// مسافر إلى نيوزيلندا وتريد أن تعرف ما نوع ومتطلبات الفيزة التي تحتاجها .. تفضل //

يانك تقدم على فيزه كل سنتين وبالطريقه هذه ماراح يطلبون منك بصمات
يعني نزل المده ماهو لازم 3 سنوات
تقدر سنتين وبعد ماتخلص تجددها بكل سهوله.

او

الله يعينك توصي احد من السعوديه يروح مثلا لقسم الشرطه حق منطقتكم ويدبر خطاب مثلا
او احد يروح للعمده حق الحاره ويطلب شهادة حسن سيره مثلا
او انك تروح بنفسك وهذا خيار اشوف انه صعب شوي

اخوي الماسي السلام عليكم

انا فهمت من كلامك ان الواحد بدل ماينتظر الفيزا لغه ولا دراسه في السعوديه شهر ولا ثلاثة شهور يجي للدوله وخلال دراسته يقدم على تحويلها الى فيزة طالب سنه ولا خمس يعني يستفيد من وقته

وصراحه تفاجأة ان دخولنا نيوزلندا مو معقد وسهل ماعدى كلامك عن الفيزا من داخل السعوديه مبالغ فيه شوي شهر الى ثلاثه لأن السفاره البريطانيه في عز الصيف اخذت فيزة طالب لمدة 6 شهور في يومين بس

لكن تبقى نيوزلندا اسهل بحكم قص التذكره وسافر

تحياتي لك

وعليكم السلام

بالضبط اخوي هذا ما اعنيه
إلا اذا كان الطلاب يريد ان يرتاح من الفيزة في السعوديه ويأتي وهو جاهز فهذا موضوع اخر.

لا تتفاجأ عزيزي .. نيوزيلندا بلد نظيف ولم يتأثر بالاحداث التي عصفت بالعالم ولم يمشي على نهج بعض الدول المقلدة.

كيف مبالغ اخوي ؟
انا فيزتي مطلعها من السعودية لمدة 5 سنوات قبل سنتين تقريبا واخذت مني شهر كامل.
واسمع طلاب كثير هنا تتأخر فيزهم لمدة 4 شهور.
فلا يوجد مبالغه عزيزي من هذه الناحية.
والتأخير ليس تعقيدا من السفاره النيوزيلندية بل هو بحكم بعد المسافه ونقص بعض الطلبات
اخوي حط في بالك ان اوراقك ترسل إلى دبي وتاخذ يومين هناك وبعدين تروح لتايلند وتأخذ 4 او 5 ايام علشان تاصل ونفس الشي في العوده.

اما عن سفارة بريطانيا فهذا رقم قياسي صراحه .. يومين بس!!

تحياتي لك

هلا اخوي الماسي اشكرك على الرد
خاني التعبير لأني كنت مستعجل
انا قصدت مبالغ فيه مو بالنسبه لك اقصد بالنسبه لهم هم كيف مسهلين دخولنا لبلدهم سياحيا او دراسة لغه لحد ال3 شهور ومعقدين الفيزا من داخل المملكه لمن اراد اكثر من 3 شهور دراسه طبعا

وبريطانيا للمعلوميه كانت قبل سنه قبل لايكون اجباري التصوير والتبصيم وهو امر بسيط يعني لازم حضورك كانت عن طريق اي مكتب ويجيبها لك بنفس اليوم لكن حدثت تغييرات جديده وحاليا ببداية السنه ايضا فيه تغييرات

تحياتي لك

اعذرني على فهمي الخاطئ
نعم قد يكون مبالغ فيه ولكن السبب يعود في انه مكتب واحد في تايلند ترسل له تقريبا كل دول الخليج وشرق اسيا وجنوبها

اما في نيوزيلندا فهناك مكاتب موزعه وموظفين اكثر فلهذا السبب تأخذ وقت اقل

تحياتي

بيض الله وجهك كفو والله لي شهرين ونا ادور على هل معلومات هذي

تكفى يا ذيب ممكن اسأله خفيفه على موضوع الفيزا من النوع هذا :

في حالة جاي بفيزة سياحة او لغة وتبغى تحول فيزتك إلى فيزة طالب لمدة 3 شهور علشان تقدم على الملحقية وتحصل على بعثه ماعليك سوى التوجه إلى مسؤول الفيزة في معهدك ومعك الاوراق التالية:

مشكور أخوي الماسي وأنا كمان عندي استفسار.

أنا طلعت فيزة زائر من السعودي طبعا ارسلت الكشف الطبي والبصمات إلى تايلند,

هل أحتاج إلى كشف طبي جديد وبصمات و كشف حساب في حالة طلبي لفيزة مدة سنه

طبعا انا عندي ضمان مالي من الملحقيه وقبول لغة فقط؟؟

تحياتي

على فكره حبيب اذا تقدر تخلي معك صوره من البصمات الي ارسلتها يكون احسن

اخوي الماسي الله يجزاك عن كل طالب بيبتعث الى نيوزيلندا وانا اولهم قيراط من الثواب والاجر
انا عندي سؤال واحد ومافيه غيره
لازم قبول جامعة وقبول لغة عشان اطلع الفيزا وارتاح منها وانا بالسعودية وفرضا إن الجامعة ماتطلع قبول مشروط وش السواه
وفيه ملاحظة صغيرة إذا ماجبت درجة الايلتس والمهلة انتهت تقبلني الجامعة مع اني حاطط في بالي اخذ معهد للتحدث والكتابة هنا بالسعودية وهل الجامعات اللي بنيوزيلندا تقبل اللي معدلاتهم جيد مثل حالتي؟