شهادتي البكالوريوس غير معترف بها و ارغب بالدراسة على حسابي الخاص

عليكم السلام
اول شئ الله يعوضك..
ثانيا بما انه عندك فلوس الطريقه راح تنجح , بس اهم شئ كمل دراستك في جامعه معترفه فيها ...
و من ناحية مشاكل لا ما اعتقد. بس اهم شئ كمل في جامعه معترف فيها..
اتمنى اني افدتك واذا محتاج اي شئ ابشر بالمساعده...

الف شكر اخوي

يعني اعزم عالسفر ؟

يب عزم السفر ولا تضيع من عمرك

أخوي أنصحك قبل السفر أنك تدرس الموضوع بشكل أوسع وتحدد أهدافك، هل ترغب في العودة للسعودية بعد الدراسة والعمل فيها أو لا؟
حسب نظام معادلة الشهادات فأنه شرط لمعادلة شهادتك أن تكون الشهادة السابقة "البكالوريوس" من السعودية أو معادلة من اللجنة، وهذا يعني بأنك لن تحصل على موافقة الوزارة على الدراسة للماستر لأنك سترفع شهادة البكالوريوس الغير معترف فيها عندهم، وهذا ايضا راح يمنع معادلة شهادتك بعد انهاء الدرجة وايضا راح يمنعك من حقك في التقديم على الالحاق بالبعثة
حاول تتواصل مع الوزارة وتتأكد من المعلومة بشكل رسمي علشان تقرر بنفسك
هنا شروط معادلة الشهادات
http://www.mohe.gov.sa/ar/Ministry/D...-Of-Study.aspx

أنا لو كنت في مكانك راح أعيد دراسة البكالوريوس واكمل بعدها ماستر أفضل من الحصول على شهادة ما أقدر أشتغل فيها، ربما بعض الكليات في نيوزلندا ومنها وينتك ويونيتك راح تعادل لك عدد من المواد الي درستها في الجامعة وتسقطها عنك ويبقى لك مثلا سنتين، ومنها تخلص البكالوريوس في سنتين وتستمر بعدها في الماستر والدكتوراة

ماراجعت فرع الجامعة العربية في السعودية؟ مافي نظام ينقل موادك الي درستها عندهم ويصير فيه معادلة؟

الف شكر لك اخي على النصيحة

بكل امانة افكر اغير التخصص من تقنية المعلومات الى علوم الكمبيوتر و هما تخصصان مختلفان

يعني راح اعيد دراسة البكالوريوس في سنتين مثل ما تفضلت

السؤال هنا : هل يمكن ان اسافر و اقدم على الجامعة من هناك او اراسلهم من هنا ؟

و هل يشرط اعتراف وزارة التعليم العالي علشان تقبلني جامعات نيوزيلاندا و لا فقط الضمان المالي يكفي ؟

فرع الجامعة المفتوحة في السعودية لن يقبل الا ب 32 ساعة رغم ان المواد الدراسية موحدة

يعني اعيد من اول و هذا يعني ضياع عمر في دراسة نفس المواد بس علشان الاعتراف

نيوزيلاندا اصرف لي

و شكرا

راسل جامعة wintec في هاميلتون، أعرف كثير من الشباب انهوا دبلوم سنة واحدة بالسعودية أو سنتين وعادلوا لهم ما يقارب سنة كاملة مع اسقاط السنة التحضيرية، يعني يتبقى لك سنتين فقط، الكلية هذي هي الأسهل والأكثر مرونة في القبولات والمعادلة
لكن تعتمد على لغتك الانجليزية هل أنت جاهز للدراسة أو تحتاج الى دراسة الانجليزي لأنك بتحتاج الى درجة 5 ونص في الايلتس قبل البدء في الدراسة واذا ماكانت عندك الدرجة راح تضطر تدرس عندهم انجليزي حتى تحصل على الدرجة
الي مطلوب منك أنك تقدم عن طريق موقعهم وتحصل على القبول أولا وهذا سهل لأنهم مرنين جدا في القبولات، ومن الأفضل أنك تقدم حاليا بشهادة الثانوي وبعد حصولك على القبول وانهاء الاجراءات مع الوزارة ووصولك الى نيوزلندا تطلب منهم معادلة المواد الي انهيتها في البكالوريوس، السبب أنك راح تحصل على بعثة مدتها 4-5 سنوات لو قدمت من هناك وبعد ما تحصل على المدة بامكانك تطلب من الجامعة معادلة المواد
لو منك اولا راح اجيب قبول الجامعة اولا ثم قبول معهد لغة سواء في الجامعة أو خارجها لمدة 5-6 أشهر وتدفع المبلغ كامل لهم، ثم تقدم على الفيزا الدراسية عن طريق مكتب الهجرة في نيوزلندا، اذا انهيت هالمتطلبات راح تقدم على موقع الوزارة للحصول على الموافقة على الدراسة على الحساب الخاص وهذا شرط اساسي، ايضا راح يلزمونك بحضور ملتقى اعداد الدارسين على الحساب الخاص وهذا كله أمره سهل، بعدها تقدر تسافر وبعد 4 أشهر بالضبط راح يكون بامكانك ترفع اوراقك للملحقية من اجل الالتحاق بالبعثة شرط حصولك على درجة 4 في الايلتس ووجود فيزا سارية وهذا السبب الي خلاني أقولك ادرس 5-6 اشهر علشان تكون الفيزا الدراسية سارية وقت رفع أوراقك

هذا موقع الكلية
Wintec, Waikato Institute of Technology home

الف شكر

الحمد لله الانجليزي اوكي لاني دارسها من الابتدائي الله يطول بعمر الوالد

بس باقي الاختبار

شكرا لك و شكرا لاختيارك المعهد

أهلاً وسهلاً اخوي ..

اول شي ربي يوفقك ويسهل لك دربك وامرك ان شاء الله ..

ثاني شي اخونا علي ما قصر في كل المعلومات اللي اعطاك هي ..

ملاحظتي اذا لغتك كويسة ما شاء الله في وجهة نظري اوكلاند افضل لك من هاملتون بحكم انك ممكن تلاقي عمل جيد فيها وهي اكبر بشكل عام من هاملتون ..

عندك فيه كلية اليونيتك انا ادرس فيها حيعادلولك كم ساعة من البكالوريوس حقك لو حاب تسوي معادلة وهذا رابطهم

Bachelor of Computing Systems | Unitec

اذا احتجت اي مساعدة او استفسار انا بين يدك

تحياتي

ما تقصر و الف شكر الك