انقبلت في الكلية الأمنيه هل أترك البعثه والوظيفه؟

والله وانا اخوك أقولك

ان كنت حياة زي الناس ومنت بملزوم باحد، ولك على الناس اللي للناس عليك، ابعد عن الكلية

وان كنت عادي تنسب وتنهان، ومكانتك حلوة في المجتمع وعلاقات، بس بكسرة نفس روح الكلية

طيب أدخل الكلية وبعد كم سنة اطلب أبتعاث على حساب وزارة الداخلية
وبكذا ضربت عصفورين بحجر
أما الشركة خلاص أمداك أخذت خبرة لا بأس بها فما أنصحك تطول فيها
لأن الشركات يشفطون دم الواحد بالكرف
الله يوفقنا وياك

أنصحك بالأمنية وبشدة وحاول تختار المكان المناسب لتخصصك بعد التخرج قدر الإمكان حتى تقدر تكمل ماجستير برىو ان شاء الله بيوافقون لك لمصلحة العمل
وبالنسبة للأخ اللي يقول تنسب وتنهان وماني عارف ايش أقول لاتهرف بمالاتعرف درسنا في الكلية ثلاث سنوات وماشفنا إلا كل خير ولله الحمد مع العلم أن معاملة الطلبة الجامعيين أفضل بكثير من طلبة الثانوية سابقاً

والله اني ياخوك محتاس زيك .............
نفس وضعي انت بالضبط

بالنسبة لي لو اني مكانك لن أفكر في العسكرية نهائيا وشهادتك قوية ولديك بعثة وتخصص اكثر من رائع
لكن اقول لك ماقاله الامام الشافعي رحمة الله
تغرَّبْ عن الأوطان في طلب العلى *** وسافر ففي الأسفار خمس فوائد
تَفَرُّج همٍّ، واكتساب مــعيشة *** وعلم، وآداب، وصحبة ماجد
فإن قـيل في الأسفار ذُلٌّ ومحنـة *** وقطع الفيافي وارتكاب الشدائد
فـموت الـفتى خير له من قيامه *** بدار هوان بين واشٍ وحـاسد


واتمنى لك التوفيق لما فيه خير

نصيحه لا تروح العسكريه
لانك بتقيد نفسك والله لو معك اعلى الشهادات اسمك عسكريييييييييي
ولو فيه رتبه اعلى منك وهو مامعاه الا الثانويه بتقدير جيد يامر عليك
وافهم يافهيم
واذا كانت النفوس كبار تعبت في مرادها الاجسام

السلام عليكم ورحمة الله وبركاته
عفوا اخوي كلامك مردود عليه
اولا كون اسمك عسكري بحد ذاته فخر للي يحب وطنه ويقدم نفسه وعمره في خدمة الوطن وامنها (ةانت خلك راقد بسلامة العيون الساهره)
وبالنسبه للاقدميه انا اشوف العسكريه نظامها حلو وواضح ولا ايش رايك يجي موظف مدني احدث منك ويصير رئيسك لكن العسكرية تحترم الاقدميه وش طبيعي ان الاعلى مني رتبه يامر علي والثانويه مو مقياس حبيبي الامنيه مايتهخرج منها احد الا هو كفو يراس ويدير امه ... هذي اراده ملكية مو لعب عيال
وانا اقول اللي مايطول العنب يقول حامض

اولا السلام عليكم
وثانيا الفخر اني مواطن سعودي
وثالثا نحن كلنا راقدين بامن الله وحفضه ولولا امن الله والله ماتفيدك جيوش العالم كلها
وبالنسبه للعنب ابشرك ولله الحمد طا يلينه وطلنا اللي اعلى منه
وانت شكلك ماتعرف وش معنى اذا جاك واحد لايفقه شي ويعطيك توجيهات من جنبها
والكليه موكل اللي يتخرج منها كفو ولن تجد كل الضباط اكفاء والدليل هناك من يجيه طي قيد لاسباب لا اريد ذكرها
ولو قرات نضام خدمة الضباط تجد ان هناك فقره تقول من انهت خدماته لمصلحة العمل او لعد صلاحيته للعمل
وبعدين يا اخي هذا منتدى كله ناس فاهمين وجامعيين وضباط ارجو التكلم باسلوب يعكس مدى ثقافتك
وشكر

ماني راد عليك بس هذي حركات الافراد ان ماخاب ظني

كل شي بيد الله اكيد بس بفعل الاسباب اجل خل ابواب بيتكم مفتوحه وسافر واذا جيت ولقيته مسروق لا تزعل قل امر الله
المشكلة انكم تجيبون الكلام لانفسكم

ابشرك ان ضنك خاب
وارجو انك ماتزعل لانك ماتعرفني وانا ما اعرفك
وانا اسف اذا كنت اسات لك
وما نبغى نخرج عن صلب الموضوع
ولا تنسى انها كلها اراء شخصيه
والف شكر لك اخوي