استطلاع بعثتي ارامكو وسابك ايهما افضل

انا كنت اقارن بين ارامكو وسابك عشان وظيفة مهندس كهربائي وطلعت لي معلومات يمكن تكون مجهوله بالنسبه للكثيرين:

1- مكافأة نهاية الخدمة :

مكافأة نهاية الخدمة في سابك = آخر مربوط *عدد سنوات الخدمه *2 + 500000

لو مثلا اشتغلت في سابك 20 سنة وكان اخر راتب لك 30 الف ريال تصير مكافأة نهاية خدمتك 1300000 ريال

أما ارامكو
مكافأة نهاية الخدمة في ارامكو= آخر مربوط *عدد سنوات الخدمه + 500000

لو كان اخر مربوط 30 الف وأشتغلت 20 سنه راح تكون مكافأة نهاية الخدمة 1100000 ريال

2- بالنسبة للتأمين الصحي ارامكو محددة مستشفيات اما سابك مفتوحة التأمين
3- الراتب اعلى بالنسبة لسابك.
4- أرامكو تتبع انظمة محدده وقرارتها وإدارتها ثابته اما سابك يقولون متخبطه وماشيه اداراتها بالبركة........

انا الصراحة ارمكوا اايدها وبقوووووووووووووة
والحمد لله سجلت فيها واختبرت وانقبلت بس تالي طلعت وحولت طب ...
واما سابك حتى ما قدمت عليها ...

اولا ابي اوضح اني من طلاب سابك في بريطانيا

ويعني ملاحظ انو في هجوم على سابك ومحسسيني ان حقين ارامكوا منزلين من السمآء ماهم بشر

خخخخخخخخخخخخخخخخخخخخخخخخخخ


والله شوف


لا تقولي حقين ارامكوا احسن من ارامكوا ولا انا اقولك ان حقين ارامكوا افضل من سابك


واصلا في كلتا الحالتين هذا مايهم المستجدين اللي محتآرين بين البعثتين


الكويس كويس واللي راعي رايح فيها رايح فيها


اللي مكبر طموحه ووده يوصل مستويات عاليه يقدر حتى لو كان في بعثات خادم الحرمين


هيا مسأله جد واجتهاد واثبات نفس


يعني لو انت قد هالجامعات دبر قبول لنفس فيها ومحد راح يوقفك والجميع بيدعمك


انا اقولك ان سابك صحيح الى الحين الادارة غير مستقرة ومدري متى ناويين يستقرون يعني


خخخخخخخخخخخخخخخخخخخخخخخخخخخ


بس ان شاء الله ان الوضع الاداري في سابك هذي السنه استقر وماشي سليم


والدليل يعني انهم كانوا شايفين ضعف في التواصل بين مكتب سابك في بريطانيا والسعوديه


فعينوا واحد سعودي عندنا هنا عشان يكون التواصل افضل وتكون الادارة افضل


وعلى العموم صراحه انا مافرقت كثير يعني ما احس اني تضررت من هالشئ



طبعا ماتقدر تعمم وتقول ان السي بي سي اقوى من من برامج الفاونديشن اللي موجودة في كل الجامعات


لان كل جامعه تختلف عن بعض


يعني زي جامعتي صراحه مآكلينا تبن كرف وبرنامج قوي بشهاده طلاب السي بي سي اللي معنا في الجامعه يعني


هم درسوا السنه الاولى في السي بي سي ولحقونا في الفاونديشن هالسنه


طبعا حقين السي بي سي بصراحه كل اللي معي اللي اعرفهم ساحبين سيفون على الجامعه وماشين عالبركه


لانهم يعني كرفوا السنه اللي راحت وفي بعض التشابه في مواد الرياضيات للي ناخذها فبالنسبه لهم الموضوع سهل


بس متعقدين في الفيزياء والكيمياء شوي بس على العموم يعني هم يكلموني بنفسهم يعني انكرفوا وماخذين الموضوع باريحيه يعني هذي السنه

في واحد من حقين ارامكوا الله يستر عليه شاري البروجيكت حقه من النت


خخخخخخخخخخخخخخخخخخخخخخخخخخخ


كان التسليم قبل يومين عاد ان شاء الله ماينقفط عاد : )

وفي ناس برضوا ماشاء الله امخاخهم نظيفة ومبدعين صراحه من طلاب ارامكوا عندنا


ونفس الشئ طلاب سابك في اللي ناجحين على الحفه وفيه اللي طالعين فوق


يعني السنه اللي راحت اللي اخذ الاول على سنه الفاونديشن طالب من حقين سابك

فاقولك هيا على حسب الشخص نفسه يعني


انا بقارن لك بين سابك وارامكو وانت اختار اللي تبيه


سابك السنه الاولى لغه بس واذا كانت عندك شويه لغه يعني اول سنه ونااسه وتغيير جو


ماغير دوام المعهد طفش يرفع الضغط


بعدين عاد بيدا الشغل الصح والكرف بعد اللغه


ارامكوا من اول ماتدخل لازم تشد حيلك وتثبت نفسك


اذا فيك حيل عليك بالقوه وادخل ارامكوا


بس يعني اذا تبي تستفيد من جد شد حيلك طول السنوات في ارامكوا مو تسوي زي اللي عندنا طلعوا حيلهم في السي بي سي وسحبوا على الدنيا هنا


