حوار تجمع المتضررين من قرار الغاء الاجازة الاستثنائية للعسكري

ماوصل رقمك طبعا راح اضيفه بقروب الواتس اب

ادخل على عضويتي وحطه في رسالة زائر

لايمكنني استخدام هذه الخاصيه
وهي رسالة زائر

حسبي الله ونعم الوكيل

ارسل رقمك على الايميل hane752 هوتميل

باذن الله هناك اخبار سارة قريبا جداً جداً

سوف يتم الاعلان عنها عند التأكد من المصدر 100%

هاني تكفى وش الخبر السار وكم ياخذ وقت يعني متى قريب

حنا انتهت اجازتنا اليوم ومطالبين بالرجوع اليوم قبل بكره وانا تورطت توني ادري بالخبر اليوم

انا مبتعثه من ثلاث سنين وادرس طب ووصلت نص المرحله يعني تعبي راح عالفاضي. اليوم انتهت اجازة زوجي ولا كنا ندري بالخبر اتصلنا على مقر عمله عشان نرفع تجديد قالوا لنا ممنوع توقف كل شي ( ارجعوا ).

كيف ارجع حسبي الله ونعم الوكيل انا وصلت نص المرحله يعني راح تعب وسهر ثلاث سنوات من عمري. تكفون ياناس اللي عنده طريقه او خبر ينقذنا.

صديقتي ماعاد باقي لها الا سنه وتتخرج لها ست سنين تدرس وتوهم عرفوا بالخبر تحطمنا انا وياها. يارب ياكريم فرجك وتيسيرك.

لايضيق صدرك اختي امورك بتتيسر باذن الله انا متعاطف معكم انتم اللي تورطتوا برى السعودية ..

خلي زوجك يقدم اجازة اعتيادية اذا عنده رصيد واذا ماعنده رصيد حاولوا تاخذون رخصة من العمل لو شهر على الأٌقل حتى تتدبر اموركم واذا مانفع حاولوا تبدلوا المحرم اذا فيه امكانية

ما اقدر اكد على الخبر لين اتاكد بنفسي 100% من المصدر لانه فيه ناس بتعتمد على كلامي .. ولاتقطعين دراستك مهما حصل بتنحل قريب باذن الله وخبري صديقتك نفس الكلام

صح معك حق لازم تتأكد قبل لان ناس كثيره معتمده على الله ثم على هذا الموضوع. لكن انا والله ارتبكت وخفت لان بنفس اليوم انتهت الاجازه وعرفنا الخبر عشان كذا طلبت تقول الخبر لان كان وقتها حالتنا مايعلم فيها الا الله وهذا الموضوع الوحيد اللي لقيته يتكلم عن المصيبة اللي وقعنا فيها.

قدمنا اليوم اجازه اعتيادية خارجيه وبننتظر. ما اعرف ايش اسوي اذا انتهت لان ابوي واخوي الكبير وزوجي عساكر واخواني الصغار تحت 18 سنة ومستحيل اطلب زوجي يضحي بوظيفته. والمشكله ان الملحقية وقفت الصرف حتى نجيب لهم تمديد وراتب زوجي متوقف يعني ضعت وضاع تعب الماضي وضاعت فرحة المستقبل. صديقتي مثل حالتي واسوء بعد الله يكون بعوننا كلنا يارب وييسر امورنا.

مشكور يا هاني على هذا التجمع والله يكتبه في موازين حسناتك.

أشكر كل من ارسل عالخاص مشاركاتي ما تكفي ارد لكن والله دعيت لكم من كل قلبي

بشرنا ياأخ هاني
الله يرزقنا بالخبر اللي يسعدنا ويفرج همنا
والله يجزأك خير

"ما أصاب أحدا قط هَمٌّ ولا حٌزن فقال : اللهم إني عبدك بن عبدك بن أمتك ناصيتي بيدك ماضٍ فيّ حكمك ، عَدْل فيّ قضاؤك . أسألك بكل اسم هو لك سَمّيت به نفسك ، أو عَلَّمْتَه أحدًا من خَلْقِك ، أو أنزلته في كِتابك ، أو استأثرت به في عِلم الغيب عندك أن تَجْعَل القرآن ربيع قلبي ونُور صدري وجَلاء حزني وذهاب همي ؛ إلا أذهب الله هَـمَّـه وحُزْنه ، وأبدله مكانه فَرَجًا .
فقيل : يا رسول الله ألا نَتَعَلّمها ؟
فقال : بلى ينبغي لمن سمعها أن يتعلمها "