الطريقه هذه راح تنجزلك مشروع الانضمام للبعثه بأقل جهد و زمن و مال

السلام عليكم

ماشاء الله موضوع جيد ويعطيك العافيه ابو راكان ع مساعده الجميع وعسى ربي يوفقكك ،

انا الان ودي اكمل دراستي ومادري من وين ابدا وعرفت كل الخطوات بموضوعك والحمدلله ..

ب النسبة لي انا تخصصي ادبي واريد الدراسه بنيوزيلندا هل اقدر انظم للبعثه او لا ؟

كلمت واحد وقال لي ماتضر الشهاده وانه تجيب قبول وتفتح ملف بس ، يعني لو اجيب قبول طب او هندسة وافتح ملف دارس ع حسابي راح يرفضوني او لا !؟

وانا ب نفسي اريد دراسة اللغة الانجليزيه واصير دكتور انجليزي كذا يعني وهل تقبلني البعثه ب التخصص هذا ولي مستقبل !

والحين انا عندي دراسه ب السعودية وودي اتركها بس خاف ترفضني البعثه ب انه شهادتي ادبي وكذا ..

وايش تنصحني فيه ب المدن من حيث تخصصي و المعاهد والمعيشه والهدوء والسكن ومناسبه للسعوديين ..


ويعطيك العافيه حبيبي

حياك الله اخي نعم يمديك تنظم للبعثه بدون ماتترك دراستك تأجل ترم وتجي تدرس فإذا ابتعثت كان بها وإذا لم تبتعث يصير قد قوية لغتك الانجليزية و ترجع تكمل دراستك

بس اهم شي إذا تضبط امورك قبل من قبول جامعي و قبول لغة و تحصل على فيزة طالب قبل سفرك وتفتح ملف دارس على حسابه الخاص ثم تجي تدرس اربع اشهر وتحصل على ٤ في الايلتس وتنضم للبعثه

تستطيع دراسة بكالوريوس لغه انجليزية

السلام عليكم ،، ابو راكان بيض الله وجهك جهد يذكر فيشكر ،، عندي مجموعة أساله ممكن غيري يستفيد منها ،،
انا زوجتي قدمت على المرحلة العاشرة وبأذن الله نيوزلندا،، وانا مرافق ومهنتي معلم وارغب في إكمال الماجستير ..تخصصي لغة عربية معدل مقبول ،وعندي دبلوم تربية خاصة صعوبات تعلم معدل جيدجداً سنه ونصف ..
١- هل أستطيع إكمال ماجستير تربية خاصة صعوبات تعلم ؟
٢- بحثت في الجامعات النيوزلندية فلم اجد التخصص ، هل تستطيع إفادتي في جامعات فيها هذا التخصص ؟
٣- أنا مرافق هل أستطيع فتح ملف طالب وانا في السعودية ؟

أشكرك على سعت صدرك وتحمل اطالتي ..

أشكرك على سعة صدرك *

وعليكم السلام عليكم اخي حبيب

تستطيع مواصلت دراستك بمعدل مقبول لا مشكلة في ذلك

تخصصك موجود ارسل اوراقك على الايميل تحصل ايميلي في توقيعي

المرافق مايحتاج يفتح ملف اذا وصلت الى نيوزيلندا افتح ملف مرافق مع الزوجه وبعدين اطلب انضمام للبعثه

اذا ماكان عند اهلك قبول جامعي ولغه راسلني وبخدمك وانتظر منكما الدعاء الصالح

اجمل تحية

من العايدين وكل عام وانتم بخير

وانت بخير وصحة وسلامة حبيبنا ابو راكان

اخي حبيب هل انا خدمتك و جاوبت على استفساراتك؟

لان بعض الطلاب يكتب استفساراته هنا ثم يراسلني واتس اب فأرد عليه واتس اب

ويكون سؤاله بالمنتدى معلق بدون جواب!

الافضل لتعم الفائدة يتم النقاش عن طريق المنتدى لتعلم الفائدة ثم اذا احتجنا للنقاش الخاص اطلب من الطالب يراسلني واتس اب

ارجو منكم اعزائي واخواني وخواتي الطلبه التعاون والمصلحه للجميع

أنا متخرج ماجستير من نيوزيلند و مررت بجميع الامور التي تمرون بها فإن شاء الله ببذل جهدي لخدمتكم و تقديم النصيحه و الخدمة التي كأني أقدمها لاحد اخواني وقرابتي وهذا شكر لله الذي وفقني وحقق مرادي و اريد نقل خبراتي للطلاب الذين هم في حاجه لها و هاؤلاء الطلاب بعدين اذا ابتعثو راح يساعدون الاخرين وهكذا نتطور و نرتقي بالتكاتف مع بعض

موجود حالياً في نيوزيلندا

السلام عليكم ورحمة الله وبركاته ..

مساء الخير اخوي ابوراكان وكل عام وانت بخير ان شاء الله وعيد عليك مبروك ..

اخبارك عساك بخير ؟

حبيت استفسر عن كم شغله لاهنت ..

انا دراستي ب اوكلاند ب معهد ب السيتي سنتر ان شاء الله في 2014/12/8 بخصوص انظمامي للبعثه كم يبي ؟

راح ادرس يبون 4 اشهر منتظم صح ؟ راح ادرس اسبوعين وتصادف بعدها اجازه رأس السنه هل يتم حساب الاربع اشهر معها او لازم دراسه 4 اشهر ؟ يعني ادرس اسبوعين واوقف وبعدين تبدأ الدراسة ويتم الحساب !

وانا طيارتي قبل الدراسة بيومين كذا او ثلاث يعني وتكون بعد الملتقى حق الدارسين ع حسابهم بكم يوم وبخصوص الموافقة انتظرها او اقدم ع الملحقية أول مااوصل هناك ؟

وايش تنصحني اسكن اول مااوصل وامن لي سكن من الان عشان ارتاح والمنطقة تكون قريبه ولا اسكن في السيتي سنتر عشان اقرب لمعهدي وكل شي ؟


ويعطيك العافية

حياك الله اخي الكريم

بالنسبه لمدة الدراسة هي لازم تكون اربع اشهر دراسية تكون تدرس بها وليس تواجدية في نيوزيلندا

واهم شي احضر الملتقى كامل و طابق اوراقك وسافر وان شاء الله امورك اوكي

واذا تبي تنتظر الموافقه تتم قبل سفرك فهذا افضل او تقدر تسأل اللجنه التي سوف تطابق اوراقك اذا بالامكان ان تسافر بعد المطابقه مباشره؟ لكي تكون في السليم وامورك تمام

بالنسبه للسكن

اذا تبي مع عائلة اسكن خارج الستي
واذا تبي تسكن لوحدك فالستي مناسبه لك

واذا تبي اي مساعده سواء بقبول اللغه او الجامعة و السكن او اي شي كلمني