الاكل الحلال (انتبه اخوي اختي منه هني)

October 17th, 2008, 06:19 PM

مرحبا ...

بصراحه هاليومين احس المنتدى حيل حيل بارد ...
وانا بجد طفشانه ومقفله معاي القعده بهالديره
وبجد قفلت معاي اكثر بقرب رمضان ...

اول شي كل عام وانتو بخير وصحة وسلامه ...

كلنا نحب الأكل اكيد ...
بس من جيت هنا وانا احس اني جوعانه ...صايره ما اشبع ...مو لاني ما آكل ...الحمد لله عالنعمه بس حاسه اني ما استلذ بالاكل ...ولذا آكل كثير ...<<<وزنها زاد

المهم ...
كثير مرات نقعد نلف نلف ندور مطعم حلال ناكل منه ...ساعات لان احنا جوعانين
وساعات لمجرد الطلعه والانبساط <<مقطعه مطاعم السعوديه

صارت لي مواقف كثيره خلتني اكره الاكل ...واكره هالديره بجد ...

منها ...
مره كنا نبي نروح مطعم واتصلنا لمطعم هندي اسمه مايا ... ولما وصلنا التاكسي الهندي قال لنا هذول هندوس واكلهم مو حلال ...رغم انهم ياكدون انهم حلال ويقولون كثير مسلمين يجوهم بس ماعندهم شهاده ...

موقف ثاني ...مطعم هندي اسمه اسمه بسم الله ...رحت له البارح بعد البحث لقيته شبه بوفيه وصرصور صغير يمشي قريب الاكل ...الحمد لله عالنعمه ....

مطعم تركي بمجمع السيتي ماركت ...مقابل معهد انسيرش ...يقول انه حلال ...ولقيته مره يبيع خنزير اقول له حلال ..قال ماعدا هذا ..

مطعم هندي اسمه تندور بالس ...وانا اطالع المينيو ...لقيت طبخه مطبوخه بنبيذ ...ولما سالنا الجرسونه تقول اللحم حلال ...رغم انه عندهم شهاده ...يعني يعطونهم الشهادات لمجرد ذبح اسلامي وعادي يطبخون بزيت حيواني مثلا او بنبيذ ....

غير كذا ناندوز ....بعض فروعهم يطبخون خنزير ...

كافيه مره رحته طلبت ساندويش بجبنه ....اتفاجات انه شال الخنزير اللي بنفس السندويشه وترك الجبنه ...وزين شكينا بهالشي وسالناه واكد هالشي ....قبل ما ناكلها ...ونستمتع ببقايا الخنزير

مطعم لبناني ...يبيعون فيه عرب ...ودخلت بثقه ولما سالته ...حلال ...قال لا ...بجد انصدمت ...يعني مو كل مطعم عربي تفتكرونه حلال ...انتبهو ...

البارح قريت بموقع ان حتى شيبس سميث مو حلال لانهم يحطون فيه انزيمات مستخلصه من الخنزير ...<<<واحنا الله يخلف مطيحين فيه...

وكثير مخابز ..يعني حتى الخبز يستخدمون مواد حافظه مستخلصه من الخنزير ....

بصراحه صرت اشك بكل شي آكله ...

اللي ابي اقوله ...
بغض النظر عن الناحيه الشرعيه ...كلنا نعرف ان احنا مفروض ندقق وما ناكل هالشي لانه حرام شرعا ً...
بالاضافه ...هالاشياء غير صحيه ....
والتحريم ما جا من فراغ ....يعني شوفو اشكثر احنا نفسياتنا تقفل ...واخلاقنا تنعفس ...ترى هذا تاثير الكل وطبيعته علينا ....

المهم يا جماعه الهدف من الموضوع توعية البعض ....
لاني سمعت كثير ناس ما يهتمون
وشفت ناس يقولو سمو على الاكل ويصير حلال ...
حتى كذا مره اشوف جماعه سعودين قاعدين بمطاعم اعرف انها مو حلال ...

للموضوع بقية ...
بذكر بعض المطاعم الحلال ...
وبعض المواد والاكواد اللي مفروض ننتبه لها
والموضوع منقول للامانه يالغالي او يالغاليه الله وياكم

• نشر عبر تويتر
• نشر عبر فيسبوك
• نشر عبر جوجل