مساعدة ارامكو ولا ابتعاث .. اصلا وش السالفة !!

على العكس .. العرض جداً حلو لك .. وقريد 11 هذا هو القريد اللي تستحقينة ...
لا تنسين أن راح يكون فيه ترقيات في المستقبل ان شاء الله ..
والراتب اللي ذكرتيه .. هذا مجرد بداية .. لان فيه بدلات ومميزات اخرى !

ارامكو تمشي بنظام الرواتب على التاريخ الميلادي .. وعندها عطله اسبوعية (الجمعة + السبت) ...
ايضاً عندك مميزات اخرى مثل بدل السكن (تقريباً تعادل 3 رواتب) السنوي .. وتقريبا 8% زيادة على الراتب اذا كان تقييمك مرتفع ..
غير الرواتب الاضافية (راتبين في السنة) وراتبين ايضاً في شهر رمضان ..
وبدلات كثيره غيرها .. لكن هذي ابرزها ..

اما بالنسبة للسكن .. فعندهم نظام انهم يعطونك ارض وقرض من عندهم .. تبنين بيتك عليها ..
وبعدها يسددون القرض من راتبك ليما ينتهي القرض ..
بس هذي تاخذ وقت .. اول كانت ماتطول لان الاراضي كانت متوفرة بوفرة .. اما الان فالاراضي صارت قليلة جداً !
لذلك تاخذ وقت ..

انتي مو لازم تاخذين من عندهم سكن في الوقت الحالي .. خيار السكن متاح لك في اي وقت تبينه ..
لذلك اتركي هذا الخيار للمستقبل .. حتى تعرفين اللي لك واللي عليك وعقبها تشوفين المناسب لك ..

استخير الله انا من وجهة نظري ماستر افضل لكن اذا بتكمل وتشوف جو الوظيفة ..... اذا تحس الوظيفة مافيها تقدم.... قدم الاستقالة وكمل ماستر ... بالتوفيق

ربنا يوفقك.. يااخ محمد .. ردك يبررررد على القلب ﻻني فهمت ان اﻻفضل اسكن برا عشان مااخسر بدل السكن ..

والله يعطيك العافية ..اخ بدررر ..لكن اذا كملت الماستر ورجعت مااضمن يقبلوني ؟!!

لا تقدمين استقاله علشان الماستر !
توكلي على الله وكملي معهم .. والقريدات مثل ماقلت لك تجيك ان شاء الله على جهدك ..
غير هذا ارامكو عندهم برنامج الـ CPC .. تقدرين تحولين عليه او تقدرين تطلعين دورات من عندهم ..
الشهادة ماراح تنفعك .. كثر ماراح ينفعك شغلك وخبرتك وسمعتك بالشركة ! خذيها مني ..

ارامكو إعتمادها الاول على الشغل والسمعة والخبرة ! .. ماتعتمد على الشهادة الا فقط بالتوظيف .. بعد كذا خلاص انتي وجهدك !
ولو كملتي ماستر ورجعتي وانقبلتي على ارامكو .. ترى راح يعطونك نفس القريد الحالي (قريد 11) .. اكثر من كذا مستحيل يعطونك ..!
(يعني كنك يابوزيد ماغزيت) ..

بينما تقدرين تكملين بالشركة على قريد 11 .. وبجهدك والدورات اللي راح تكون موجودة .. وبرضوه الاعمال اللي بتسوينها .. تتيح لك فرصة الترقيات ..
ارامكو مثل ماقلت ترى ماتهمها الشهادة .. كل اللي يهمها شغلك وسمعتك وخبرتك .. كثر ماتبرزين نفسك بين الموظفين .. كثر ماتلاقين فرص ترقيات كبيره !

هذا من ناحية الترقيات ..

اما من ناحية الفلوس .. فصدقيني اختي بإذن الله ماراح تحتاجين شي .. لان مثل مابينت لك بدلاتها كثيرة ..
فمثلاً .. لو اشتغلتي في منطقة نائية .. راتبك يتضاعف ! .. وغير الامور اللي تقدرين ترفعين راتبك منها بالدوام (مثل الاوفر تايم على سبيل المثال) ..!

الناس تفكر ان الماجستير راح يزيد من الراتب .. والصحيح هو ان الشغل وتقييم الموظف وخبرته هي اللي تزيد من راتبه !
يعني انتي الان معك بكالريوس وراتبك الوظيفي بحدود الـ 12 الف ريال .. لو كملتي ماجستير .. وتوظفتي برضوه بارامكو ..
راح يعطونك برضوه قريد 11 .. ولكن فيه احتمال يوظفونك براتب اقل من الـ 12 ريال ..

نظام ارامكو بالرواتب مختلف عن بقية الشركات .. بمعنى ان كل قريد له حد اعلى وحد ادنى بالرواتب ..
فمثلاً ممكن تلاقين شخص قريده 12 .. ولكن راتبه اقل من راتبك .. لانهم اعطوه الحد الادنى بالراتب !
فبالتالي بجهدك انتي وسمعتك وخبراتك بالشركة .. راح تعطيك فرص كثيرة ..
لاتهتمين بالقريدات .. لاني انا لي ناس يقربون لي بعضهم شغالين حالياً وبعضهم تقاعدوا ..
بعضهم بقا على قريد 14 عشر سنوات او اكثر .. وكان يستلم اكثر من اخوه اللي كان في قريد 16 !
(يستلم ضعف راتب اخوه) !
غير اللي تقاعدوا على قريد 17 و 18 !!..

فلا تمشين على كلام الناس لانهم بيضيعونك ..
امشي فقط على فكرك انتي .. روحي اقرأي عن انظمة ارامكو ..
شوفي كيف انظمة الترقيات .. سلم الرواتب .. جميع الفرص المتاحة داخل الشركة ..
واعرفي كيف تستغلينها ..

انا ماقلت تقدم استقالة عشان ماستر توكلي على الله واستخيري واذا توظفتي بوقتها بتعرفي ايش بدك بالضبط اهم شيء الراحه النفسية اذا انت توظفت وارتحت نفسيا الحمدالله نعمه من ربي !

بما انك رديت الله لايهينك انا محتاج اكلم واحد خاص بالمنتدى ي ليت تفعلون الخاص لي او تتواصل معاه تعطيه وسيلة اتواصل معاه ضروري وشكرا...

كيف اتوظف بارامكو

اعطونا من خبرتكم ماشاء الله بالحصول على وظيفه

انا سجلت بموقعهم من زمان بس للحين مااعرف شو صار

خبرونا كيف قدمتو ؟؟؟؟؟؟؟؟؟؟؟؟


جزاكم الله خيرا

محتاجه

انا سجلت وجلست 3 سنوات ثم دقوا علي للمقابلة ثم فحص طبي ثم اختبار عندهم وبعدها ارسلوا لي العرض ..


بس حابة أسال .. يقولون لي في العرض .. انه تجريبي لمدة 90 يوم .. وراح اصدر البطاقة حقت ارامكو بعد ايام .. البعض يقول دامهم اصدروا البطاقة ﻻتجريبي وﻻ شي .. حسيت وظيفتي مو مؤكدة ؟!؛