خخخخخخخخخخخخخخخخخخخخخخخخخخخخخخخ


اما المكافئات


ارامكوا كل مدينه تختلف عن الثانيه يعني ماتدري وش الوضع بالضبط يعني


بس يتهيآلي ان ارامكوا يستلمون اكثر من سابك بس يعني الفرق ماهو واجد


هذا في بريطانيا لانوا في مشكله في بدل سكن حقين سابك وتناقشنا مع الاداره والله يكتب اللي فيه الخير ان شاء الله



طبعا سابك فيها مشرفين في بريطانيا يتقابلون معنا بشكل شبه شهري يعني


اما ارامكوا ماعندهم احد هنا


ماجاهم المشرف الا مرره واحد من السعوديه مو من هنا


وسابك يجونك في المطار ويستقبلونك ويودونك السكن حقك ويطلعونك في نفس اليوم في اللي يعشونك على حسابهم

ويعرفونك على طلاب الدفعه السابقه عشان تسفيد من خبراتهم


اما اللي عندنا يقولون لي انهم وصلوا المطار محد استقبلهم


اخذوا تاكسي وبنفسهم راحوا لسكن الطلاب يعني


طبعا ارامكوا انت ملزم تشتغل عندهم في الصيف

او تلزم في دورات في بريطانيا لانو اصلا مافي مصانع لهم هنا وعندهم النظام جالس جالس الله لا يعوق بشر : )

يعني هم يجمعون الطلاب في مدينه ويسوونها على مدار شهر في الصيف اذا ماني غلطان

واذا ماحضرت بدون عذر يخصم من مكافئتك مدري كم والله


اما سابك تقدر تشتغل في مصانعهم في بريطانيا بس اختيآري الشغله يعني

وبصراحه مدري تاخذ عليها مكافئات اضافيه ولا لا


طبعا في ارامكوا يعني اغلب تخصصاتهم يعني مدري وش تبي صراحه

خخخخخخخخخخخخخخخخخخخ


يعني انا مايمديني صراحه اتخصص جيلوجي ولا جيوفزيائي يعني مع احترامي للجميع المتخصصين في هالشئ


بس يعني انا ما اشوف نفسي بهالتخصص


في ارامكوا انت ملزم بالتخصص اللي يختارونه لك على حسب درجاتك في اختبارهم


وصعب تغيير التخصص بدون واسطه يعني


اما في سابك يعني معظم تخصصاتهم مقبوله وتغيير التخصص سهل بس اعطهم سبب مقنع


يعني انا كان تخصصي هندسه معادن


بس شفت نفسي وفكرت فيها واكتشفت انو هالتخصص ماينفع لي


كلمتهم ووضحت لهم وماقصروا معي ووافقوا على طلبي




طبعا بعد التخرج ارامكوا اكثر تنظيم من هالناحيه

يعني من اول ماتنقبل في البعثه يعلمون في اي مدينه راح تشتغل واي مصنع

بس يعني ممكن يحطونك في قلعه وادرين وانت الله يعينك عاد : )


اما سابك ابو نظام اذا تخرجت يصير خير : )


بس يعني انت معلق مابين الجبيل والرياض وينبع

يعني ماراح تطلع عن هذي المدن الا اذا تعيينت خارج المملكه وما اظن ان ممكن راح يصير هالشئ الا بموافقتك يعني



ارامكوا طبعا يعتمدون في على اختبار القبول حقهم عند التقديم للبعثه


اما سابك يعتمدون على القدرات والتحصيلي وسمعت عن اختبار سووه هالسنه بس مدري وش قصته صراحه مالحقت عليه يعني




وووبس هذا يعني بشكل عام اللي اشوفه انا


والله عنده اي استفسار ان شاء الله انا موجود في الخدمه


: )

بعثة سابك من أفضل البعثات في العالم

وأنا الحمدلله جاني قبول في بعثتي سابك وارامكو

لكن بعد أسئلة ومشاورات

اخترت بعثة سابكـ

لأنها أفضل من جميع النواحي تقريباً

شكراً

الله يكتب لك اللي فيه الخير ان شاء الله


على العموم كل الثنتين لها مميزاتها وسلبياتها



واذا على التميز اللي بيشد حيله يتميز مايهم اي بعثه واي تخصص




وين انقبلت اخوي فيه ؟ اي دولة واي تخصص ؟

اللي اعرفه ان ناس كثير يمدحون بعثات ارامكو

الان لا رجعت من بعثه أرامكو ولا سابك هل لازم توضف عندهم

انا اشوفك كل الشركتين حلووه واحمد ربك اذا جتك بعثه منهم

سابك اذا تقاعد الموظف يروح التأمين الطبي بعكس ارامكو
سابك اذا الموظف اخذ قرض البيت يروح عيله بدل السكن اللي هو 3 او 4 رواتب بعكس ارامكو ...
وسلامتكم...

والله يا شباب انا اعرف واحد مبتعث سابك
وواحد مبتعث ارامكو

كل واحد اعطاني الايجابيات والسلبيات بكل حياديه
مع العلم انهم اولاد عم يعني صار مشاده بينهم بس عشان نلطف الجو


وانا في الاخير استقريت على سابك لان احد اقربائي موظف فيها .

واهم شي الاستخاره

والله يقدم اللي فيه الخير ان شا الله ..,