لكل من يريد مساعده من أوكلاند...

السلام عليكم ورحمة الله وبركاته ،

اخبارك اخوي ؟

يعطيك العافية ماتقصر وبيض الله وجهك .

أنا ان شاء الله بعد شهر جاي أوكلاند معي اخوي لدراسة اللغة ، عندي كم استفسار بخصوص السكن تنصحني اول مااجي ع طول فندق ولا كيف ؟ كلمت معهدي وابي يوفر لي سكن لي واخوي معي بعائلة لمدة ٦ أشهر وقال لي مبلغ غالي شوي يعني ب ٣٦٠٠٠ الف ريال سعودي .
حسبه يعني بالأسبوع ٢٤٠ دولار للشخص وانا ابي معي اخوي مع بعض عند عائلة وسمعت في توفير اذ أنتم اثنين مع بعض يعني بالشهر اذ طار يأخذون ١٥٠٠ دولار منا عند العائلة . ابي تنصحني للافضل ،!

بخصوص الطيران بحجز بس متحير والله آي طيران والأفضل ، كاثي بيسيفك الوزن عندهم قليل ٢٠ كيلو للشخص ! وش تفضل ب الطيران طبعآ الأرخص ؟

ويعطيك العافية

اخوي aso0o0l

الله يعطيك العافيه على الموضوع واتمنى ما يكون عندك مانع اننا نساعد معك بهالموضوع.

الاخ Da7om3

توصل بالسلامه يارب وبالتوفيق مقدما في دراستك.

بالنسبه لسعر 240 دولار, سعر مره مناسب للشخص الواحد وخاصه في اوكلاند , شخصيا ما عندي فكره بخصوص التخفيص اذا شخصين. انا اعتقد النقطة المهمة الثانية
اللي احب اذكرك فيها ان كانت ما طرت على بالك هي موضوع مكان السكن وبعده عن مكان المعهد, مره مهمه وتفرق معك كثير.

بالنسبه للطيران انا عندي فكره عن كاثي باسفيك والسنغافورية. السنغافورية اعطونا 30 كيلو وكان طيرانهم مره ممتاز الى سانغفورة. الانتظار في مطارهم كان متعه
لكن طيارتهم الى نيوزلندا كانت قديمه بس مقبوله. بالنسبه لكاثي باسفيك اعطونا ان ما خاب ظني 20 كيلو للشخص وطيرانهم كان مقبول وتعاملهم في المطار ما كان بمستوى
المطار السنغفاوري لكن طيرانهم من هونج كونج كان على الخطوط النيوزلندية وكان مره ممتاز.

اتمني اكون افدتك,,

بالتوفيق

يعطيك العافية اخوي ، اها يعني مناسب السعر ،

والله متحير بسالفة الطيران عندي عده خيارات الكاثيه بيسيفك و سنغافورة و عندي احد العيال يمدح طيران جنوب الصين !؟ ماادري وش اختار وأقل سعر طبعآ ذهاب فقط ابي وأقل شي لقيت ب 4200 ريال ،

يعطيك العافيه اخوي .. ابغاك تفيدني اذا كان تخصص تربية خاصة( صعوبات تعلم ) موجود في جامعات نيوزيلندا ؟؟
عااااجل لاني محتار وممكن اغير الدولة اذا ما كان موجود

اخوي فيه ارخص من هالتذكره، انا لين يومين واصل ل اوكلاند . الطيران من الرياض لين هونق كونق ع الخطوط الصينيه و بعدها لين نيوزلندا ع الخطوط النيوزلنديه ب 3800 بس ، الدرجه سياحيه و تعاملهم زين بس الخطوط النيوزلنديه كراسيها ضيقه بالحيل .

اها ، طيب اخوي انت الطيران حقك وش ؟
جنوب الصين !

انا العيال يمدحون لي هالطيران ! وكم يأخذ وزن الامتعه ؟

الكاثي باسفيك الوزن لك لين 20 كيلو و اللي تحملها داخل الطياره 7 كيلو ، بس اللي شفته انا محد متشدد بالوزن.

لو سمحتوا حابه اجي لنيوزلندا ان شاء الله اكمل ماستر وعندي اطفالي 2 بسن سنتين ونص وست سنوات حابه اعرف الدوله تتكفل بمصاريف اللي بسن دراسه ولا لا والصغيره تعطيني لها مكافاءه عشان الحضانه وكم مكافأة البيبي بليييييز ساعدوني محتاره حييييل

اشكرك اخوي دحوم.. بالعكس يشرفني ويسعدني كل من يحاول مساعدتي في تقديم الافادة والمساعدة لكل اخواني واخواتي.. فمنكم نفيد ونستفيد...

الله يعافيك.. للاسف لم استطع ايجاد هذا التخصص...

هلا بك اختي, مكافاة المبتعث تقريبا 3300 دولار نيوزيلندي والمحرم 2800 وكل مرافق (طفل) تقريبا 480.. باختصار اجمالي المكافاة لمبتعثة ومحرم ومرافقين 6605 دولار استرالي.. تصرف مبالغ مالية ولاتتكفل الملحقية بالحضانة او الدراسة ولكن تستطيعين فعل ذلك بنفسك... بالتوفيق ان شاء الله


دمتم بود..
aso0o0l