طب جامعة الملك سعود ولا طب ابتعاث

مشكلة طب الابتعاث ان المقاعد محدودة.. و يمكن ما تقدر تلاقي مكان و تغير التخصص أو تضيع عليك سنة أو سنتين و انت تغير الدولة يمكن تلاقي مكان في دولة ثانية..
حتى مقاعد الطب اللي حاجزتنها الدولة في جامعات مثل هولندا.. كانت مضمونه لكن الحين صار عدد الطلاب اللي يقدموا أكثر من عدد المقاعد يعني حتى في هذى ما تضمن تلاقي لك مقعد ..

طب الابتعاث

بس بدوله شهادتها كبيره مو دوله شهادتها ضعيفه

اذا انقبلت بجامعه سعود طب لاتتردد ..خليك عالمضمون ..الخوف لاتقدم على برى وتتورط زي الي قبلك ومالقو مقاعد
دراسه جامعه سعود قويه ووظيفه مضمونه وراتب محترم ..ولاحق على برا بعد شهاده البكالوريس

طب ابتعاااث شووور

موفق باذن الله

لاتطلع من البلد احسن لك طب البلد وبس ولا ذل الملحقيات والغربه اسال مجرب انا ما ادرس طب بس شفت اللي هنا متبهذلين

للي يقول مضمون لا مافي شي اسمه مضمون هنا
بسعود بتدرس سنه تحضيريه بعدها علي حسب معدلك تتخصص
هل تضمن تجيب معدل عالي
بالترم الاول المواد تحضيريه سهله انجلش وحاسب وماث بس الترم الثاني المشكله مو بالمواد المشكله بنوعيه الاسئله
انا وحده كانت تؤمن بآن اي شخص يدرس يجيب درجات بس عقب الترم الثاني بسعود غيرت رايي
الاسئله كلها اختياري بس تحتاج وقت


وهذاني درست سنه بسعود والحين بروح بعثه
لو بتاخذ رايي بقولك ان البعثه اضمن لك كتخصص واريح نفسيا لما تكون الدوله ضامنه لك تخصصك بمجرد انك تعدي التحضيري
اما السنه التحضيريه بسعود قلق قلق قلق تشوف اللي يدرسون تحضيري باقي التخصصات مرتاحين خخخخ وانت كرف << طبعا ع الترم الثاني

هالشي مايقلل من قيمه تخصص الطب بسعود ترا الدراسه مو سهله ومعروف جامعه سعود لها سمعه بالطب البشري


عاد انا اقولك كذا لان حنا البنات مرمطونا نداوم٣اايام بنوره و٢ بسعود اللملز غير ان يوم يكون عندك اختبار بالجامعتين وتجيب ورقه عاشن تآجل الثاني يووه الله لايعيدها من ايام ولحق ماتلحق

غير ان خميس مافيه خخخخخخخخخ ياااااربيه والله ايام

p.s.
انا العام كنت نفس وضعك واخترت ادرس بسعود ومقتنعه بقراري للحين مع اني مادخلت التخصص اللي ابيه فقدمت هالسنه ع البعثه
بس السنه التحضيريه شي حلو اقل شي تطلع بشهاده ايلتس واي سي دي ال غير الخبره اللي بتاخذها


اذا عندك اي استفسار انا جاهزه و

الله يسهل عليك وييسر لك امرك

واثقه انك قررت الحين لكن طب سعود لسبب رئيسي ان البكالريوس بالطب مايفرق من اي دوله ماخذه الي يفرق التخصص

لما تتخصص اي اطلع برا وقدمه على بعث الزماله الطبيه بس البكالريوس خلك هنا احسن في حين لو ماكنت تبي تطلع من البلد

بس عشان مستقبلك

وبالطب الاولويه بالمستشفيات انهم ياخذون الي متخرجين من هنا هذا بالامتياز واكيد بعد الامتياز بياخذوا الي شافوا شغلهم بعينهم
وهم الي اخذوا امتيازهم عندهم

كلام الاخت عين الصواب

هنا طب احسن من برا

بس عشان لا اسوي اشاعة

في معلومة عندي انو 90 % من طلاب الطب في الخارج يرجعو او يحولو الى تخصص اخر لصعوبة الدراسة
(ظروف الحياه +الغربة+دراسة الطب عموما مهي سهلة+اللغة الثالثة زي الهولندية او الالمانية)

الله يعطيك الف عافية