حوار تجمع المتضررين من قرار الغاء الاجازة الاستثنائية للعسكري

لو سمحتي كيف نروح لمحمد بن نايف وش يسوي لنا هل رح يعطي زوجي اجازه مرافق ٣سنين والا كيف
لان لو كذاا ممكن اروح وارتاح من مشكله العسكريه دي

اذا زوجك في عسكري تابع للداخليه ممكن انه يوافق يستثنيه ويعطيه اجازه وممكن انه يرفض اما اذا كان زوجك مو تابع للداخليه في الحرس او الجيش ما اعتقد انه محمد بن نايف له علاقه في الموظوع انا عن نفسي في الحرس حاولة كثير وبرضوه رافضين انا بصراحه عرفة ان السالفه مو عشان موظوع التقاعد اتوقع المسؤلين مايبون العسكريين يطلعون لان كل الي طلعو بعد مارجعو فصلو ولا يبون يفتحون باب

اقولكم موظف بالداخلية يقولي الحل بيد محمد بن نايف للي تابع للداخلية لأن فيه موظفين حساد مايوصلون برقياتكم له

وانا أأيد كلامك ابو معتصم
انا زوجي بالحرس الوطني و محمد بن نايف ما راح يسوي لنا احنا شيء لان كل وزاره مستقله عن الثانيه ، صحيح ان النظام العسكري واحد والاجازه موقفه عن الكل
و عن نفسي كلمنا متعب بن عبدالعزيز وجاءنا الرد من مكتبه الخاص انه يعامل العسكري بالنظام المعمول به حاليا في الاجازات
يعني ماله الا الاربع شهور و بعدها رصيده الموجود عندهم
ومثل ما رحتي جيتي
حسبي الله ونعم الوكيل

كيف الي راحوا رجعوا فصلوا
ترى الاجازه جات ٢٠١١ واتوقفت ٢٠١٣
مايمديهم يروحون ويجون

انا االمرحلة التاسعة
مرشحة للدكتورة
دقينا كل الابواب مافي فايدة حتى وصلنا لدكتور في اللجنة يقرب لنا يقالنا واسطة حتى أهو قفلها في وجهنا وقال ممنوع حتى التأجيل ابي على الاقل تمديد 5 شهور ادبر عمري

محرمي عسكري كرهت القطاع بكبرة
أهو تبع وزارة الداخلية لي كم شهر ندابك نبي اجازة لو 4 شهور يقولون ممنوع تبي تروح استقيل

لا نوم ولا جلسة زي الناس هالفترة ضياع وحيرة
مدري نقدم استقالاتنا ونهج ولا ننسى أمر البعثة والحلم اللي سعيت له سنين

ماقول الا حسبي الله ونعم الوكيل

انتم يا المبتعثات وش ناويين تعملون
تصدرون قرار ابتعاث ولا وش
مافيني حتى أتخذ قرااااااااااااار

بنسبه للي تقول مايمديهم يروحون ويجون بسنتين علي فكره كثير منهم طالب تمديد الان وهو في الخارج وطلب تمديدهم مرفوض بعضهم استقال وبعضهم للحين متعلق علي امل ترجع الاجازه

انا اصدرت قرار وخلصت مدته ورفضوا يصدرون لي من جديد الا بعد يكون عندي اجازة لمحرمي اربع سنوات والآن مافقدت الامل مره بس جالسه احاول اكمل دراستي في السعوديه☺️

هل من جديد بخصوص الاجازه ؟؟؟

ي جماعه احد يقدر يفيدني

انا زوجتي انقبلت ف المرحله العاشره للابتعاث

و انا اعمل ف قطاع عسكري

قوة الطواري الخاصه ..



احد يقدر يفيدني ايش

الاوراق الي ارفعها

ليتم منحي اجازه استثنائيه

لمدة دراسة زوجتي ..



علماً انني اريد ان اكمل البكالريوس

انتظر ردكم ..




و هل صار جديد بالاجازات الاستثنائييه ..