هنا ملتــقى زوجات المبتعثين في نيوزيلندا>> تفضلوا حياكم الله
هنا ملتــقى زوجات المبتعثين في نيوزيلندا>> تفضلوا حياكم الله
تنبيه: هذا الموضوع قديم. تم طرحه قبل 5937 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
LinkBack URL
About LinkBacks-
7 " - هلا اختي بنت ابوها7 "
شوفي اسيا فود اللي في شارع salisbury street ١٨٠ سوق كبير وفيه انواع رز ماتخطر على بالك وبهارات هنديه وقدور ضغط وعندهم زيوت شعر حتى زيت دابر املاء والترشوب فيها وزيوت هنديه رائعه جربيها وادعي لي - مرحبا ياحلوات...7 "
بصراحة الموضوع رووووووووووووعة صحيح انا مني متزوجة لكن بدخل معاكم بما اني مبتعثة باذن الله في المرحلة الرابعة وان شاء الله رح اكون في اوكلند عما قريب <<<< متفااااااااائلة ههههههه
بصراحة انا محتارة من ناحية الحجاب نفسي البس نقابي زي في السعودية بس اللي اسمعه انه بعضهم يخاف من المنقبات والمتغطيات وبكذا محد رح يكلمني وما رح اتعلم اللغة ففكرت اني اتحجب والبس نظارة شمسية ها وش رايكم؟؟!! - نجمه الفجر الله يسعدك دنيا واخره7 "
شفت ردك الصباح وطلعت الظهر للمحل
حلو وفيه شغلات كثيره وابشرك اخذت كريم فاتيكا وان شاء الله انه يكون زين
فراوله حمرا
هلا وغلا توصلين بالسلامه يارب وان شاء الله تتسهل كل امورك
بالنسبه للحجاب والغطا
شوفي انت وش ترتاحي له
اما بالنسبه للتواصل وان محد راح يكلمك صراحه ما مريت بهالشي لاني زي ماقلت
متحجبه ومو متغطيه
واخذ راحتي بالسوالف مع الحريم خصوصا العجايز حليلهن
اول من يبدي بالكلام النيوزلدنديين بصراحه
اول حاجه يبتسمون ويقولن لك (hello-hi)
هنا انتي ردي وحاولي تخشي في السوالف ومشي حالك معهن
اهم شي ما تستحين تسولفين وترا محد راح يضحك على لغتك البسيطه
لانهم عارفين ان الانجليش ماهي لغتك الاصليه والاجانب بطبيعتهم متفهمين هالشي
في انتظار سكريه والخبر اليقين عن القهوه *_^
بنت ابوي
CU - 7 "اهلييييييييين يابنااات... ماشاء الله الصفحات طاارت بسرعه ..ايه خلووكم كذااا ..بصراحه معلوماات حلوه
اختي ياحبي لامي وظربة عصاها <<ياطوله
بخصوص الوزن المسموح فيه للطفل, انا دخلت على موقع الخطوط السنقافوريه ولقيت كاتبين انو الدرجه السياحيه للطفل سنتين واكبر له نفس البالغ وهم محددين 20 كيلو بس اتوقع انو عشان الموقع لكن في المطار يمشونكم على 25 كيلو..لكن بالنسبه للرضيع اللي اقل من سنتين له 10 كيلو بس.. طبعا العربيه او الحاجه اللي تشيلين فيها الطفل ماندخل في الوزن يعني عادي تسوين لها تشك ان بدون مايوزنوها..كذا كاتبين في الموقع.
بالنسبه للاشياء اللي احسها مهمه انك تجيبيها معك...التمر والقهوه والهيل والفناجيل <<يخرب المزاج من دونهم ..بالنسبه للاكل فعلى حسب اذا كنتي بتشحنيهم فاحس احسن لان اذا اخذتيهم معاك في الشنطه راح تظطري تنتظري على بال مايفتشون الشنطه وشوفوني اذا الاشياء مسموحه فيها والا لا..عاد تعرفين الواحد بيكون ماله خلق مرمطه...ولازم اي مواد غذائيه راح تجيبها لازم تكون معلبه وعليها تاريخ انتاج وانتهاء ..غير كذا راح ياخذونها ..لان عندهم قوانين صارمه من هالناحيه عشان البيئه وبتلاحظين لوحات مكتوب عليها MAF اللي هي وزاره الزراعه
الاشياء اللي جبتها معي لما رجعت السعوديه..اخذت معاي زعتر لاني حست هنا ادور حاجه كويسه مالقيت, لقيت انواع بس مو مره زينه....وجبت عود...هذا بالنسبه لي
فيه بنات يجيبون معاهم مره وحلبه وهالاشياء لانو مافيه هنا ..لكن انا مااستخدمها فماجبت..بس حاولي تكون قليله عشان ماياخذوها منك.
