شركة فيلا قبلوني وانا محتـآر ~ :(

بسم الله ..

شركة فيلا البحرية شركة مملوكة بالكامل لشركة ارامكو .. وهي تختص بالنقل البحري للنفط في السعودية .. تنقل النفط عن طريق ناقلات النفط العملاقة ..
اذا تذكرون خبر السفينة المختطفة من قراصنة الصومال في نوفمبر اللي راح .. هذي كانت احدى سفن فيلا ..

فيلا .. شركة قوية من حيث الاسم ومن حيث انها مملوكة لارامكو ..

هذي نبذة بسيطة عن الشركة ..

بالنسبة للبرنامج الموضوع هنا اعلانه .. هذا برنامج التدرج للسعوديين .. اول ما راح تسجلون فيه وتقبلكم الشركة .. راح تطلعكم على واحد من المراكب لمدة 7 ايام عشان تشوفون بيئة العمل فيه .. وهذا شي حلو في الشركة ..
بعدها راح تبتعثكم لبريطانيا .. تدرسون في مدينة صغيرة اسمها ساوث شيلدز جنب نيوكاسل .. تتعلمون المهارات المهنية من ورش حدادة ولحام وخراطة وغيرها بالاضافة الى كورس انقليزي لمدة 6 شهور ..
ترجعون تشتغلون ك wiper او ordinary seaman .. طبعا للمعلومية هذي الرتب هي اقل رتبة موجودة في السفينة .. الـ wiper يكون شغال مع المهندسين في غرفة الماكينة (درجة الحرارة بالعادة هناك حول الـ 50) وشغلته التمسيح والتنظيف وصبغ البوية هناك بالاضافة اذا يحتاجونه المهندسين في شغلة راح يكون معاهم .. الـ ordinary seaman راح يكون شغله على سطح السفينة .. شغلته التمسيح والتنظيف وصبغ البوية واذا احتاجوه الملاحين في شغلة راح يساعدهم ..

ايجابيات الوظيفة ..
الراتب راح يكون اجمالي حول الـ 12 الف شامل كل شي بما فيها الاوفر تايم اللي هي ساعات عمل اضافية .. طبعا الـ 12 الف راح تكون وقت ما تكون مداوم في البحر .. وينزل الراتب الى حول الـ 7 الاف لما تكون اجازة في البر ..
الاكل والشرب والغرفة وغسيل الملابس واستخدام الترفيه في السفينة كله مجاني خلال الـ 4 شهور في البحر ..
الشغل راح يكون 4 شهور بحر .. وراح يكون لك اجازة عن كل شهر 15 يوم .. اي انه راح يكون لك اجازة شهرين كل 4 شهور تقضيها في البحر ..
اضافة الى المميزات المذكورة اعلاه ..

السلبيات

بيئة العمل سيئة للأسف .. لأن الرتب هذي هي اقل رتبة موجودة في السفينة فراح تلاقي مضايقات اشكال والوان .. خصوصا ان اغلب الرتب اللي حول هالرتبة من الجنسية الفليبينية !

العمل شاق .. عمل يحتاج اشخاص بكل اختصار hard working او ناس حقين كرف بالعامية .. راح تنكرف كرف قوي .. وراح تكون الـ 4 شهور اللي في البحر كلها ايام عمل (اي انه لا يوجد ويك اند او اجازة نهاية الاسبوع) .. مع ملاحظة انك تستفيد من كون ان العمل يوم السبت والاحد يعتبر لك اوفر تايم بالكامل (عوضا عن نهاية الاسبوع مع ملاحظة انه ما عندك حرية الاختيار في الاوفر تايم)

راح يكون الدوام 10 ساعات يوميا .. بحساب ساعتين اوفر تايم في اليوم .. وراح تزيد عدد الساعات الى 12 ساعة في اليوم وقت ما يكون فيه تحميل شحنة او تفريغ شحنة ..

الترقيات نوعا ما صعبة ومجالها ضيق .. حيث ان هناك رتبة واحدة ممكن تترقاها وهي من wiper الى oiler .. اي من مسّاح الى زيّات ماكينة .. و طبيعة الشغل راح تكون تقريبا نفسها مع ملاحظة ان الزيّات يقوم بمساعدة المهندس المناوب عادة .. ونفس الوضع للـ Oridnary Seaman



نصيحتي لكل متقدم ..

اذا انت راعي شغل وما تبغى الدراسة .. اعتقد انها فرصة جيدة للعمل خصوصا مع الراتب المجزي عادة لمن يحمل نسبة ضعيفة نوعا ما ..

موفقّين جميعا