مصاريف رحلتك إلى نيوزلندا من وإلى

ممكن مساعده بالنسبه لدراسة دكتوراة حاسب ما هي افضل الجامعات و هل ممكن العمل و الدراسه

يا هلا وغلا أخوي ..

بالنسبة لسؤالك واستفسارك على العين والراس والله بس ما عندي معلومات كثيرة ..

أول شي عندك هذه رابط الجامعات المعتمدة في نيوزلندا واللي تعطي مرحلة الدكتوراة ..

http://www.sacm.org.nz/about-newzeland/education-system/universities

ثاني شي هذا رابط مكتب قبولات يجيبلك قبولات ببلاش والاخوان متساعدين وكويسين مرررره ..

http://www.globalstudent.co.nz/

بالتوفيق يا قلبي

جزاك الله خيرا

وربي يجعلو في ميزام حسناتكـ ..~

تسلمي اختي على المرور وان شاء الله يكون الموضوع فادك كثير

شكرا على طرح الموضوع الاكثر من مفييد


بالنسبه لمجموع بالشهر مااتشوف انه جدا واجد !! مبلغ كبير 10 الاف شهريا .. طيب كيف الاغلب يقول انه 19 الف لمده ثلاثه شهور ؟!


انا مخطط اطلع بشهر رمضان ان شاء الله .. بس المبلغ اللي ذكرته جداا عالي علي .. انا حاب اطلع لغه كم شهر واذا مشى الوضع اكمل .. للعلم انا الانجلش عندي جيدهبس تحتاج معهد كم شهر وافكر بالسكن لوحدي بس مو شرط ممكن عائله .. بس المجموع اللي حطيته للمصاريف خلتني اعييد التفكير ولخبطت حساباتي كلها

يا هلا وغلا اخوي ..

نقطة جداً جيدة والله يمكن انا ما وضحتها بشكل جيد فأعذرني ..

انا حاط سعر المعهد ( 350 ) دولار في الاسبوع وسعر العائلة ( 220 ) تقريباً ..

انا حاط السعر المتوسط بالنسبة للمعاهد طبعاً في معاهد فوق الـ 400 دولار .. وفي معاهد تقريباً بـ 165 دولار ..

وأغلب المعاهد اللي معترف فيها من الملحقية اسعارهم مثل كدا غير معهد واحد على ما أظن ..

والعوائل نفس الفكرة .. في عوائل تقريباً بـ 170 دولار في الاسبوع ..

لكن انا باتكلم غالباً عن المتوسط .. ممكن انت جاي وعندك لغة ما شاء الله وتبغى شي يمشي حالك بس الين ما تجيك البعثة ..

ودا شي مره كويس للناس اللي عندهم لغة انهم يسووه ..

لكن صدقني انا حاط الاسعار زي ما تقول على المتوسط الرخيص لأني ما حطيت في الحسبة اشياء كثير ممكن تتعوض بالمتوسط اللي حاطه ..

مثل الرسوم الإدارية حقت المعهد .. أو حتى الوجبات انا حاط 10 دولار في اليوم وهي ارخص الوجبات اللي ممكن تاخذها يعني ممكن يوم الواحد يشتهي

ياكل برياني هنا جيد مع بيبسي وسعره 17 دولار تقريباً ..

يعطيك العافية يا قلبي وان شاء الله أكون أفدتك وأي سؤال انا في الخدمة ..

ما شاء الله معلومات قيمة مشكور ما قصرت

يا ريت تحطون لنا موضوع عن العمل في نيوزيلندا عشان ندرس على حسابنا

يعطيك العافية والله .. بالنسبة لموضوع الشغل ما عندي فكرة كبيرة ولكن الطالب يقدر يشتغل 20 ساعة اسبوعياً والحد الأدنى للأجور هو 13 دولار بالساعة ..

بعد ما تخصم الضرائب حيصفالك في حدود 10 دولار فما اتوقع انك تقدر تشتغل وتدرس بدي الفلوس إلا لو لقيت شغل يديك فوق ال 20 دولار في الساعة فممكن

انك تجيب حق المعيشة أما بالنسبة للدراسة فمصاريفها غالية بنيوزلندا جداً ..

هذا اللي اقدر افيدك فيه ..

بالتوفيق يا رب

جزاك الله خير

أخوي إنت ما تعرف حد يشتغل ويدرس لأن في واحد خبرني إن في طلاب كثر يشتغلون ويدرسون على حسابهم إن كان في نيوزيلندا ولا في الدول الثانية وأذكر بعد إن في طالب سعودي يشتغل شيف ويدرس على حسابه

بعطيك العافية على المجهود الرائع ،،،،،،،،، رحلتي بتاريخ 30/1/1434 هــ لمدة خسمة اشهر وكنت ناوي جنوب افريقيا ،،، وشف مواضيعكم وعن الشعب النيوزلندي شكله حبوب بس عندي ملاحظة واستفسار :
خمسة اشهر بالحسبة الي حسبتها تطلع علي تقريبا فوق 50000 ريال ماكنها واجد انا شفت جنوب افريقيا بحكم صديقي راح لها يقول اقل بكثير ...
ثانيا : مستوى الامن يعني انا من الناس الي صعبة علي بس معهد وسكن لازم اطلع احب التعرف واحب النوادي الرياضية فكيف الامن من الناحية هذي ...

وشكرا مرة اخرى