رسالة موعد المقابلة لإبتعاث الخطوط ..

طيب احد يعرف وين هذا الفندق

والسيدي كاتبين للأهمية هل نجيبه يوم المقابلة ولا وقبل

باقي 8 ساعات على المقابله ......

يالله انك تسهل علينا .....

ادعو لنا يا شباب .....

انا ان شاء الله بعد ما اخلص من المقابله ...راح احكي لكم كل اللي صار معاي ...عشان تستفيدون ان شاء الله ...

بالتوفيق ان شاء الله ...

بس لا تنسونا من الدعاء .......

انا ايضا كنت يوم الأحد 13-12 الساعة 8 في فندق روز وود ..

وتم التغيير الى حياة بارك الساعه 12 الظهر .. لكن للأسف الرسالة ماكتملت ..

ومادري اليوم اتغير ولا لاء ؟

ياليت احد يردلي خبر ..

اول العائدين من المقابله

سلام عليكم ....اخباركم علومكم وشلونكم طيبيين ....

خل احكي لكم قصتي اليوم .....طبعا توي راجع من الفندق تقريبا من نص ساعه ..

في البدايه قمت من الساعه 4.30 ..مدري وش عندي متحمس شوي ....

انتظرت صلاه الفجر ...صلينا ...

وبعدها جهزت نفسي وافطرت ...ورحت لفندق صحارى ...عند المطار ...

بعد ما قطعت مسافه ...اتصلت علي الوالده ...قالت شكل الصور طاحت منك وانت تمشي

ابوو النكبه ...عااااااد ومع زحمه الرياض اووووف انواع القلق ....

وارجع طيران للبيت .....واخذ الصور ...واتوجه للمطار مره اخرى ...

وصلت الفندق الساعه 7.50 ....وجدت امامي اربع طلاب فقط ....

جلسنا وانتظرنا شوي ...بعدها جو الطلاب ....بعدها طلعنا لغرفه الانتظار فوق ...

ومع الطلاب الموجوديين واللي جو متأخر وصل العدد نقريبا الى 14 طالب ...

عدد ممتاز ....ومع الطلاب اللي الساعه 12 ...وايضا طلاب جده والدمام ...

المهم انتظرنا ...وسلمنا لهم السي دي والصور الشخصيه ...

دخل اول طالب للمقابله ....لكن لاحظنا انه طلع بسرعه تقريبا ما كمل 7 دقايق على بعضها ...

استغربت الصراحه ما طول ..بعدها دخلو الطلاب ...كان الترتيب بالاسامي ...

يعني كان بعضهم بطول وبعضهم لا ...لكن تقريبا كانوا يجلسون من 10 دقايق الى 18 دقيقه

بعدها جا دوري ودخلت ..تقريبا الساعه كانت 10.5

سلمت عليهم ...كانوا ثلاثه ....ردو السلام ...وقاالوا لي اذا سمحت ..تقفل الباب قلت ماااشي

قفلنا الباب ...بعدها قلت لهم اجلس ...قالوا اكيد تفضل ..وعرفوني بانفسهم ..ما اتذكر الصراحه الا ماجد الحربي ..

كان مرره تعامله رائع ....وكانت اكثر الاسئله منه ...طبعا في البدايه قالوا لي ...

كلمنا عن نفسك ..او عرفنفا على نفسك في وقت وجيز ...

بديت اتكم وانطلقت والحمدلله ...بعدها بدا يسألني عن حاجات انا ذكرتها في كلامي ....

سألوني طبعا عن التخصصات والفرق بين تخصص علوم الحاسب وتخصص اداره نظم معلومات ..

وسألني ليش اخترت تخصص هندسه حاسب مثلا ؟

ايضا من الاسئله .....لو ما قبلناك في البعثه وش راح تسوي ؟

ايضا ...وش رايك في امريكا ...من ناحيه المعيشه هناك والدراسه ؟

وايضا هل تملك سياره ؟ وهل لديك مخالفات مروريه .... ووش اخر مخالفه اخذتها ..؟

الصراحه انا ما حبيت اكذب ....وبالعكس قلت لهم عندي مخالفات ..ووصفت لهم اخر مخالفه اخذتها ...

وبالعكس ..انبسطوا مره لما وصفت لهم كيف اخذت المخالفه ....

يعني كان جو المقابله مرح نوعا ما ...ما كان فيها ذاك النوع من الخوف ...

ابد عادي ...خلك واثق من نفسك وتكلم بصدق ...وان شاء الله كل الامور تتسهل ...

بالتوفيق ان شاء الله للجميع ...واي اسئله يا شباب انا حاضر

أشكرك أخي على مشاركتك ودعائي لك على نفسيتك الطيبة المعطاءة أن يوفقك ويجعل لك فيما أنت مقدم عليه كل الخير والصلاح حاضراً ومستقبلاً ....
استفساري هو هل يوجد إلتزام بالتوقيت المحدد أو أفضل تقديم المقابلة يعني من الساعة العاشرة إلى الثامنة لإرتباط بإمتحان الساعة الواحدة .
أيضاً عندي استفسار بخصوص الملابس هل من الضروري إرتداء اللباس السعودي ( ثوب + شماغ )

وبالتوفيق مرة أخرى لك وللجميع

هل سألوك سؤال بالإنجليزي

ما قالولك متى النتايج اخوي ..

ويعطيك العافيه على تفاصيل المقابله صراحه افدتنا كثيييير !

MGMG الف شكر على الشرح وماقصرت والله ..

افدتنا كتيير .. وان شاءلله موفق ومن المقبولين ..

طبعا بالنسبه للتوقيت ....كاتبين في الرساله الساعه 8 ...لكن انا ما دخلت الا الساعه 10

لكن اتوقع ان كل طالب من الافضل ان يلتزم بالوقت المحدد ...عشان فيه قبل تدقيق في الاوراق

وبالنسبه للملابس : انصح جميع الطلاب يلبسون الزي السعودي كامل ...ويحاولون يتكشخون شوي

لانه يقيمون بعض الشي على المنظر والشكل ...

تحياتي لكم

ايه سألني سؤال بالانجليزي ...

حتى الى درجه اني ما انتبهت للسؤال لانه كان بشكل سريع ..وفي وسط الاسئله ...

فكل طالب ياخذ احتياطه انه بيسألونه سؤال بالانجليزي ....لكن كان السؤال سهل الحمد لله

يعني لا تخافون ....

بالتوفيق لكم جميعا ...