وبالنسبه لادويه..اذا كنتي تاخذي حبوب منع حمل جبيها معاك لانها اغلى مقارنه بالسعوديه يعني حبوب ياسمين مثلا ب 20 دولار حق شهر واحد..واهم حاجه جيبي معاك وصفه طبيه من دكتورتك عشان تشتري الحبوب من الصدليه لانه مايرضوا يعطوك بدونها...لاني انا اول ماجيت لاوكلند مانسبتني الحبوب اللي كنت استخدمها ..ورحت لدكتوره هنا عشان تعطيني وصفه طبيه عشان اغير الحبوب.. وراح تكتب لك انو تصرف لك بشكل متكرر بحيث ماتظطرين تروحين لدكتور كل مره...
وياليت البنات يفيدونا بهذا الموضوع
واللي عندها مرض مزمن او اي شي يستدعي انك تاخذي علاج خلي معاك وصفه طبيه تحسبا لو احتجتي الدواء وتبغي تشتريه من الصيدله.
وبالنسبه للملابس انا لاحظت انو غاليه وجودتها مو مره كويسه...يعني مثلا تشتري جينز ب 100 دولار يعني تقريبا 250 ريال ومن اول غسله يتغير....اهم شي يجيب الواحد معاه كم جاكيت عشان البرد وجزم مريحه لان بيكون اغلب وقتكم مشي بالذات اذا كنتوا ساكنين في الداون تاون ..
ومحوّلات لافياش الاجهزه لان مدخل الفيش هنا غير ..بحاول اصوره اوريكم صورته..
وزي ماقالوا البنات ترامس الشاهي والقهوه هنا مره رديئه الافضل الواحد يجييب معاه..
اذا تذكرت حاجه رجعت......
بباي
- بنت ابوي .. مشكورة على ردك واحاول اسولف مع الناس مع اني خجولة بس اكيد تعلم اللغة ما يبالها خجل.7 "
بالتوفييييييييييييييييييييييييق للجميييييييييييييييييييييييييييع - مرحبا خواتي عدرا على الدخول بس السوالف مرة حلوةةةةةةة وحبيت اشارك فيها انا انشالله ناوية ادرس على حسابي الخاص وبعدين احول للبعثة ادا الله راد واخترت ان تكون وجهتي كرايست شيرج بس الى الان ماحددت المعهد لاني محتارة بين معهد خاص او تبع جامعة لاني متخرجة ادب انجليزي وحابة ادرس في معهد مستواه راقي طبعا انا معي زوجي وولدي ومحتارة في شي بس لاتضحكون اانا ولدي يحب شي اسمه حليب فراولة وحليب موز وموعارفة اقدر اجيب له لو لا وهل عندهم موجودهناك وا خاصة انهم مشددين في موضوع الاكل وانا بقعد حاليا بس شهرين ومو عارفة كمان اسكن في شقة او مع عائلة لاني ابغى اتكلم لاني مرة خجولة في المحادثة وحابة ارز وجهي عند عائلة عشان اتعود وخصوصا لو عندهم بنات بس احنا 3 افراد يمكن مانرتاح مع عائلة وانتو شرايكم يا بنات في كلامي واسفة على طول الكلام7 "
- فراوله حمرا7 "
جميعا خيتوه
هلا بك ريم حسن وان شاء الله توصلون بالسلامه
مشكلتك نفس مشكلتي مع عيالي
مايشربون الا حليب الفراوله واحيان تصير ازمه وحاليا كلهم مضربين عن الحليب بكل انواعه
بالنسبه للحليب فيه هنا وكل الاحجام تقريبا بس انا ما جربته للحين
واما على انك بتجيبي اكل انا الي اعرفه انه ما تدخلين شي مفتوح
واذا مقفل مو مشكله<< يمكن معلوماتي غلط
بس يوم الي وصلنا سألونا وش عندكم من اكل قلنا حلاوه وشوكلا قال الي ماسك اوراقنا اوكي وعدينا
واذا انتي اذا مره خايفه ما تلاقين الي يعجبك
حطي بكل شنطه كم حبه ع الاقل لين تلاقين بديل وان عدت خير وبركه ماعدت نصيبكم كذا << خير
ان شاء الله البقيه يفيدونك
CU - السلام عليكم7 "
كل عام وانتم بخير
اشتقت لكم واعذروني على الغيبه
ماشاء الله اشيد بهالتعاون الله يوفقكم
كيف عيد نيوزلندا وخاصة اوكلاند ؟؟
حبيباتي ..
انا بسأل عن وزن الشنطه طبعا قالوا لي 25 كيلوا بس بس انا عروسه وتعرفون اغراضي واجد مادري كيف اسوي
يعني يبغالي ملابس بيت وجزم وشنط وادوات ومكياج وعطورات وملابس للبرد يعني كثير مره ماراح يكفي 25 كيلوا بس
بنــــــــات اوكلاند
على شهر 1 كيف يكون الجو
يعني وش تكون ملابسي
اجيب بالطوا شتوي ثقيل ولا مايحتاج
comme il faut مشكوووره ياقلبي على ردودك افدتيني كثير الله يسعدك..
