شرح بالتفصيل طلب الحاق للعسكري لغرض مرافقة مبتعثه

اسلام عليكم
انا عندي مشكله ...
مرافقي قدم علي الحاق من عمله العسكري و رفض بسبب اني لم اتي بقرار الابتعاث . والوزارة ترفض اعطائ قرار الابتعاث الا بعد خطاب رسمي من عملة انه سو يرافقني والمشكلة ان عمله يقول لا يوجد لدينا خطابات ..
ارجو المساعدة . ماهو الخطابة ؟؟؟؟؟ لان عملة يقول اول مرة اسمع بهذا الشي

ارجو منكم الردد

مرحبا اختي
حبيت افيدك ببعض المعلومات اللي عندي هذي تجربة احد الاشخاص اللي تواصلت معاهم، شوفي خلي مرافقك يروح لجهة عمله ويقول لهم ابي تعريف، التعريف هذا يكون مكتوب فيه جهة عمله وقطاعه وانه تابع للقطاع الفلاني وانه للحين على رأس العمل ومن هالكلام، طبعا يكون موقع ومختوم، هذا التعريف يقدر يطلبه من جناح الاداره عنده بالعمل، ثم ياخذ منهم صوره من تعميم الالحاق، انتي ادمجيهم مع بعض وارفقيهم مع باقي متطلبات اصدار القرار، وان شاء الله تتسهل امورك، ارجوا منك تدعين لي ان ربي ييسر اموري، دعوة المسلم لاخيه في ظهر الغيب مستجابه

لا والله لم يذكر السبب , مكتوب عدم الموافقه على الحاقك ,؟
ولم يذكر استنادا لامر رئيس الاركان ولا وزير الدفاع , رفض وبس
وش تنصحني اسوي ؟ انا افكر اروح لمكتب وزير الدفاع واقدم معروض بانو تم رفض الحاقي واشرح له الوضع ممكن يوافق عل الحاقي او اجازه استثنائيه .
واذا ما طلعت بنتيجه فصلت وتوكلت على الله

وما خذت اجازه استثنائيه ولا شي . قالو موقفه نهائيا .

هلا اخوي انا اللي وصلني انه الالحاق للي قد طلعوا باجازه استثنائية او الحاق لكن الجدد لا ، نصيحتي وانا اخوك لاتفصل الا بعد الاستخاره واستنفاذ كل الحلول اذا كنت مضطر وجرب تقدم معروض اوبرقية او تروح تقابل وزير الدفاع تمنياتي لك بالتوفيق والله ييسر امورك

السلام عليكم اخوي الفايز1

انا عسكري مرافق مع زوجتي ( اجازه سنه الحاق بغرض المرافقه) واللحين ابغى امدد الالحاق
الله يجزاك خير اذا ممكن تقولي ايش اللي لازم اسويه ومن اراسل عشان طلب تمديد الاجازه

وعليكم السلام
هلا اخوي اكتب خطاب طلب تمديد الحاق وارفق معه قرار الحاقك السابق وقرار ابتعاث زوجتك الساري وخطاب من الملحقية الثقافية بأنك مرافق لزوجتك وانها مبتعثه الى الآن او بالأصح تعريف وارسلها بالفاكس للملحقية العسكرية وتابع معاهم بالتلفون حتى صدور طلب التمديد من عندهم لوحدتك واذا محتاج شي ارسل لي او اذا تبغى تتواصل معي اعطيك رقمي بالتوفيق .

جزاك الله الف خير
ويالليت اتواصل معاك بالجوال اذا ممكن ، حاب استفسر عن بعض الامور.

الله يعطيك العافيه على اجتهادك كاتب الموضوع ومن يجتهد ايضاً في الرد لاهنتو جميعاً ..
اموري متوقفه والسبب الغاء الاجازه الاستثنائية للعسكر
والبعثه ستنتهي وانا لازلت احلم بالمستحيل..
دعواتكم ربي يفرجها ..