حوار .:: تجميع المقبولين في بعثات الخطوط 2010 ::.
حوار .:: تجميع المقبولين في بعثات الخطوط 2010 ::.
تنبيه: هذا الموضوع قديم. تم طرحه قبل 5448 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
LinkBack URL
About LinkBacks-
7 " - 7 "
انا جا امر اركابي على ميامي
والظاهر بدرس اللغة في ميامي
بس الاستاذ محمد العيسى يقول تجي على قبول الجامعة في دركسل بعدما تخلص اللغة
الله يكتب اللي فيه الخير - 7 "
شي طبيعي ماجتك لانك منت من طلاب دركسل
انت في جامعة نورث داكوتا الله يحفظك
دركسل للنخبة فقط - خبر سار للمدخنين7 "
سألت واحد من الشباب قال يمديك تشيل 4 كروز
ماصدقته بس
بشيل معي 4 كروز وبصير انتحاري الخطوط
و نسأل الله ان يهدينا - في احد دقوا عليه الخطوط اليوم ؟ ..7 "
لقيت رقم من جده
..
ايه صح ما اتوقع في احد دقوا عليه .. لان كلكم بامريكا الحين :'''''''''''''( .. - 7 "خخخخخخخخخخخخخخخخخخخ
لا ما وصلني لا رقم اتصل علي ولاهم يحزنون !!
و انا معك يا دحوم منقع هنا !! - السلااااااااااام عليكم ورحمة الله وبركاااااته ..7 "
حيا الله الشباااب .. والحمدلله على سلامتي
اعذرونا عالانقطاع بس والله لي 3 ايام ماعرف احك راسي من الهجوله ههههههه
بحمدلله وصلنا واشنطن بعد رحله طويله من الدمام - امستردام - الدمام ..
بعد ماوصلنا صفينا طابوور طويييل عالجوازااات بشكل ماتتخيلون بس مع كذا الطابور يمشي بسرعه خياله ! ..
بعد ماتخلص من الطابور هذا بما اني سعودي واول مره ادخل الولايات الأمريكيه طلبو جوازي والاي توني الاصليه ..
وقالولي رح عند كاونتر 1 .. تروح عند كاونتر واحد وتعطيه الاوراق هذي ويقولك رح استرح في الكراسي بالزاويه !!
طبعن بتروح هناك بتلاقي مجموعة سعودين كبييييره قاعدين .. ويمشون علينا واحد واحد بالدوور وقعدنا ننتظر 3 ساعات ..
هذي السالفه صارتلي الاحد .. طبعن في ناس تمشي امورهم لاتخافون مب كل مرره ينشبوون ..
بعدها لا نادوك مافيه شي بس يسالونك ليه جاي ويبصمونك وكذا ..
طبعن حنا تاخرنا بالمطار لدرجة اني يوم طلعت اخذ الشنط
ماكان فيه الا ثلاث شنط بالساحه كاامله ووحده منهم حقتي خذتها ومشيت
ولا فتشوني ولا شي وقهر الابتوب مسحت فيه كل شي وهم مادرو عنه والله !
الحمدلله اول ماطلعنا كان في استقبالي ولد عمي وشفنا واحد مصري من الملحقيه ..
عطاني ملف فيه اوراق اعبيها .. وخذت منه عنوان الفندق اللي فيه طلاب الملحقيه
ورحتله على طول لان ولد عمي عنده سياره ..
يوم وصلنا الفندق كان فيه كم واحد موظفين من الملحقيه تحس فندق ابو السعوديين هههههههه
الموظفين هذولي خذو اوراقنا بعد ماعبيناهم وخذو صورة من فورم الـ I-94
اللي نعبيه بالطياره ويحطونه بالجواز فوق الفيزا ..فورم بسيط وسهل يعني بيعطونك اياه بنص الرحله ..
اخذنا غرفه بالفندق بعد ماعطيناهم الاوراق وكل شي .. وقالولنا الساعه 8 الصبح يجي الباص اللي يودي للملحقيه ..
نمت نومه حلوه وصحيت 7 الصبح وجهزت نفسي وطلعت للوبي عشان نستنى الباص ورحنا للملحقيه اللي قعدنا فيها طولنا ..
حطونا المبتعثين في غرفه كبيره وفيها شاشات وعطونا كم محاضرة بسيطه كذا ..
والله يعينكم على الصبايا
ماتقدر تركز مع المحاضرات ابد ابد واسالتهم البايخه هههههههههههه
وبيشرحون كل شي بالمحاضرة وكذا .. بعدها يجون يوزعون اوراق الضمان المالي
واثبات براتبك عشان لاجيت تاخذ سكن يفيدك وورقة الضمان الصحي .. وبطاقة ID من الملحقيه ..
بعدها طال عمرك رحنا للمطار على طول
واغير حجزي لفلاق ستاف اخليه يوم 29 من نيويورك هههههههه
ونقعد نتمشى انا وولد عمي بواشنطن لا اوصيكم في مطعم اسمه الطربوش عليه راس معسل جيد :P
وصورنا مع البيت الابيض والكونجرس وكل شي
بعدها مسكنا خط وندز لمدينته اللي تبعد 5 ساعات عن واشنطن .. يوم بقى ساعه ونص ونشوف نيويورك
هي تكون بطريقنا ولد عمي يسالني ها نخشها ناخذ فره ونكمل طريقنا ؟ قلت قداااااام يا ولد ههههههههه
وندخل ندور في مانهاتن ونشوف التايم سكوير وفيفث افينيو ومرينا على مصري حق شاورما جااامد
وبعدها طلعنا وكملنا طريقنا طال عمركم لييين New Haven
طبعن يوم وصلنا كنت مكمل 24 ساعه مواصل وصاحي ههههههه !
وهذي قصتي باختصاار والله يوفق الجميع ان شاء الله ..
دحووم mnj افاا للحين ماصار شي !! - حمممممد الف حمدلله ع السلااااااامة !! ..7 "
وماشالله ع ردك متعودين منك حمد ^ـ^ .. !!
الله يوفقك وعقبالنا ! ..
ملحطين هنا خخخخخخخخخخ
اجل انت في نيو هيفن ؟ كونيتيكت ! ؟
مو انت كنت في اريزونا ؟ - الله يسلمك ههههههههه7 "
ايه انا للحين في اريزونا بس اني بدال مااروح من واشنطن لمدينتي خليت حجزي من نيويورك ..
ورحت لكونتكت عند ولد عمي بقعد معه كم يوم ويوم السبت بمشي لمدينتي فلاقستاف في اريزووناا هع - الحمد لله على السلامه حمد7 "
بس ماكنك انلحست شوي
اقول رحلتك من الدمام لامستردام ومن امستردام للدمام
وش السالفة ؟؟؟
ههههههههههههههههههههههههههههههههههههههههاي
مدربي .. توصل بالسلااااااامة انت ومدور العيشششششه وعقبالي !! .. وعقبال المتعثرين خخخ ..
ايه وش كنت اقول .. ! ..
مافي شي جديد ؟ ..