استفسار عن الابتعاث على حسابي

مرحبا أخوي،
الله يوفقك بدراستك وان شاء الله تنضم للبعثة من السعودية وتوفر المبلغ
اذا الله ما كتب لك هالشيئ تحتاج من 5-6 أشهر علشان تنضم، وأنا أنصح بالدراسة لمدة 6 أشهر علشان تضمن أن الفيزا تكون سارية وقت رفع الأوراق للانضمام للبعثة عن طريق الملحقية، طبعا لن تستطيع رفع أوراقك الا بعد 4 أشهر من دراسة اللغة ولازم تكون الدراسة والفيزا سارية وقتها، التكلفة لمدة 6 أشهر بتكون حدود 60-80 ألف ريال شاملة كل شي، تعتمد على سعر صرف الدولار وقت دراستك وايضا على سعر المعهد ووين راح تسكن كلها لها علاقة بالسعر
المدن كثيرة ومو شرط تدرس اللغة في نفس الجامعة، عندك خيارات كثيرة، اذا كنت تحب المدن الكبيرة عندك اوكلاند ومن بعدها تجي ويلنقتون، فيه مدن أصغر مثل هاميلتون ودنيدن وبالمرستون نورث، ويجي بعدهم قرى ومدن سياحية بيناسبونك اذا كنت تبي تبعد عن العرب خلال فترة دراسة الانجليزي لأن المدن الكبيرة فيها جامعات وتكدس بعض الأوقات
كل شيئ يعتمد على رغبتك وتخصصك الي تبيه في الجامعة، لو مثلا كنت تبي تدرس طب راح أقولك نيوزلندا ليست الخيار المثالي لمحدودية الجامعات وقلة عدد المقاعد للأجانب ولوجود منافسة عليها بعد سنتين من الدراسة

أهلاً وسهلاً اخوي

هذا رابط موضح فيه كل الخطوات الي ممكن تسويها عشان تجيك البعثة من قبل ما توصل والين ما تجيك البعثة ..

بس حاب اضيف نقطة على كلام الاخ علي .. لو لغتك كويسة وتقدر تجيب 4 في اختبار الايلتس ( جينيرال ) من السعودية ممكن التكلفة تكون في حدود 50 الف او اقل بحكم انه وقتها روح معهد مو غالي

بس عشان تاخذ الفيزا وتقدم على البعثة

http://www.mbt3th.us/vb/forum122/thr...l#.U4cxCfmSxFs

تحياتي

مشكور وجزاك الله خير ..

وبالنسبة لمحدودية المقاعد للطب ..
هنا عندي اشكالية .. لاني ابغا الطب ..

ايش افضل الدول للطب ؟ ويكون سهل فيها؟

( تمت المشاركة باستخدام تطبيق مبتعث )

بالنسبة للغة عندي جيدة نوعا ما او جيدة جدا ..

ومشكور جزاك الله خير ..

( تمت المشاركة باستخدام تطبيق مبتعث )

حبيبي اذا لغتك كويسه اختبر من السعوديه وجيب اربعه في الايلتس و بعد كذا شوف لك معهد رخيص تدرس فيه لمدة اربعة اشهر وبعدين ترفع اوراقك وبالنسبه للمبلغ عشرين الف تكفي لحد ماترفع اوراقك لأن من شروط الابتعاث تدرس لمدة اربعة اشهر وتكون فيزتك سارية المفعول وبعد ماتخلص الاربعه اشهر تحتاج تجدد في المعهد شهرين وخلال هالمدة يجيك الابتعاث يعني خلي احتياط معاك عشرة الالف ريال .. و ارخص معهد موجود في اوكلاند و معروف..

حلو كذا طيب ..

لكن ما اتوقع 20تكفي .. ما عمري سمعت ولو بالغلط ان واحد طلع ب 20 الف ..

حبيبي انا حاليا في معهد لمدة اربعة اشهر شاملة كل شئ مايقارب 2400 دولار طبعا من غير السكن السكن اقصى شئ 230 دولار يعني اربعة اشهر 11,705. ريال

يعني السعر بالسعودي كله على بعضه سكن مع دراسة شاملة كل شئ التأمين والكتب ..والخ 19,340.3 ريال سعودي

وانا حاليا بنفس السعر طبعا من غير مصروفك و من غير التذكره , وماادري ليش بعض الاخوان هنا يرفعوا الاسعار بزياده

اخوي اذا طب نصيحة ابعد عن نيوزلندا .. المقاعد معدودة جداً وفي الغالب حيقبلوا الاشخاص اللي ناويين يهاجروا لنيوزلندا ..

بالنسبة للحسبة اللي حسبها اخونا جست بين ضيف عليها 2500 ريال شهرياً مصاريف يدك غير انك في الغالب عشان تجيك البعثة يبغالك 5 أشهر ..

تحياتي

اللي هنا يعطونك اعلى شيء ..

علشان لمن تروح هناك ما تنكب .. وهذا اللي نبغاه ..