دورة اللغة الانجليزية لمدة سنة للقطاعات التابعة لوزارة الداخليه 2015

ما راح يفهم الا نظام الاسترجال لازال موجود و حنا في عام ٢٠١٥ لوفي برنامج او نظام صريح و ذو شفافيه و مصداقيه بالطرح و الترشيح ما راح احد يزعل لان النظام الجميع ...


الله يعيين

يارجال نفس الوضع عايشه تخيل بقدم ع دراسة وكل مااقول لاحد يقعد يحكيني بالموال اللي راح يصير للمعاملة وانا اطنش واكمل الاجراءات والحين المعاملة بالداخلية ولله الحمد

ما شاء الله تبارك الله

الله يحقق لك اللي تتمناه

الحمد لله لقينا واحد مر بنفس التجربه

حبيبي بسالك واحتاج اجابه تريح خاطري بدون امر عليك

انا رفعت معاملتي من مرجعي بمكة وراحت ع منطقة مكة اللي بجدة مرجعنا الرئيسي
وبعدين راحت للرياض
وجا الرد من الرياض انه حاليا لا يوجد ترشيح
اذا بدا الترشيح يتم رفع المعامله من جديد

طبعاً شرطة منطقة مكة ارسلوا كامل المعاملة لنا بالعاصمة المقدسة

اتصلت ع شؤون التدريب وقلت انتم ليه رجعتم معاملتي ليه ما خليتوها عندكم ووقت الترشيح ترفعون معاملتي

قال انهم محتفظين بصورة من اوراقي واول ما يجي الترشيح راح يعرضون الاوراق ع مدير الشرطة

السؤال / هل ضروري اساس المعامله تبقى عندهم والا فعلاً يحتفظون بصورة منها

اعتذر طولت عليك بس والله اخاف يوهقوني معاهم

هلا اخوي ،،

اولا انا معاملتي دراسة ماجستير وليست دورة لغة ،،

ثانيا اللي اعرفه انه تجي مقاعد للادارات ويطلبون من كل ادارة ترشيح منسوبيها ،، يعني يطالعون للخطاب اللي جاي من الشرطة بالرد على طلبهم الرفع بالاسماء المرشحه .

لا تصدق سالفة انهم اخذوا صورة من المعاملة وراح يعرضونها ع مدير الشرطة ،، اصلا التدريب ماله علاقة بالشرطة اهم شي الخطابات الرسمية ،، انتبه و اول مايجي خطاب بالترشيح كلم المسؤول وقوله اني سبق وان رفعت طلب ترشيح ووافقتوا ، او كلمه من الان احسن لك .

وخلك نشبه كل شوي اسال واستفسر خصوصا وقت ماترفع اوراقك بشكل رسمي .

والله يوفقك

ما شاء االله االله يوفقك ويكتب لك النجاح

انا اقصد شعبة التدريب اللي بالشرطة هم اللي يقولون عندهم صورة من اوراقي

وماني عارف كيف اتاكد ان فعلاً عندهم صورة

وهل فعلاً بالصورة اقدر اترشح
والا اتابع مع التدريب بالرياض

واذا ارسلوا الترشيح اسوي معامله جديده

طيب ممتاز بس تواصل بشكل مستمر مع شعبة التدريب بالشرطة لين يوصلهم خطاب الترشيح وفي نفس الوقت تواصل مع تدريب الامن العام عشان تتاكد من صدور خطاب طلب ترشيح للادارات ، عشان محد يصرفك ،، سالفة ان عندهم صورة شي طيب بس ماتضمن وانا اخوك الا اذا ترشحت رسمي عبر مقعد مخصص .

ودام انهم واعدينك بمقعد خليك متفائل وان شاءالله تتيسر امورك

انا متفائل باذن الله


وتواصلت قبل شوي مع تدريب الشرطة واستقعدت لهم في سالفة الصورة

بالاخير قال ارسل معاملة جديدة او الحاقية احسن واضمن

وباذن الله الاسبوع الجاي ارسلها


وباذن الله راح اتابع مع تدريب الرياض وتدريب الشرطة لين الله يكرمنا


الف شكر لك اخوي ماقصرت والله

نبهتني عن شي وع طول كلمت تدريب الشرطة

الف شكر لك ي غالي

ما في اي اخبار ي اخوان ؟؟