رحلتي من الألف إلى الياء مع الفيزا الدراسية النيوزلندية

مافهمت ؟؟ يعني كل شي يفعله المبتعث يفعله المرافق ؟ ارجو التفصيل مشكورا ً
انا مرافق مع زوجتي
الحين اللي يستخرج بصمات المبتعث والمرافق جميعا؟
طيب وصلنا قبول معهد + جامعه للمبتعثه ... باقي انا (المرافق) انتظر قبول معهد + جامعه عشان اقدم على مرجع عملي اجازه دراسيه ...
لكن سؤال // لو وصلني قبولي اقدمه على الوزارة أو ابداء باجراءات الفيزاء والكشف ؟ علماً بإني حصلت على الضمان المالي قبل شهر

انا جديد هنا وسامحوني لو لخبطت بالاجراءات .

كل الشكر لكم

نعم اخي بما انك راح تدرس فتحتاج فيزا طالب، بمعنى كل ماهو مطلوب من المبتعثه مطلوب منك، بما في ذالك الفحص الطبي والصحيفه الجنائية
اخي بما انك تنتظر القبول يوصلك استغل الوقت واعمل البصمات والكشف الطبي، عشان بمجرد يوصلك القبول ترسل اوراقكم لسفاره بدبي عشان الفيزا ( فيزا نيوزيلندا تطول راح تاخذ من اسبوعين الى ثلاثه فحاول تستغل الوقت)

ولا يهمك كلنا مرينا بالي تمر فيه، اي سؤال او استفسار اطرحه هنا او بقروب الواتس وكلنا بخدمه بعض اخي العزيز

الي فهمته ان فيه فيزة طالب وفيه فيزة زائر
السؤال/ المرافق الزوج الي راح يدرس لغه وماستر مع المبتعثه هل يقدم فيزة طالب ام زائر ؟ طبعاً المرافق ما عنده ضمان مالي هل يتستطيع الحصول على فيزة طالب ؟
ايش الفرق بين الفيزتين ؟

كلامك صحيح يوجد فيزا طالب وفيزا زائر
فيزا الزائر لا تخول صاحبها بالدراسه بدوام كامل
بما انك ناوي تدرس لغه ثم ماستر فانت تحتاج فيزا طالب
بالنسبه لضمان المالي هذا شئ خاص بالدراسه في أمريكا، هنا بنيوزيلندا الملحقيه هي من تتكفل باحظار القبولات وتصدقها وترسلها لك ثم تقوم انت ترفع طلب عن طريق متابعه حاله الطلب في بوابه المبتعثين
يسمى طلب موجه لسفاره وهذا يحل محل الضمان المالي بس يوصلك تاخذه وترسله مع القبول والفحص وباقي الاوراق الى عنوان السفاره بدبي

شوف اخي العزيز الرقم التالي هو للاستاذ محسن صولان وهو موظف في السفاره النيوزيلنديه بالرياض، انسان جدا خدوم ومتعاون ساعد جميع الطلبه من بدايه القبول الى ان وصلوا مقر البعثه. تواصل معه وراح يساعدك ان شاء الله
0564088535

الله يسعدك ويوفقك ماقصرت
راح نتواصل مع الاستاذ محسن صولان وان شاء الله الامور سهالات

طيب اخوي لازم كشف حساب ولاعادي يتغاضون عنه وانا مكتب قالي تكلفني الفيزه 1400 ريال تتوقع صادق ولالا

- - - مشاركة محدثة - - -

طبعا اني بقدم الفيزه على قبول للغه لمدة 6 شهورر مو جامعه واذا لازم كشف حساب لازم كم يكون المبلغ بالريال ؟

أخوي محمد بامكانك التقديم بنفسك المكاتب تاخذ رسوم مبالغة على التقديم
وكشف الحساب ضروري ويكون متحرك لآخر شهر ويكون فيه مبلغ كافي للاقامة، 1250 دولار تقريبا عن كل شهر، يعني تقريبا تحتاج 30 ألف ريال لمدة 6 أشهر في الحساب، مو شرط يكون حسابك لك ربما الشخص القريب الي بيتكفل بدفع تكاليف دراستك

السلام عليكم

الي فهمتة إنا لازم نرسل اوراقنا الى دبي عشان ناخذ الفيزا الدراسية


لية ما نراسل السفارة النيوزلندية الي في الرياض و ناخذ الفيزا

و سؤالي الثاني هل الرضيع يحتاج كشف طبي


( تمت المشاركة باستخدام تطبيق مبتعث )

طيب مااقدر اقدم على الفيزا من نيوزلندا

اهلاً فيك اختي ..

بالنسبة للرضيع ما اعرف والله لكن موضوع سفارة الرياض لأنه السفارة اللي في الرياض ما تصدر فيزا ،، الفيزا تصدر من الجوازات ومكتبها في دبي فقط

تحياتي