شرح المقابلة الشخصية من برنامج الابتعاث من سابك ...

مقابلتي تمت اليوم الظهر
اللي عنده أي سؤال يتفضل

المقابلة انقلش ولا عربي وش الاسأله

والله أنا انصدمت وأنا أخوك
ثلاثة الله يخليهم ما حد نطق كلمة بالانجليزي
ولا قالوا لي تكلم بالانجليزي ولا شي

طيب عطنا الاسئلة كلها وعلمنا وش صار معك من طءطء لا السلام عليكم

العفو ما انتبهت انك سألتني عن الأسئلة..

الاسئلة بالمرة خفيفة:
1_ وين سافرت من قبل؟
2_ في مرة ظليت لوحدك بعيد عن الأهل؟
3_ تبي تطلع برا لو تبتعث داخلي؟ وليش؟
4_ سجلت في أرامكو والبترول؟ قبلوك وإلا لا؟
5_ لو قبلناك احنا وأرامكو وين تروح؟
6_ وين تشوف نفسك بعد 20 سنة؟
7_ تقدر تتحمل متاعب الشغل؟

هذي الأسئلة بس على حد ما أذكر
وباقي المقابلة مناقشة حول الأجوبة

.. ملاحظة
قبل ما يقابلونا عطونا اختبار PPA لتحليل الشخصية
والظاهر إنهم يسألوك على حسب إجاباتك في الاختبار

طيب انت وش كان جوابك وكم اخذت وقت المقابلة وهل كانو راضين عنك

أوووووه أنا على كل سؤال افتح وياهم سالفة لها أول مالها آخر
طلعات وسفرات ومغامرات.. حاولت أحسسهم إن ما وراي شي وواثق ومو مرتبك
بس كنت أحاول قدر الإمكان أخليهم يتكلموا أكثر مني

صح ذكرت سؤال وهذا أول سؤال سألوني بعد ما سألوا عن النسب (قياس والتحصيلي والمواد العلمية):
انت ليش حطيت التخصص الفلاني أولوية (الهندسة الكيميائية مثلاً)؟

وقت الاختبار PPA + تقديم الأوراق ربع ساعة تقريباً
ووقت المقابلة بين الخمس والعشر دقايق
ووقت الانتظار من الاختبار إلى المقابلة ثلاث ساعات!! بس

اخوي متى قالولك بتطلع نتايج المقابلة ؟

اللي قابلوني ما قالوا شي
خلصوا مني ويالله مع السلامة
لما سألتهم عن النتايج قالوا:
"أبشر بالخير إن شاء الله"

رحت للمسؤول اللي قاعد برا وسألته
ويقول ما عنده خبر..

بس كأن واحد من الشباب في موضوع من المواضيع في هالقسم عنده خبر
يقول 23/8