مساعدة استفسار على التحويل

وعليكم السلام ورحمة الله وبركاته ،،

افضل طريقة طبعاً هي انك تحول الريال السعودي لدولار نيوزلندي من السعودية ولكن المشكلة انه كثير صرافين ما عندهم دولار نيوزلندي وحقيقي صعب تلاقيه ..

انا لقيته في جده في البلد عند شارع قابل ( العمودي للصرافة ) تقريباً الدولار ب 3.2 ريال سعودي وهو سعر جيد .. اذا ما لقيت دولار نيوزلندي اتوكل على الله وخذلك امريكي

لكن خذلك لفة على كم صراف في نفس الشارع واعرف مين الارخص واصرف من عنده .. برضوا لا تنسى انه تجيب اقل من 10 الاف دولار معاك لأنه اكثر من كدا في مسائلة عليك في المطار ..

افضل شي انك تحول الريال لدولار امريكي او نيوزلندي من السعودية ( هذه افضل طريقة في وجهة نظري )

تحياتي

افضل شي انك تروح لبنك انجاز وتاخذ منهم دولارات على حسب حاجتك،لكن تنتبه زي ماقال الاخ اللي قبلي لاتخذ اكثر من مايعادل ١٠٠٠٠ دولار نيوزيلندي معك.