نصيحتي الي المبتعثين في نيوزلاندا من واقع تجربة

May 17th, 2009, 03:52 PM

الحقيقة فرصة لن تحصل من قبل ان الطالب يسافر ويدرس على حساب الحكومة مالحقنا عليها الي تخرجو قبل 7 سنوات من الجامعات .
سافرت الى نيوزلند قبل سبع اشهر ودرست ست اشهر والحمدللة كانت جداً مفيدة وكنت متخوف هل السبع الست اشهر كافية ام لا ولكن اخذت دورة تأسيسية لمدة ثمانية اشهر في الرياض في معهد LSI كانت كفيلة بفضل من الله سبحانة وتعالى لأختصار مدة وخطوات كثير في نيوزلندا .
البداية كانت احتياجي في وظيفتي للغو الانجليزية وبغض النظر عن العمل الشخص الذي يملك شهادة بكالوريوس او ماجستير او دكتوراها ولايجيد اللغة الانجلزية اعتر ان هنالك نقص في حياة التعليمية , بدأت فكرة الدراسة خارج المملكة بعد اجتياز ثمانية اشهر من دورة داخلية بالرياض , حسيت اني احتاج الى ممارسة او بيئة مليئة بالمحادثة , خطرت ببالي نيوزلندا لأن العرب فيها قليل ولكن اذا قلبت حصاة هنالك طلعلي سعودي (اللة يوفقهم ويرجعهم بالسلامة ),
أخترت بعد ذلك مدينة تقع في شرق الجزيلا الشمالية وكانت مدينة جميلة وصغيرة تبعد عن تابو ساعتان بالسيارة اول ما وصلت الى المدينة بعد رحلة عناء سفر دامت 26 ساعة عن طريق الخطوط السنغافورية ,(ترانزيت في سنغفورا وتغير الطيارة في اوكلند) ريحت يومين وبعدها التحقت بالمعهد وسويت اختبار تحديد مستوى حطوني في المستوى المتقدم وبعدها رفضت وقلت ابي ادرس من الانتر ميديا 1 وعدها خلصت الانتر ميديا 2 واوبر انترميديا وبعدها درست الادفانس لمدة شهر وتخرجت الحقيقة كانت تجرية رائعة واستفدة استفادة كبير وفتحت لي افاق كبير في حياتي العملية ولكن الدعوة ما يبيلها بارتيات وحفلات الدعوة يبيلها دراسة وحفظ كلمات واختلاط مع العئلة وحضور نشاطات المعهد وحل واجبات واستماع الى الرادي ومشاهدة قنواتهم وأخبارهم .

المعهد : جداً ممتاز ومهتمين بالطلاب يعني شغل ماهو بزنس بس المشكلة ان النعهد خارج برامج البعثة يعني الي يدرس هناك على حسابة الخاص
العائلة : سكنت مع عائلة مكونة من رجل وأمرأتة لمدة اربع اسابيع بس المشكلة ان العائلة مو فاظية يعني يجون من العمل ساعتين وصكوها نومه يعني مافية practice ممارسة وبعدها غيرت العائلة وسكنت مع عجوز متقاعدة وفاضية وثرثارة وهذا الي ابية ما تروح مكان تاى وأنا نعها وكنت اساعدها في الطبخ وفي التسوق وومساعدتها في الحديقة كل هذا من شان احصل على هدفي حقيقة كانت تقول انت افضل طالب سكنت عندي طبعا كنت مريحة من ناحية الطبخ لأن طاحت في واحد هوايته الطبخ وكنت كريم معها شوي وهم يقدرون المجاني , عندا ثللاث بنات اذا جو من اوكلند كنت اضبط لهم حفلة ما حصلت وكل من شان ال practice والحصول على هدفي

قضاء الاوقات : اجي من المعهد اريح نص ساعة وبعدها مذاكرة وحفظ كلمات وخاصة في البزنس وبعدها احل الواجبات وبعدها اكتب تعبير في اي موظوع , وبعد ذلك اروح للعجوز وافتح معها اي موظوع وهذا كويس لي وكانت تسميني الثرثار Talkative بس للأمانة كانت تعتبرني زي ولدا ولاتبي تروح عند احد او اي مكان الى وأنا نعها وكانت تقول لناس This is my son
اوقات الويكند مع الطلبة كنا نسافر برا وبعدين اول مرو اسافر مع بنات ما أعرفهم (واحد قروي)
الشباب السعودين : الله يهديهم بعظهم طايحين بالبارتيات (كنهم طققاقات كل يوم بعرس ) يوم شفت الوظع كذا ابتعدت عنهم وانتبهت لنفس لأنهم جايين على حساب الحكومة وعندهم وقت كبير , وبعدين خذ نصب فلانة تحبني وفلانة اشرتلي يعني مرة خلو رجالهم الشماحيط وقعدو يأشرولك ياتوم كروز , وفية واحد اذاني بدوي كل شوي طاب علي ترا ذيك تحبني وذيك تلمحلي وذيك ميت فيني المهم قلتلة وش معنى ارنب بالانجليزي قال ما أعرف قلت يا خوي ادرس وعود للبعارينك هناك وخل عنك الحب يافتى المزايين ,وفية طلبة ما غير يتنقل من من عائلة الى عائلة تقل باحث اجتماعي وسئلته قلت ياخوي وراك ما تثبت في مكان وتدرس وتفل كتبك قالي مالقيت عائلة تفهمني (ياااحياتي) واخرتها سكن مع ماوريين وارتاح الطيورعلى .... . وسموني الشايب لأني كلما قابلت احد قلتلها الله الله في الصلاة والدراسة ادرسو لاضيعون وقتكم Must achieve your goal
المهم رحلة لاتنسى بالاظافة الى الطبيعة والانهار الله يعوضنا الجنة اول ماوصلت في مطار الملك خالد اول شي شفتة غبار وخوي مستقبلني وهو متلثم حقيقة تذكرت الجو هناك الله خلق وفرق طبعاً في الجو (اللة سبحانة رزقنا بأهم من ذلك وهي نعمة الاسلام ) أمل اني ما طلت عليكم فقد كنت انقل لكم تجربتي , بعض الناس في المنديات يكتبون وش أخذ وش اشتري وش اجيب وش اكل ,انام على الجنب ذا ولا ذاك اذا وصلت نييوزلندا ,الحياة سهلة وكل شي متوفر هناك بس احفظ الله يحفظك كل شي سهل . اسف على الاطالة
Now I can dealing with people by English language
(تم حذف الإيميل لأن عرضه مخالف لشروط المنتدى)

• نشر عبر تويتر
• نشر عبر فيسبوك
• نشر عبر جوجل