نجمة فجر مشكوره على معلوماتك الحلوه يعطيك العافيه
- 7 "مرحبا بناات..صورت لكم شكل الفيش
وعليكم السلام اختي قلب صافي من زمااان عنك..عيدك مبارك بعد الزحمه
بالنسبه للوزن ..اسألي مجرب انا كنت نفس حالتك وزياده ماكنتاعرف عن سالفه الوزن ..وتخيلي وصلنا المطار وانا عفشي يجي ميه كيلومن زود الدهره فماكان فيه الا حل واحد اني اخلي اهلي ياخذوا الشنطالزايده ويشحنوه لي وفكني ربي اني كنت مجهزه شنطه فيها اغلب الاشياء
اللي بحتاجها.. بس والله عانيت على بال موصلتني شناطي...تقريبا اخذت ثلاث اسابيع...وانيت احسن لك روحي لمطتب الطيار وقولي لهم انو تبغي شحن جوي والافضل يكون على الخطوط الامارتيه لانها اسرع لاني جربتهم مره ثانيه واخذت بس عشره ايام...تقريبا من 45 الى 100 كيلويحسب لك الكيلو ب 11ريال يعني لو مثلا 60 كيلو بيطلع لك660 ريال يعني حلو المبلغ....وافضل حل انو ترسلين اغراضك قبل موعد سفركم بكم باسبوعين
او اكثر على حسب المده اللي يقولكم عليها المكتب بحيث لما توصلون لوكلاندبالسلامه على طوول تمرون مكتب الشحن اللي موجود في المطار وتاخذياغراضك..وهذي الطريقه جربته لما رجعت السعوديه زياره وشحنت اغراض ولما وصلت هنا كانت الاشياء واصله وعلى طول زوجي خلص
الاوراق واخذناها معانا .
بالنسبه للجو في جانيوري ..راح يكون صيف .جيبي معاك اشياء خفيفه وبارده لان شمسهم حاااره مررره...وراح يكون عز صيفهم...بيدا يبرد الجو تقريبا في نهايه ابريل وبدايه ماي بس مارح يكون بارد مرره يمكن بس في الليل راح تحتاجين حاجه دافيه..والشتاء يدخل في جون..طبعا هذا بالنسبه لاوكلاند والجزيره الشماليه بشكل عام..بس ماادري عن كرايست تشرتش والجزيره الجنوبيه ياليت البنات يفيدونا
مرحبا اختي ريما...بالنسبه لمعاهد كرايست تشرتش والله مااعرف...
لكن بالنسبه للحليب بنكاهات موجود هنا لاتشيلين هم..واذا اولادك
يبغوا نوع معين عادي جيبي معاك ولما توصلي للمطار قولي لهم انو
معاك حليب مارح يقولوا شي مادام انو معلب وفيه تاريخ انتهاء....بس لازم تحرصوا بنات تكتبوا في الفورم اللي تعبوه في المطار انو معاكم اكل في الشنط
..لان لو ماكتبتوا وفتشوا ولقوا معاكم راح يغرموكم مبلغ كبير ياليت تنتبهوا للمعلومه هذي.
وبالنسبه للسكن مع عائله اذكر زوجي مره قالي انو صاحبه هنا في اوكلاند
متزوج وهو زوجته ساكنين مع عائله وعلى كلامه يقول لهم غرفه وحمام
وصايره زي الجناح معزول شوي يعني فيه خصوصيه لهم ..وانو متى ماحبوا
نزلوا عند العائله وكذا..من كلامه مبين انو كانوا مرتاحين على الوضع لكن ماادري والله.
تشاو
شلونكم كلكم
وكل عام وانت بخير ولو انها متاخره بس ماعليه
انا بكريست تشيرش وصار لي شهرين وشوي متزوجه طبعا ومرافقه زوجي ومعي عيالي
متحجبه ومو مغطيه وكثير التقيت بنات متنقبات ولاثمات ومحد يطالع فيهن ولا يعلق حتى
بصراحه كثيررررر اشياء تندمت اني ما جبتها ولا لاقيه لها بديل
وزوجي بصراحه ما خلاني اجيب شي معي غير الملابس
يعني
مو لاقيه كريم شعر مثل العالم وشعري بدا ينتهي ويطيح كله
ومويتهم هنا مدري وش بلاها دماااااار ولا انا غلطانه؟
بغيت اسئلك سكريه <<< اخذت عليها ع طول
بالنسبه للقهوه وين تلاقيها ؟
لاني مو لاقيه باي محل
عندي فناجين وعندي قهوه من عند وحده متعرفه عليها الله يجزاها خير
بس قليله وقريب تخلص
وترمس شريت من باي لس زين مابه شي
سموحه ردي ع السريع
بس ان شاء الله لي عوده بالمزيد<<< فكينا
Cu