استفسار استفسارات عن برنامج cpc وكيف السبيل للحصول عليه...

ماعندي خلفيه والله

بس اتمنى من الاعضاء يفيدونا

مدري احس ان مستوى الموقع يتدنى بالنسبة للردود

وماعاد فيه روح المساعده والتعاون

بسم الله الرحمن الرحيم
السلام عليكم ورحمة الله وبركاته ..

أخوي بداية الله يوفقك ويسهل لك أمورك ويعطيك مناك بإذنه تعالى ..
انا حالياً أدرس في الـ CPC سنة تحضيرية ، وحالتي السنة الماضية بثالث ثانوي كانت نفس حالتك بالضبط تقريباً ..
وما بقى أحد إلا وقال لي ترى أرامكو واسطات ومدري ايش وانا طبعاً أتحطم ..

المهم ، دخلنا هالسنة ، وبالعكس ، لا واسطات ولا هم يحزنون ، الي يجتهد بيآخذ حقه.

أولاً : التحصيلي => غير مطلوب
قدرات => 80 أو أكثر
ثانوية => 90 أو أكثر

طبعاً في البداية لمن تقدم ( من خلال موقع الشركة ) اذا كانت الشروط الي فوق موجودة تنقبل قبول مبدئي ، وتكون مرشح لخوض اختبارهم .. الي طبعاً يمكن فيه فوق الـ 12000 طالب من حول المملكة ينقبل قبول مبدئي ويخوض الاختبار.

ثانياً : الاختبار يتكون من قسمين ، إنجليزي ورياضيات ، طبعاً هم يركزون بشكل رئيسي على الرياضيات ، يعني اذا حليت زين بالرياضيات احتمالية قبولك بتكون عالية جدا بغض النظر عن درجة اختبار الانجليزي.

اختبار الرياضيات يختلف كلياً عن القدرات ، اختبار الرياضيات مشابه لاختبار التحصيلي قسم الرياضيات ، ويركزون بشكل كبير على التكامل والاشتقاق والدوال المثلثية .

( بالنسبة لي انا ، الاختبار كان متوسط يميل إلى السهل - قسم الرياضيات - ومذاكرتي للتحصيلي الرياضيات فادتني كثير ، طبعا الاختبار ما رح يكون سهل عليك إلا بالمذاكرة , ولا اذا دخلت وانت مب مذاكر اتوقع بيكون وضعك صعب)

بالنسبة للتخصص ، وقت التقديم على النت -قبل الاختبار - يسئلونك عن رغباتك ، انا وكثير من الشباب جاتنا الرغبة الأولى ..
أرامكو نظامها السابق كان تعطي كل واحد تخصص بكيفها ، الآن تغير الوضع .

بالضبط نفس الأمر بالنسبة للجامعات ، بعد بدء الدراسة بـ 3 شهور تقريباً ، يخلونك تختار الدول والجامعات الي تبيها ..
وهم يقدمون معلوماتك للجامعة ، جاك قبول أوكي ، ما جاك قبول يوشوفن رغبتك الثانية

يعني تقدر تقول نفس النظام هنا ، مثلاً : أنت تخرجت من الثانوية ، وقلت اول شي بقدم على البترول ، واذا ما انقبلت بقدم على كلية الجبيل الصناعية .

الحين نظام السي بي سي نفس الطريقة

طبعاً جامعة ستانفورد متطلباتها عالية جداً ، يعني لازم تسحق روحك بالمذاكرة يادوب تلحق

والله يوفقك وييسر لك امورك ياغالي.

ماشاء الله الكتركال ماقصر جزاه الله الجنة

بس نصيحة ياخويا حط لك خيار ثاني احتياطي بعد أرامكو

أنا كنت انتظار فيها وردو عليا بالقبول يوم 25 رمضان وقيدني قدمت أوراقي لجهة أخرى وما أقدر أسحبها

مستوى الاختبار الرياضيات الحمدلله سهل يعني ممكن خمس فقرات اللي ماكنت متأكدة من اجابتي وشوف مواضيع منتدى يزيد في قسم ( مابعد اختبار التحصيلي والقدرات المتعلقة بأرامكو ) فيها مايفيدك

بس أأكد انو يعتمد على مذاكرتك بدرجة كبيرة والوقت في الرياضيات يكفي ويزيد

الانجليزي أيضاً كان متوسط ويعتمد بشكل كبير على معرفتك العامة باللغة الانجليزية وعدم اكتفائك بالمنهج المدرسي والوقت ساعتين لكل اختبار وتكون في يوم واحد وورى بعض

وبالنسبة للرغبات ,, انت تختار رغباتك الكترونياً عند التسجيل من البداية
وعند استلام رسالة بقبولك تسلتم معها رسالة أخرى بالتخصص الذي قبلت فيه

فيه إمكانية تبديل التخصص مع شخص آخر إذا لم يتم قبولك في رغبتك الأولى أو تغيير التخصص ( إذا كان هناك مكان وكنت مقبول من البداية وليس انتظار )
الانتظار في الغالب تنتهي عليهم مقاعد التخصصات الهندسية ويرسلولهم رسالة يختارون فيها رغباتهم مرة ثانية وتكون إدارية في العموم


إذا عندك أي استفسار حاضرة

الله يعطيكم العافية ما قصرتوا

سؤال لو كنت أبغى تخصص هندسة اتصالات وابتعاث أرامكو التخصصات الموجود عندهم مافيه اتصالات بس فيه هندسة كهربائية هل أستطيع دراسة هندسة الاتصالات أم لا..؟

بانتظار إجاباتكم يالغالين

التخصصات اللي هم يحددونها فقط

بس ترى أحد فروع الهندسة الكهربائية الاتصالات ولاالكترونيات يعني تتخصص فيها بعد ثالث سنة من دراستك للبكالوريوس اعتقد

سؤال بسس
بعثات ارمكو فيها بنات ولالا

^^
ايوه فيها بس أقل بكثيييير من الأولاد للأسف

http://www.saudiaramco.com/irj/porta...2FSaudis&ln=ar

راجع هذا الموقع اخوي وانشاء الله راح تلقى كل اجاباتك وتقدر تسألهم بشكل مباشر بالاتصال عليهم ..

الله يوفقنا و اياك ...