مساعدة جامعة اوتاغو نيوزلندا

اتمنى من اخواني اذا احد يعرف برامج الانجليزي بالمعهد ويشرحها اكون له شاكر

( تمت المشاركة باستخدام تطبيق مبتعث )

كل معلوماتهم موضحة في هذا الرابط
English for Otago

طبعا البرنامج الاكاديمي هذا يحضر الطالب للدراسة الجامعية ولازم يجتازه علشان يدخل الجامعة، مدة البرنامج 15 أسبوع لكن حط في بالك أنك ماراح تقدر تبدأ في البرنامج الا بطريقتين، الأولى وهي الحصول على درجة 5.5 في الايلتس لطلاب البكالوريوس و 6 في اختبار الايلتس بالنسبة للدراسات العليا، أو أنك تدرس انجليزية عامة في معهدهم وحتى تصل مستوى معين بعدها يحق لك تنتقل للدراسة الاكاديمية،
على العموم اذا مستواك في الانجليزي مازال أقل من الحصول على هالدرجة في الايلتس فتأكد بأنهم راح يحطونك في مسار الانجليزية العامة حتى تصل لمستوى معين وبعدها تقدر تنتقل للكلاس الاكاديمي، لاتشيل هم بتاخذ وقتك في دراسة الانجليزي وبامكانك دراسة انجليزية عامة قبل بدء الدراسة الاكاديمية حتى لو كنت حاصل على الدرجة في الايلتس اذا كنت تفضل ذلك
بالتوفيق

هل المعهد يلزم الطلاب بأوقات معينه السنه او اي وقت وهل كل مستوى له وقت معين يبتدون فيه ومايرجعوله؟؟ وايضا طريقه التقديم كامله الى المعهد اذا عبيت الابلكيشن اﻻسله على ايميلهم وطبعا ييون نسخه من الجواز مصدقه من وين اصدقها وهل يحتاجون اﻻسل شهاداتي انا بدرس ماجستير مشكورين ماتقصؤون طلاب اوتاغو .

( تمت المشاركة باستخدام تطبيق مبتعث )

المعاهد عموما يمكن بدء الدراسة فيها في اي وقت، تدخل في المستوى المحدد لك بعد اختبار تحديد المستوى، عند نهاية كل مستوى اختبار ومن بعده تنتقل للمستوى الاعلى
ولا ترجع للي قبله ابد

وبالنسبة للقبول في المعهد فيمكنك مراسلتي اذا حاب اي مساعدة في التقديم وتعبئة النماذج
( تمت المشاركة باستخدام تطبيق مبتعث )

مشكور وماتقصر بالنسبه لتعبئه الابلكيشن ماعندي مشكله بس ابي المرحله اللي بعد ماعبي الابلكيشن شنو يبون مع الابلكيشن هل صورة الجواز الضمان المالي مع بعض كلهم او لا

( تمت المشاركة باستخدام تطبيق مبتعث )

اخوي بالنسبة للمعهد المطلوب صورة الجواز وتخديد التواريخ.
وبالنسبة للجامعة
شهادة المرحلة السابقة وصورة الجواز والسجل الاكاديمي، اما الضمان المالي فما تحتاجه الا قبل بداية الدراسة بالجامعة

( تمت المشاركة باستخدام تطبيق مبتعث )

مشكور وماتقصر اخوي الحين توضحت الامور المعهد يبون الابلكيشن وصوره جواز ويرسلون القبول اخوي اهم كاتبين بالموقع ان اختم الجواز من كاتب عدل ومادري شنو يعني مادري ماشوف ان عدله اروح المحكمه اقوله اختم ههههه مادري عندهم غير يمكن صوره الجواز وين اختمها عشان نقول هي طبق الاصل وارسال القبول هل بالبريد او الايميل هل فيه رسوم على الابلكيشن واذا فيه رسوم كيف ادفعها صراحه مابي اثقل على ابي اتعلم اقوم بكل الامور ومنكم نستفيد اللي مروا بالهلمرحله واحنا ان شاء الله بعد مانمر بالتجربه نفيد اخوانا تحياني لك

( تمت المشاركة باستخدام تطبيق مبتعث )

اخوي المعهد مايبي تصديق ولا ختم محكمة
صورة وبس
وبالنسبة للتقديم فمجاني وبدون رسوم ابد
وبالنسبة للدفع للمعهد تقدر تدفع وانت بالسعودية وتقدر تدفع ان جيت هنا - اذا فترة الدراسة اقل من ٣ شهور-
والقبول يوصل لك بالايميل


( تمت المشاركة باستخدام تطبيق مبتعث )