والشكر وجاتنا من غير واسطة ولكن نفرق عنهم اننا تعبنا في البحث في اعماق النظام حتى حصلنا على ما نريد وهذا كلة بفظل رب العالمين فلة الحمد والشكر في كل وقت .

ولك تحياتي

الاخت الي راسلتني على الخاص


الخاص عندك ما يستقبل رسائل مادري ليش



لوحبيتي نتواصل اكثر مو مشكله

اللي جاي على سانديقو بصرااااحة مدينة جميلة للغاية من الوهلة الأولى تعطيك انطباع انك راااح ترتاح فيها ان شاء اللة .


ولكن فيها عيب انها غالية شويتين .

بالتوفيق للجميع

ابشر .

ولكن لو تأخرت عليك بالرد فهو بسبب فارق التوقيت الذي يتراوح من 11 الى 12 ساعة . عكسكم تماماً بالسعودية يعني اذا كات الساعة عندنا 8 صباحاً فعندكم 8 مساءً .

مجنونها عندي سؤال ياليت ترد علي
انت من المرحله الثالثه كيف دوبك تسافر يعني اجلت البعثه والا قدمت على البعثه الرابعه وانقبلت؟
لان ابغى اطلب تأجيل ياليت تفيدني

اخوي لو سمحت انا زوجي موظف بالحرس جندي اول اداري واستفسر عن موضوع مرافقته لي قالوله تقدم تقاعد ياليت اذا عندك فكره يقدر يقدم على الملحقيه او لاواذا يقدروش الخطوات الي لازم يعملها .....


ولك جزيل الشكر

انا كان المفروض ان بداية الدراسة في شهر 3/2008 وطلبت تأجيل لظروف عملي وأعطوني 3 اشهر تأجيل وطلبت قبول جديد على شهر 5 /2008 وطبعاً قدمت على السفارة لطلب موعد للمقابلة قبل مو عد الدراسة بوقت قصير جداً ولم اتمكن من حجز موعد بالسفارة قبل موعد السفر يعني حطيت الوزارة قدام الامر الواقع وعندما ذهبت لهم وشرحت لهم الوضع قالي الدكتور محفوظ انت قدم على السفارة وخذ موعد واحنا بنجيب لك قبول جديد وفعلاً حجزت موعد بالسفارة ورحت المقابلة وانتظرت الوزارة اكثر من 5 شهور ولم يأتيني القبول فقمت وراسلت الجامعة بنفسي وارسلولي القبول في اسبوعين وبعدها كملت اجراءات السفر . هذي الحكاية وعلى فكرة كلها بتوفيق رب العالمين .

بالنسبة لك حاول ان ترووح للوزارة وتشرح لهم وضعك وهم راح يساعدونك ان شاء اللة .

المادة 36 اللي بناءً عليها صدر قراري تخص الأفراد وزوجك جندي أول ولكن عموماً يطلب منهم تطبيق المادة اللي ذكرة وايضاً يوضح لهم انة يطلب الحاقة بدون الصفة الدبلوماسية .

وان شاء اللة خير وتتيسر اموركم .

وبالتوفيق لكم

أخواني واخواتي الأعزااااء .

موضوع مرافقة الزوج لزوجتة المبتعثة سهل للغاية ولا فية كل التعقيد اللي تقولون علية ولكن احتمال ان التعقيد اللي مريتوا فية يكون في مرجعكم المباشر وليس في النظام .

ذكروا في قراري انة بناءً على المادة 36 من نظام خدمة الأفراد الصادر بمرسوم ملكي وطبعاً لأن الالحاق من صلاحية رئيس هيئة الأركان العامة او وزير الدفاع والطيران او نائبة فقد تم الرفع لي لرئيس هيئة الاركان العامة وفي اقل من اسبوع جاتني موافقة رئيس هيئة الركان العامة وبعد ماعرضت معاملتي على قائد القوات اللي اعمل فيها فوافق مباشرةً وبعد ذلك تم ارسال اوراقي الى استخبارات القوات المسلحة لعمل البحث الامني اللازم وبعدها تم عمل قراري وتوقيعة من قائد القوات وصدر القرار بكل سهولة .

المهم في الموضوع قبل كل شيء توفيق رب العالمين وثانياً المسؤلين اللي راح تمر عليهم المعاملة لأن بعضهم او غالبيتهم يجهلون ان النظام فية شيء اسمة الحاق بدون الصفة الدبلوماسية للأفراد والضباط .

بالنسبة للضباط فيقدمون على استيداع وطريقتة سهلة اهم شيء يقتنعون بالعذر لطلب الاستيداع وخلال شهرين او ثلاثة بالكثير يكون القرار صادر .

ياجمااااعة لو رجعة معاملتكم عليكم اعيدوها مرة ومرتين وثلاث واصروا على النظام يسمح وان فية شيء اسمة الحاق بدون الصفة الدبلوماسية وشيء اسمة استيداع .

اهم شيء الحوا عليهم وكرروا طلبكم لا ترجعون عن اللي في بالكم من اول مررة .

ولكم خالص تحياتي .