يا شباب عندي استفسار بسيط .... افيدونا فيه الله يحفظكم

عزيزي لا يوجد توقيت معين لقبول طلبات الانضمام للبعثه لدى الملحقيه الثقافيه في استراليا.

تعال في اي وقت وقدم على طول.

ولكن نصيحتي اقضي رمضان في السعوديه لأنه هنا ماله اي طعم للأسف.

تحياتي

والله اخوي اذا مامعك واسطة بتبطي عظم وانا اخوك ماجاتك البعثة

اعرف ناس خلصوا هالحين سنة ولا بعد ضمهم الملحق الثقافي في استراليا

واعرف واحد قابل الملحق في بريزبن قبل شهر يوم جاء هنا وقاله انا ولد فلان الفلاني قال ارسل لي اوراقك وضمه في اسبوعين

اولا : اشكركم على الرد ..
ثانيا: اخوي مانع المشعل الواسطه مو كل شي وبعدين انا اعرف ناس من اقاربي دخلوا الابتعاث بعد الدراسه على حسابهم .. وبعدين حتى لو واسطه والله اذا ما دخلت الشايب على الوزير ماني ولد ابوي خخخخخ
اما بالنسبه لردك اخوي داود ياخي انا لي ولد عمي يدرس في نيوزلندا يقول لا تجي الحين تعال بعد ثلاث شهور علشان الملحقيه تستقبل الطلبات<< يمكن يصرفني خخخخخ . ادري تبي تقول اجل ليه منزل الموضوع .. انا نزلت الموضوع عشان اشوف ولد عمي صادق ولا ما عنده سالفه .. وشكرا ..

ولد عمك صادق ويقصد حاجه معينه بس ماهو معناته انهم ما يستقبلون طلبات.

ولد عمك يقصد ان الان موسم اجازه الصيف في السعوديه واغلب السعوديين مشرفينا هنا الحين من شهر 7 ميلادي إلى شهر 9 تقريباً. واغلبهم يرسل طلبات إلى الملحقيه خلال تواجده هنا (يعني يقول في نفسه خل اقدم واشوف يمكن تضبط معي) والشي هذا ما يبغاه الملحق الثقافي .. يبغى ناس جاديين.

علشان كذا ولد عمك قالك لا تجي إلا بعد 3 شهور لما تخف الزحمه ويرجعون الشباب للسعوديه وتصير الملحقيه تعرف ان اي واحد يقدم ماهو جاي اجازه وراجع وفي نفس الوقت مايكون فيه زحمة طلبات.

تحياتي لك

لا يمكن بعد ٣ شهور علشان يفتحون الملحقيه في نيوزلندا

يعطيك العافيه اخوي داود << يمكن ما انطق الاسم زين بس مشه.
تو دخلت الفكره براسي بس فيه سؤال براسي نسيت اسئل ولد عمي واستحيت ادق عليه مره ثانيه
والرجال عنده دراسه .
سمعت ان مافيه ملحقيه في نيوزلندا أجل كيف ارسل اوراقي صحيح ان ولد عمي قال تعال وانا اضبطك
بس هذا مو معناته اني ما افهم كيف يرسل اوراقي
... يعطيك العافيه للمره الثانيه وانا اشكرك على اهتمامك ما توقعت ترد على موضوعي مره ثانيه

يعطيك العافيه اخوي داود << يمكن ما انطق الاسم زين بس مشه.
تو خشت الفكره براسي بس فيه سؤال محيرني نسيت اسئل ولد عمي واستحيت ادق عليه مره ثانيه
والرجال عنده دراسه .
سمعت ان مافيه ملحقيه في نيوزلندا أجل كيف ارسل اوراقي صحيح ان ولد عمي قال تعال وانا اضبطك
بس هذا مو معناته اني ما افهم كيف يرسل اوراقي
... يعطيك العافيه للمره الثانيه وانا اشكرك على اهتمامك ما توقعت ترد على موضوعي مره ثانيه

راح يرسلها إلى الملحقية الثقافية في استراليا إما عن طريق الإيميل او عن طريق البريد. لأن مافيه ملحقيه هنا في نيوزيلندا.

تحياتي واي سؤال احنا حاضرين.