هنا ملتــقى زوجات المبتعثين في نيوزيلندا>> تفضلوا حياكم الله

ياهلا اختي

بالنسبه للرحلة رحلتي نفس رحلتك كانت بس انا من الرياض لدبي لسنغافوره لاوكلاند

الرحله مرررررررررررره طويله وممله مافي خوف على العفش

اي شيء تدخلين فيه الطياره احرصي انه يكون اقل من ١٠٠ ملل (عطورات ، كريمات ، ............) لانهم بيصادرونها قدامك على القمامه اكرمك الله في مطار سنغافوره

الخطوط خدماتها رائعه مقارنه بالباسيفيك الرديئه ، اذا بنتك اقل من سنتين راح يجيبو لك سرير معلق امام مقعدك ويربطون بنتك فيه وترتاحي من حملها طوال الرحله بس احرصي انك تطلبين مكان لانه مو متوفر بكل الطائره بس اللي جالسين في المقعد الامامي لدرجة الضيافه

مايدخلون معاك اي طعام واذا معاك اطعمه فيه تفتيش خاص مو ذاك الزود بالاخير يمشون غالبا اذا التغليف مضبوط (خايفين من التلوث)
بنتك جيبي شتوي وربيعي ترى الصيف على الابواب والربيع النهار ماشي حاله وراح تلاحظين ان النيوزلنديين يمشون مفصخين برمودات وشورتات بس احنا ماتعودنا على البراد
الشيء اللي ندمت اني ما اخذته القهوه العربيه والترامس والفناجين وبيالات الشاي غير كذا كل شيء متوفر
ايضا ندمت اني ماجبت كم غيار سهرات واكسسوارات (ناقصات عقل ودين ) ههههههههههه كثرت سهراتنا صرنا نشتري من نفس نيوزلندا بس بالاخير بعتها وصرت اطلع بالجنز عادي بطلت اتكشخ هههههههه بزعمي عقلت يعني

انا دخلت معاي بخور في شحن الطياره وتسائلو عنه لكن في النهايه مرروه ما رموه لي

الشيء اللي حسيت انه مره مفيد الاطلس الناطق عربي انجلش والعكس انا جبت معاي مليونين كلمه فيه ٧ ملايين احرصو عليه اكثر كل مازاد عدد الكلمات كل ماكان افضل

اي سؤال انا حاضره

بنزل لكم صور قريبا لاوكلاند وكرايست شرش وروتروا (من قدكم بدللكم)

بليييييييييز لا توقف السوااالف مره حلووه

وقاعد نستفيييد ................. يعطيكم العافيه

السلام عليكم
مشكور يانجمة فجر وجزاتس الله خير
طيب بالنسبه لكرايست شيرش فيها اسواق وكيف اسعارهم لاني ناويه اشتري بعض الاغراض من هناك
وماقلتوا لي عن وزن شنطة الطفل 25 كيلو؟؟؟

اهلين اعتقد ان الوزن نفسه نسيت والله لان انا كان معي ولدي عمره سنه و8 شهور
بنسبه للسواق هنا فيه مجمع الركتون <<<<<<<نصفه سعوديين
ومجمع نورثلاند <<<<<<<اكبر مجمع ونصف حلو يعني دفعات
ومجمع بلامز مدري باز وسط
هذا الى اعرفه وفيه محلات متفرقه

بالنسبه للاملابس الصيفيه ايه جيبي معك لانن الحين صيف يعني الصبح نلبس صيف وفي الليل شتاء جوهم جدا متقلب وبس للمعلوميه فيه هنا بس عن نفسي وكثير من البنات ملابسهم خايسه وغاليه او وسط وغاليه جدا تخيلي شفت تنوره حلوه سوادء وتقريبا راقيه شوي تخيلي سعره بعد التخفيض ب550 دوالار يعني فوق الف ريال سعودي

