ماجستير مع دبلوم عالي والانضمام للبعثة

بالنسبة للفيزا بيعطونك على قد الي أنت دفعته، يعني لو دفعت لمعهد 4 أشهر بيعطونك أربع أشهر أو ممكن 5 بالكثير
على العموم انت ارفق ايصال الدفع لمعهد اللغة مع قبوله بالاضافة الى القبول الجامعي وماراح تخسر شي لان في حالات قليلة جدا كان فيها طلاب محظوظين وجتهم الفيزا على مدة القبول الجامعي، عادة الطلاب المبتعثين يرفقون الضمان المالي وتجيهم الفيزا على مدة الدراسة الجامعية
ايضا أنصحك أنك تدرس مدة أكثر من 4 أشهر، يعني 5 أشهر أو 6 بيكون أفضل علشان اذا رفعت أوراقك بعد أربع أشهر تكون الفيزا الدراسية "سارية" لأن لو كانت منتهيه ماراح يرفعون أوراقك وبتتأخر معاملتك وبيطلبون منك تجديد الفيزا وعلشان تجدد الفيزا بتضطر تدفع لمعهد وتطلب تجديد فيزا والله اعلم كم تاخذ علشان توصلك الفيزا لذلك اختصر الموضوع من البداية واحرص على المدة
بالنسبة للفيزا بما ان دراستك أقل من 6 أشهر فماراح يطلب منك لا فحص طبي ولا بصمات، لكن أنصحك تسوي البصمات وتترجمها وترفقها علشان اذا بغيت تجدد الفيزا بعد ما تجيك البعثة ان شاء الله راح تطلب منك، ومن هناك صعب تسويها وتاخذ وقت لذلك تسويها بالسعودية أفضل، وراح يطلب منك فحص أشعة مع التجديد لكن تقدر تسويها هناك وبسهولة وبيتم تعويضك عنها من الملحقيه اذا تم الحاقك
بالتوفيق

اهلين اخوي علي,

الله ينور بصيرتك ويجزاك خير زي ما نورتني.

شرحك واضح تماما بس للأسف صار عندي استفسار جديد :$

الآن هل لو رحت ودرست لغه سته شهور من شهر سته الى شهر ديسمبر واجلت القبول الى شهر فبراير, هل هذا الشيء يؤثر ايجابا او سلبا على الالحاق بالبعثه؟ خاصه انه راح يكون فيه فتره شهرين واشويه بكون فيها فاضي قبل بداية الدراسة!

يعطيك العافيه مره ثانيه وممتن لك وردودك جمايل مغرقتني, الله يجزاك خير ويعطيك العافيه على مساعدتك لي وللشباب.

تحياتي

اهلين محمد،
ماراح يكون عندك أي مشاكل وتقدر ترجع للسعودية اجازة هالشهرين لأنك انهيت فترة اللغة وعندك اجازه، اقصد بامكانك ترجع بالتذكرة الي أنت سافرت فيها بعد ماتقدم لأن بيكون عندك تذكرة اياب، هذا لو فكرت ترجع بعد ما ترفع أوراقك بيعطونك تذكرة ذهاب من السعودية الى نيوزلندا اذا انضميت للبعثة لان وجودك من شهر يناير الى مارس ماله لزمه لأنك انهيت اللغة، على العموم الملحقية ما تعطي تذكرة الا بعد مرور 9 أشهر من الحاقك بالبعثة لكن بامكانك تستفسر منهم أكثر، اتذكر الكثير يرفع اوراقه ويرجع للسعوديه واذا جاه خبر الالحاق في السعودية يروح للوزارة ويعطونه تذكرة ذهاب الى نيوزلندا، لكن مو متاكد هل الامور ماشية على نفس النظام أو لا
لو ضموك في شهر ديسمبر مثلا راح بيكون عندك خيارين اما انك ترجع للسعوديه وتخلي البعثة ماشية وتنزل لك مكافآت يناير وفبراير وهذا راح يساعدك ماليا خصوصا أن المكافاه جيدة لو كنت بالسعودية، أو انك توقف البعثة لو حبيت تستفيد من مدة البعثة في حالت كانت المدة أقل من مدة الدراسة الفعلية، لكن أتوقع انها بتكون سنتين وانت تحتاج الى مدة أقل من سنتين لانهاء الماستر لذلك الافضل تخلي البعثة ماشية والمكافآت الي بتنزل لك راح تغطي شوي من المصاريف الي دفعتها على حسابك الخاص

الاخ علي

عذرا على التأخير في الرد.

وضحت الصورة الله يعطيك العافيه وما قصرت. لك مني جزيل الشكر والعرفان...وفقك الله.