مصاريف رحلتك إلى نيوزلندا من وإلى

هذا موقع جداً رائع لقيته ما ادري اذا حطيته او لأ قبل كدا لكن يفيد ويعطي صورة عامة عن المصاريف في نيوزلندا

اتمنى انه الجميع يستفيدوا منه

Compare living costs - living in NZ | Immigration New Zealand

تحياتي

الله يسعدك عالمجهود الجبار
عزيزي انا رحلتي على نيوزيلندا ١/٨/٢٠١٤ بإذن الله
ومخلص ولله الحمد كل اموري بس عندي استفسار بسيط مدة الفيزا ٦ شهور فيزا دراسيه طبعا راح منها مايقارب شهر ونصف على بال ما اخلص اوراقي من السعوديه

سؤالي اقدر امدد فالفيزا من نيوزيلندا او لا واذا ممكن قبل نهايتها بكم تقريبا

سؤالي الثاني انا جبت قبول على تخصص اداره دوليه ماستر مع انو تخرجي فالبكالوريوس اداره صحيه وسمعت من الشباب انو فيه جامعات في نيوزيلندا تدي ماستر اداره صحيه ودا الي اتمناه لهوايتي لهذا المجال

سؤالي اقدر اغير لجامعه اخرى يوجد بها هالتخصص بعد قبولي ان شاءالله بالبعثه
ولا لازم قبل اذا التحقت بالبعثه مااقدر اغير



شاكرلك عزيزي ومقدر لك


( تمت المشاركة باستخدام تطبيق مبتعث )

اهلاً وسهلاً فيك اخوي ويا رب تتيسر لك ..

بالنسبة لاستفسارك فنعم تقدر تمدد الفيزا من نيوزلندا والافضل انه قبل ما تنتهي الفيزا بشهر تطلب تمديدها عن طريق المعهد او عن طريق الجوازات النيوزلندية ..

بالنسبة للسؤال الثاني .. الجواب هو ايوا تقدر تغير تخصص من تخصص ادنى لتخصص اعلى ولكن ما في احد يقدر يجزم لك بانه الوزارة حتقبل تغيير التخصص ولكن

اللي حدث مع ناس كثير انه غيرتلهم التخصص لو كان مثل ما قلت لك .. ادارة لهندسة او تخصص ادنى لتخصص اعلى .

بالنسبة لتغيير الجامعة ما فيها مشكلة إلى الآن اعرف كثير غيروا جامعات وما اتوقع انه الملحقية بتعقد هالموضوع لك ..

الله يوفقك

تحياتي

الله يجزاك الجنه
اجابه شافيه وكافيه


( تمت المشاركة باستخدام تطبيق مبتعث )

يا اخوان تكفون ابي مساعدتكم انا الحين في نيوزيلندا وابي اسحب مبلغ كبير من حسابي الي فالسعوديه والا احوله على اخوي والا اشوفله طريقه
مع العلم ان حسابي سامبا
الله يسعدكم ويوفقكم

السلام عليكم ورحمة الله وبركاته
اخوي عمر الفطيسي أنا ما اعرف عن موضوع السحب من نيوزلندا
لاكن بخصوص التحويل من السعودية تقدر تحول المبلغ على اخوك اخوك يحوله لك وتستلم بنفس اليوم مع العلم ان فية مبلغ محدد للحوالة اليومية
وهذه الخدمة اسمها الويسترينيون موجوده في بنك انجاز للحولات اللي هو تبع بنك البلاد وكمان في سبيد كاش اللي هو تبع سامبا
ولازم يكون اسمك بالحوالة بنفس اسمك بالجواز ولا انصحك اخوي الحوالة اللي هي على حسابك البنكي النيوزلندي لان على حسب علمي
ان الحوالة من السعودية على البنوك النيوزلندية دايركت مافي الا لازم عن طريق امريكا وتأخذ وقت وممكن ماتوصلك وترجع للسعودية مرة ثانية
يالليت أكون افدتك ولو في حل غير هذا ياليت الشباب يفيدوك

شكرا جزيلا على مرورك يالغالي
من ناحية التحويل من السعوديه الى هنا سهل عن طريق انجاز كذا مره حولت
لاكن سؤالي انا عندي مبلغ في حسابي السعودي سامبا وابي اسحبه هنا اذا فيه طريقه وكم رسوم السحب من الصرافات الي هنا او احوله على اخوي فالسعوديه عن طريق الاين بس ماني عارف اش الطريقه.
صراحه فكرت ارسل بطاقه الصراف ل اخوي فالسعوديه عن طريق اي بريد بس ماني عارف كم يوم عشان توصل وكم الرسوم

ياليت تفيدوني الله يرضى عليكم

يعني بحوله من سامبا ل سامبا او من سامبا للراجحي زي كذا

لا اخوي يحول من البنوك اللي ذكرتها أنا قبل الى المدينة اللي انت موجود فيها في نيوزيلندا حوالة باسمك ورقم جوالك بدون رقم حساب اسمها حوالة سريعة
بعد ما يعمل الحوالة يطلع رقم خاص بالحوالة يرسلك الرقم وتستلم بموجب رقم الحوالة وجوازك

يا اخي العزيز انا ما ابي احول ل نيوزيلندا
انابا احول من حسابي السعودي سامبا لحساب اخوي السعودي سامبا او لاي بنك اخر فالسعوديه
عن طريق المباشر بس ماني عارف كيف
يعني كل البنوك فالسعوديه المحول والحول له