خلاصة الكلام هنا كل شي تبي تلقينه بس مو مضبوط وغالي يعني يمشي الحال بس
مثل الترامس فيه هنا محل اسمه بلاس يبيع اي شي بلاستك وفيه ترامس قهوه بس خياس وغاليه جدا
يعني عن نفسي جايبه معي من السعوديه بس في رمضان اشتريت ترمس منهم زياده ب35 دوالار يعني بحددود 100 ريال بس والله كانهن الى بعشره عندنا تبرد والغطاء من اول استخدام طار
حاولي انتي تجيبين كل ماخف وزنه مثل السكافات <<الحجابات>>>هنا جدا غاليه عادي ب15 20
دوالار ودبليه يكون بريال وفي سعوديه يجيبك بقيمة2 وزود
فناجيل الشاي والقهوه مافيه ابدا ابدا القهوه صار فيه وتقدرين تشترينه وتحمسينه على الوان الى تحبين
اهم شي وضرررررررررررررررروري النظاره الشمسيه وجيبي معك احتياط هنا جدا جدا غاليات وشمسهم حاره يعني زوجك لازم يجيب معه والله مايشوف الطريق الشمس جدا قريبه
النقاب الى تقولين ماتعودت عليه جيبيه معك يمكن تحتاجينه وخصوصا انه يجي مجانا مع العبايه
احس اني طولت عليكم
اي استفسار انا حاظره

فله سواليفكم لوووول

السلام عليكم
جزاتس الله خير ختي على هالنصايح
بالنسبه للنظارات انا فصلت نظارات ترانسيشن اللي لشمس وضعف النظر وللكمبيوتر بعد
وان شاء الله تكفي . اما بالنسبه للترامس والبيالات ناويه اخلي اهل يشحنونهن لي باذن الله
حبيت اسالكم عن اسعار البطانيات والمفارش هناك سمعت انهن غاليات مره ويوصلن 400 صحيح؟؟

اولا : تغطن ياحرييييييم اشوف الرجال بدو يدخلون عندنا لاحوووووووووول مافي حرية للمرأه

ثانيا بالنسبه لاسعار البطاطين اشاعااااااااااااات * اشاعااااااااااااااااااات
انا شاريه بطانيتين الشتاء اللي فات وحده ب ٤٠ دولار والثانيه ب ٦٠ دولار يعني رخيصه وحلوه بعد وثقيله وحده ذهبيه والثانيه سوداء

السلام عليكم
مره ثانيه وعاشره اشكر الاخت نجمة فجر ووالاخت سكريه على معلوماتهم اللي خدمتني بشكل كبير بصراحه
الله يريحتس ريحتيني بالنسبه للبطانيات
عندي سؤال بالنسبه لسرير الطفل وش رايكم اخذ المحبس اللي موجود عن مذركير اللي يصير سرير سفر ويصفط والا اشري من هناك لان خايفه من الاسعار صراحه
والسؤال الثاني كيف اسعار الاثاث واغراض المطبخ غاليه والا مثل عندنا؟؟

لالا المحبس رخيص انا شريته لولدي ب80 بعد التخفيض

والله يا حبيبتي شريت طقم صيني ٤ اطباق شوربه و٤ اطباق مسطحه و٤ اطباق ايدام وطبق سلطة و ٤ اكواب كامل ب ٢٤ دولار
وشريت قدر تيفال ب ٢٥ دولار وشريت( قدر ضغط ب ١٤٠ دولار هذا اغلى شيء)

كل شيء مقدور عليه ترى مافي اسعار خياليه
وانا شريت عربية اولادي ب ١١٨٠ دولار دبل لقيتها بمذر كير ٢٤٢٥ ريال ومي دبل يعني من نيوزلندا كانت ارخص
ملحقاتها في نيوزلندا : سرير طفل + شمسيه + مظلة مطر+ وكرسي اضافي
في مذركير العربية فقط بلا ملحقات ٢٤٥٢ ريال
وسعي صدرك اختي ترى الامور طيبه
اغلى شيء اجارات البيوت ومع ذلك الراتب مغطي يعني تقريبا ثلث الراتب يروح اجار بيت