استفسار طريقة الصرف داخل نيوزلندا

أفضل وأسهل وأوفر طريقة أنك تفتح حساب في بنك نيوزلندي من أول يوم دوام توصل فيه، وتخلي أحد من الأهل يحول لك المبلغ الى حسابك النيوزلندي
في نيوزلندا جميع المحلات بدون استثناء تقبل الدفع ببطاقة الصراف، لذلك نادر تحصل أحد يحمل كاش معه، وأكيد أوفر من أنك تحمل فيزا وياخذون عليك رسوم فيها
وقبل السفر قفل حسابك،
أفضل البنوك هو ANZ لكثرة فروعه وخدماته، ويجي بعده ASB
بالتوفيق

مايحتاج فيزا .. خذ معاك كاش بس لا تتعدا ١٠ الالف دولار واذا. وصلت بالسلامه اصرفها من الصرافين اللي بشارع الكوين ستريت .. لا تصرفها من المطار لانه غالي

وافتح لك حساب وحط الفلوس بالحساب ..
واطلب من البنك بطاقة "فيزا دبت كارد" .. تقدر تسحب منها كاش وتقدر تشتري منها اون لاين وتقدر تشتري منها عن طريق الإي فبوست (شبكة)..
وبدون رسوم والمبلغ اللي بحسابك هو نفسه اللي بالفيزا .. يعني بطاقة وحده..

واذا تبي تستقبل مبالغ ماليه من السعوديه
ارسل لأهلك رقم حسابك ورقم الفرع وتجيك الحواله ع حسابك وماتطول احيانا توصل بيومين ..

وبخصوص البنوك افضل شيء ASB Bank
وبعده يجي ANZ Bank ..

شروط فتح الحساب
بروڤ ادرس .. إثبات سكن (تاخذه من السكن حقك ) او فاتورة كهرباء او مويه ..
وصورة جوازك ..

وتفتح الحساب وانت واقف وفعل خدمة الاون لاين

وسلاااامتك


( تمت المشاركة باستخدام تطبيق مبتعث )

يعطيك العافيه ي عسل
اعجبتني الفكرة .. بس للاحتياط كم تنصحني اشيل كاش ( عشان ما اتورط وانا ما عندي فلوس ) .. ؟ وبأي عملة اخليها الريال السعودي ولا دولار امريكي كما قال البعض ؟

الله يسعدك ي غالي .. ما قصرت

بس ودي اسال اقدر احولها من هنا من السعودية للدولار النيوزلندي اسهل واختصر يعني ..

وبعدين ليه مو اكثر من 10000 دولار نيوزلندي (( اكيد ما بوصل المبلغ ذا بس ابغا اعرف ليه ؟

انا اشوف اشيلها كاش اسرع عشان ما انتظر الحواله متى توصل بس الحين محتار بين اني احولها هنا او هناك وكمان فروع البنوك احصل في المطار ؟ او لازم فرع برا

نظام الدولة يمنع حمل اكثر من ١٠ الالف كاش اذا جيت لنيوزلندا ..

حولها دولار امريكي افضل ..

الدولار نيوزلندي بالسعودية ماراح تحصله اتوقع ...!


( تمت المشاركة باستخدام تطبيق مبتعث )

بالنسبة للكاش يعتمد عليك وايش راح تكون مصاريفك في البداية، هل أنت دافع للمعهد كامل المبلغ والسكن ولا لا؟ عموما اذا السكن والمعهد مدفوعة المصاريف أشوف أن 500 دولار نيوزلندي راح تكفيك حتى تحول المبلغ الى حسابك النيوزلندي
بخصوص أنك تاخذ كاش وتحولها في نيوزلندا فما أنصحك، أولا لأنك راح تحمل مبلغ كبير معك خلال السفر، ثانيا وهو الأهم أنك راح تضطر للتحويل مرتين، مرة من الريال الى الدولار الأمريكي في السعودية ثم المرة الثانية في نيوزلندا من الأمريكي الى النيوزلندي، وهنا راح تطلع خسران لأن البنوك تاخذ رسوم حدود 0.11 أكبر من القيمة الحقيقية لسعر الصرف واذا حولتها مرتين يعني راح تخسر على الأقل 0.22 بينما اذا حولتها من السعودية الى نيوزلندا مباشرة فالتحويل يكون مرة واحدة، عموما ربما ما تلاحظ الفرق اذا كان التحويل لمبلغ بسيط بس اذا كان المبلغ كبير راح يفرق معك

حلو .. خليتني افتح عيوني عن شي كنت غافل عنه ..

طيب يعني تنصحني اخذ فيزا من هنا ..

وش تنصحني ع اي بنك اتجه وهل احول العمله في البطاقة ولا اخليها على الريال السعودي واصرف من هناك وهي راح تتحول بنفسها وتضبط أموري ؟

الفيزا الصراحة ما أشوف لها لزمة اذا بتفتح حساب في نيوزلندا،
بامكانك تسحب من حسابك السعودي عن طريق أي صرافة في نيوزلندا، لكن فيها رسوم على كل عملية بحدود 50-80 ريال على ما أعتقد، لذلك ما ينصح بالسحب الدائم منها
بامكانك السحب من الصرافة الى حد أقصى 1000 دولار باليوم، تلقائيا تسحب في أي بلد بعملة البلد لذلك اذا حولت من حسابك السعودي الى النيوزلندي راح يكون بالدولار النيوزلندي بدون شك
بخصوص البنوك كلها تفي بالغرض الصراحة

حبيبي اذا معاك مبلغ بالريال السعودي
اول شي تأكد انه مايتعدى 10 آلاف دولار
الشي الثاني اذا حصلت دولار نيوزلندي بالسعودية حلو .. حول فلوسك وخذ معاك دولار نيوزلندي
واذا ما حصلت حول فلوس لدولار الامريكي

صدقني انا مجرب ماراح تخسر كثير اذا اخذتها معاك كاش .. بعكس اذا حطيت الفلوس بحسابك وجلست تسحب منها وانت في نيوزلندا .. البنك يحسب عليك بسعر صرف مرتفع جدًا وياخذ عليك رسوم ...!

انا نصحتك وانا مجرب هذا الشي والحمدلله ماخسرت كثير ... البنوك لا تحول عملات عندهم والمطار كذلك اسعارهم مره غاليه .. شوف الصرافين اللي بالكوين ستريت ولا تحول عند اقرب واحد .. مر عليهم كلهم ومايمنع تكاسرهم .. انا فرقت معاي 800 دولار يوم قارنت بين سعر الصرف بالبنك وسعر الصرف عند الصرافين لمبلغ 10 آلاف دولار امريكي ..

ومايهمك سعر الصرف اللي موجود باللوحه خارج المحل.. اذا معاك مبلغ كلمه وهو بعطيك من الآخر ..!

اذا ناوي ماتخسر .. واذا ماهي فارقه معاك بكيفك


تحياتي


( تمت المشاركة باستخدام تطبيق مبتعث )