استفسار سابك ام البترول ؟؟؟

البترول تقبل اكثر من 2500 طالب ..

وسابك تقبل 100 طالب بس !!

شرايك مين اصعب ويحتاج واسطه :P

على حسب علمي

واطلاعي على اكثر من مقارنة لاحظت ان ارامكو كثير يمدحونها

والله اللي يكتب اللي فيه خير وصلاح

عزيزي سابك قائمة على الواسطة خاصة في التوظيف والابتعاث كطبيعة معظم الشركات
وما فيه الا قبول ما يقارب 100 طالب وطبعا اذا انت جايب 99 وواحد ابوه في سابك جايب 98.9 يفضلون اللي ابوه في سابك وهو احد الخيارات اللي تعبيها في التقديم على الشركة

البترول ما فيه واسطة الا نسبة ماتحسب

بس وش افضل طبعا سابك .. لأن الدراسة في الخارج لها قيمتها والله فيها فائدة غير طبيعية
وبصراحة تطلع رجال عندهم مسؤولية كبيرة بعكس طالب البترول
يعني غير العلم .. ترا الحياة برا صعبة وتقسي القلب ..

من الاخير ترا القبول في سابك مو سهل لكن افضل من الدراسة في السعوديية بمراحل.
الله يوفقك ويكتب لك اللي فيه خير
ولا تنسى البعثات الثانية الخطوط , ارامكو , خادم الحرمين

والله ياخوي انا من طلاب سابك


واكيد البترول اسهل بكثير من قبول سابك



بس يعني انا اشوف الناس تتكلم كثير عن الواسطات ومدري ايش في سابك



انا ادرس في مانشيستر في بريطانيا


مجموع الطلاب في مانشيستر بس عددهم 23 طالب



ما اعرف واحد داخل واسطه بينهم الا واحد


طبعا هذا عمه يصير رئيس مجلس الاداره ال ثنيان ال سعود يعني غصب يدخل


خخخخخخخخخخخخخخخخخخخخخخخخخخ


وفي واحد من طلاب امريكا اعرف انه داخل واسطه



بس يعني هذولا الاثنين اللي اعرف اننهم داخلين واسطه والباقين كوولهم مقدمين عادي


على الا حقين مانشيستر انا اضمنهم لك انهم ماهم واسطات


ولكل مجتهد نصيب


اهم شئ التحصيلي والقدرات


والمقابله الشخصيه



واذا عندك اي استفسار انا في الخدمه ان شاء الله

أي واسطة الله يرضى عليكـ يا كنق

هاذي سابكـ

صحيح ممكن فيه واسطات ولكن قليله جداً جداً وما تأثر في بقية المتقدمين

واسأل مجربين

أنا من طلاب سابكـ

الحمدلله قدمت وعشت بعثة سابكـ

والله إنهم يبغو طلاب متميزين مو طب طب وليس يطلع كويس

وبالنسبة للموضوع

طبعاً القبول في سابكـ أصعب بكثير من البترول والمعادن

وقبول سابكـ يعتمد على الثلاث النسب ( ثانويه ، قدرات ، تحصيلي )

واختبار الشخصية مع المقابلة الشخصية

وشكراً

السلام عليكم ورحمة الله وبركاته

أخي الكريم, لا أحد ينكر بأن الدراسة في الخارج سواء في امريكا أو بريطانيا او غيرها لها تأثيرها القوي والفعال في سوق العمل, لكن لا يقلل ذلك من مستوى الدراسة في المملكة. للأسف الشديد الناس أخذت نظرة جدا سيئة عن مستوى التعليم الجامعي في السعودية. من ناحية أخرى, هناك جامعات في الخارج (واحترموني على هذا اللفظ) أستطيع أن أطلق عليها لقب : جامعات ميكي ماوس !!! ولا أدري كيف هي من ضمن قائمة الجامعات المعترف بها لدى وزراة التعليم العالي !!!!! , فجامعة عن جامعة تفرق. الذي أريد أن أصل اليه هو: ليس كل من سافر الخارج ورجع بالشهادة أنه أفضل بكثير من طلاب الجامعات السعودية.

تبي نصيحة أخو؟؟؟ اذا حصلت قبول في جامعة الملك فهد للبترول والمعادن (وان شاء الله سهل عليك) فلا تتردد. الجامعة جدا قوية, خصوصا في مجال الهندسة والادارة. الجامعة تتبع نظام التعليم الاميركي في جميع النواحي مثل: عدد أسابيع الدراسة, وطريقة حساب الدرجات, وكذلك المعدل التراكمي. كذلك أول سنة هي السنة التحضيرية وهو برنامج مكثف وقوي جدا في اللغة الانجليزية , والمدرسين من أمريكا وكندا واستراليا وبريطانيا... الخ. علما بأن السنة الأولى غير داخلة في المعدل التراكمي الجامعي, يعني كأنك تدرس برنامج اللغة في معهد خارج المملكة وبعد كذا تبدا الدراسة الجامعية. النظام جدا صارم, ولا مكان للجبناء.
وبعد ما تتخرج ان شاء الله من جامعة البترول هذيك الساعة فكر تكمل الماستر برا, ومخمخ على كيفك.

أنا تخرجت من جامعة البترول ولله الحمد, تخصص هندسة كهربائية السنة الماضية, وحاليا متواجد في أمريكا في ولاية كاليفورنيا في وادي السيليكون منتدب من قبل مدينة الملك عبدالعزيز للعلوم والتقنية للعمل مع شركة انتل الامريكية. وبعد ما أخلص المشروع ان شاء الله رح اكمل الماستر في أمريكا واللي رح يبعثني مدينة الملك عبدالعزيز.

أتمنى لك التوفيق والسداد, وأن ييسر لك الذي فيه الخير..

إخواني السلام عليكم ورحمة الله وبركاته

المقابلة الشخصية في سابك ؟؟؟ كيف؟؟ وشنهو اللي فيها ؟؟؟

الله يفتح عليكم

ميزة ابتعاث سابك انك راح تضمن الوظيفة بعد التخرج في شركة ممتازة لكن اختيار الدراسة في البترول هو خيار ممتاز كذلك لكن لن تضمن الوظيفة بعد التخرج مع ان خريجين البترول لهم اولوية على الاخرين

خريج هندسة ميكانيكية من البترول و موظف شركة سابك حاليا