رسالة موعد المقابلة لإبتعاث الخطوط ..

هلا فيييكوم


انا اليوم كانت مقابلتي وكانت ولله الحمد ممتازة


ما قالوا درجات الانقلش

واللي يسوون المقابلة 3


والصور اي نعم 4 * 6 واكتب اسمك عليها من الخلف وكذلك السي دي



وبطاقة الاحوآل مآ أعتقد بيقولون لك شيء


لأنهم بس يشوفون بها تأكيد الرقم اللي عندهم وكذا

وكمآن عندك ورقة من الاحوآل بسيطة


لا تشيل هم ان شاء الله تمشي


وبالتوفيق لك وبشرنا



النتائج قالوا بعد اسبوعين من الآن



على ابتعاث نلتقي

هل قالو لكم درجات الانجليزي ؟
لا ما قالوا لنا .... هذا بالنسبه للي شفته بالرياض ...

وكم عدد الموجودين ؟
عدد الموجودين معي واللي مقابلته الساعه 8 في الرياض كانوا 14 طالب ...وكان فيه مقابلات الساعه 12 سألت واحد من الشباب قالي ..ما كان فيه الا 7 تقريبا ....

والصور هل هي 6 في 4 ؟
ايه ....4 في 6

وهل تتوقعون عادي او ماتفرق معهم اذا انت تدرس في جامعه حاليا ؟؟
اتوقع ما تفرق معهم ....لان بدايه تقديمهم ..كان بوسط الدراسه ..وغير كذا ..اغلب اللي راحوا العام كان يدرسون في جامعات..

وهل لازم نكتب فوق السيدي شي يعني اسمي او مالها داعي ؟
ايه ...اكتب اسمك على السي دي ..لانه بيرسل الى وزراه التعليم ....فاكتب اسمك عشان ما يضيع ...

وبالنسبه للبطاقه ان شاء الله مو مشكله ...انا ما سألوني عن البطاقه ...بس فيه طلاب سألوهم
انت جب اوراقك كامله ...وان شاء الله ما يقولون شي

بالتوفيق ان شاء الله ........

دعواتكم لي مقابلتي يوم الأثنين

وهل في أحد سألهم متى حتكون الدراسة أو كم عدد المقبولين نهائياً؟

اتوقع بعد ماتطلع النتايج يبدون في اختبار الجامعات والتخصصات وشغلات الفيزا وكذا ..

يعني احسب اقل شي 3 - 4 شهور بعد النتايج ..

الله ييسرها علينا وكلنا نبتعث

بس يا أهل جدة قولونا وش صار معاكم اليوم

يا أهل جدة وش سويتوا بمقابلتكم اليوم أنا مقابلتي كرة

والله ياخي اعذرني كتبتلك شرح بالتفصيل الممل فجأة ضغطت زر بالكيبور راح كل شي -_- فأحاول مرة تانية بإختصار, معليش اعذرني والله كنت كاتب كثير.

اول شي من يوم تخش الفندق راح تلاقيهم عاليمين حيقولولك أتضل فحتقعد في غرفة الإنتظار اللي فيها الطلاب (والله مدري العدد النهائي كان حوالي 13 او 14 طالب) المهم الغرفة فيها أكل ادا حبيت تاكل المهم عالساعة 8:10 حيجي رجال طيب كدا وحيشيك حالحضور وياخد السي دي والصور, وبعدين بعد ما يجوا الدكاترة كلهم حيبدأو يدخلو الطلاب للمقابلة حسب الترتيب الأبجدي (عاد ادا انتا منكوب زيي واسمك يبدأ بحرف الألف -_- حتبدأ من بدري) المهم الشغلة كيف هية غرفتين وحدة عاليمين ووحدة عاليسار كل غرفة فيها 3 دكاترة يسووا المقابلة. المهم انا جاء دوري تقريبا كنت رابع واحد المهم فدخلوني الغرفة اللي عاليمين وكان في راجل مطوع كدا ومعاه اثنين تانيين.

المهم سلمت عليهم وقفلت الباب وبعدين قالولي اتفضل اجلس المهم بدأ اول شي يعرفني عن نفسو وعن الدكاترة اللي معاه وبدأو بالأسئلة : (مني فاكر كل الأسئلة والله بس أحاول اعطيك اللي متذكرو)
1- اول شي قلي احنا نبغى نعرف من هو أنس فعرفنا عن نفسك.
- حاول تتكلم عن نفسك لمدة دقيقتين او دقيقة ونص عشان تطول الوقت شوية وعشان حيسألوك عن بعض الأشياء اللي قلتها وانتا تعرف عن نفسك.
- مني فاكر الأسئلة بالترتيب فأعذرني.

2- سألني كم عدد أفراد عائلتي وترتيبي بين اخواني؟؟
3- سألوني هل ساعدت احد في يوم من الأيام بدون ما يطلب المساعدة؟؟ وايش كانت ردة فعلو عليك هل شكرك وكدا؟؟
4- سألني وقال انتا قلت في كلامك انك حاصل على 4 شهادات لغة انجليزية ووحدة من ايرلندا, فكم المدة اللي درستها في ايرلندا؟؟ وبعدين قلي اشرحنا عن الشهادات الباقية اللي اخدتها؟؟؟
5- هل تقييم نفسك على انك انسان هادئ ولا عصبي؟؟
6- اعطينا موقف يعني خلاك تعصب وكدا وكيف اتصرفت؟؟؟ (عاد الله يعينك في الأسئلة الغريبة اللي زي كدا)
7- هل سبق انك غلطت أو انك زعلت احد وندمت على كدا وكيف اتصرفت؟؟؟ (بالله ايش اقلو في سؤال زي كدا ههههه فتيتها حطيتها في واحد من الشباب نمزح معاه يزعل احيانا)
8- ايش يكون دورك في مناسبة احد اقاربك خالك عمك زي كدا فإيش يكون دورك؟؟؟ (من أغرب الأسئلة اللي جات)قلتلو احنا نساعد في العشاء واحنا اللي نحط السفر انا وعيال عمتي وكدا, بعديييين اتذكرت انو الافراح تكون في فنادق فيكون الفندق هو المسئوول عن العشا حسيت نفسي فتي.
9- عندك رخضة؟ ايش اخر مخالفة اخدتها؟
10- ليش كانت بعثات الخطوط خيارك الأول؟؟
11- ايش هية برامج الإبتعاث اللي قدمت فيها غيرنا؟؟؟
12- ليش ما قدمت في بعثات الملك عبدالله؟؟؟ (انا حاس انو هادي اللي حتنكبني لأني قدمت وجاني القبول المبدئي ولكن يوم طلبوا الشهادة الأصلية نخيت عليهم, فخايف انهم يشيكوا بعدين ويكتشفوا اني اشتركت!!! شباب في احد سوى زييي ولا لا لأني كتبت في التسجيل اني ما شاركت فيها, المهم قلتلو الطب مو ميولي)
13- ايش ناوي تتخصص؟؟
14- ليش اخترت علوم حاسب؟؟؟
15- ايش رايك في الأمور المالية؟؟
16- كيف مستواك في الرياضيات؟؟؟
17- لو ما قبلناك علوم حاسب وحطيناك تخصص من التخصصات المالية هل توافق؟؟
18- طيب انتا قلت انك رحت ايرلندا وكدا فإنتا حاط خيارك الأول امريكا و حاط ايرلندا آخر خيار ليش؟؟؟
19- ادا ما جاتك امريكا وجاتك دولة غيرها تروح ولا لا؟
20- ايش حتسوي ادا ما قبلناك في البعثة؟
21- يومك كيف تقضيه غالبا؟؟ يعني زي امس ايش سويت؟؟؟

وبس قلي خلاص شكرا وحتجيك رسالة بعد اسبوعين ان شاء الله, فسلمت وخرجت.
والله انطباعي عن المقابلة يعني كان سيء حسيت انو ما سأل اسئلة كتير وحسيت اني خرجت من بدري كنت اتمنى انو يسأل اسئلة أكتر يعني وقت المقابلة والله أعلم حسيت انو كان قصير امكن من 10 ل 15 دقيقة والله اعلم , نصيحتي لك انك تخش وتهرج معاهم بأدب ولباقة وحاول تبين انك واثق من نفسك, والله أعلم يعني في ناس قالو انو يوم تخلي اجابتك قصيرة ومختصرة يكون احسن لكن أنا انصح انو الواحد يطول في الإجابات شوية عشان يبهرهم والله أعلم.
فبالتوفيق ياخوي بكرة واذا عندك أي سؤال أنا حاضر, طمنا عليك بكرة. في أمان الله

يا شباب أنا كانت مقابلتي اليوم الأثنين 14/12 في جدة
والفاجعة العظمى إلي ما كنت متوقعها وهي أقوى كف جاني في حياتي
أنهم قالولي (تم إلغاء هندسة الحاسب - علوم الحاسب - ...وكل شئ متعلق بالحاسب ) فإذا تبغى تغير تخصصك ؟وأنا حاط تخصصي هندسة حاسب .وطلعت وما غيرت شئ لأني ما ابغى غير الهندسة .

وراحت علي الخطوط

لكن ما أقول إلا حسبي الله ونعم الوكيل ولا حول ولا قوة إلا بالله العلي العظيم

نفس الكلام بس السؤال هو لو غيرت التخصص رح تنقبل ولا لا

هما قالوا عندنا اكتفاء هفي الهندسة

أنت وش سويت ؟

طيب وش ذنبنا حنا يا أهل جدة يكتفون مو في فرز للكل ؟

والله حرررررررررررررررررام عليهم

عندي سؤالين ممكن أحصل لجواب ؟

1- إلي راح المقابلة يوم الأحد هل قالوا لهم أكتفينا ؟

2- إلي دخل الماقابلة يوم الأثنين عند المطوع الغرفة إلي في اليمين هل قالوا لهم أكتفينا من هندسة الحاسب ؟

لأني أملي بالله كبير وأتوقع أنهم يبوا بس يعرفوا أنا مصر ع تخصصي ولا لا لأني ما قد سمعت بشئ في البعثات أسمه أكتفينا .


لكن لا حول ولا قوة إلا بالله