بخصوص تكلفة دراسه 6 شهور + إحتساب الدبلوم + إجراءات التقديم للبعثه

وعليكم السلام ورحمة الله وبركاته ..

الله يحييك ويوفقك ان شاء الله ..

بخصوص الالحاق تم ضم الكثير خلال الشهرين الماضيين من طلاب البكالوريوس .. على الرغم من أن الالحاق مغلق خلال مرحلة اللغة من تاريخ 1-6 الماضي في نيوزلندا .. لكن مالك الا تسعى فيها وان شاء الله سهلة ..

1- هل راح يحسبو الساعات الدبوم الى درستها اذا كملت على نفس االتخصص ؟ وكيف الطريقه؟

في الغالب راح يسقطون عنك السنة التحضيرية ..

2- تكفي مدة 6 شهور للاتحاق بالبعثه ؟ ولا لا
وهل تنصحوني ادفع مبلغ الدراسة 6 شهور مره وحده ولا كل 3 شهور على حدا لانه في فرق في المبلغ

المدة كافية .. غالب الشباب هنا يجون بالمدة هذي .. بالنسبة للدفع أنصحك في البداية لاتستعجل وتدفع كامل مبلغ الـ 6 شهور .. ولكن بعد ما تختار المعهد المناسب وتجربه و تشوف أنه جيد لك ادفع لهم كامل المبلغ علشان تقدر تطلع الفيزا من هنا ..

- هل تكفي 60 الف ريال للمدة المطلوبه( شامله الدراسه والسكن مع عائله والمصاريف الاكل وتذكره مع التمشيه)

تكفي وزيادة ويمكن تكفيكك أكثر من 6 شهور ..

4- كم المدة الى اقدر اخلص فيها اوراقي من الوزاره والسفاره تطول سالفه ولا لا

مشكلة الوزارة ما تقدر تاخذ منهم تذكرة مثلا الا وعندك القبول الجامعي و الفيزا .. بس أنت تقدر تجي هنا وتطلع الفيزا من نيوزلندا وتختصر الوقت لأن اجراءات الفيزا من السعودية معقدة وطويلة ويبي لها طولة بال ..

كل التعاملات مع الملحقية عبر الايميل و البريد العادي اذا بتقدم على الالحاق .. ولكن يلزمك فيزا طالب و قبول جامعي و خطاب من المعهد يفيد بأنك بدأت الدراسة ومنتظم فيها ..

5- من المسؤول عن الالتحاق الوزاره و الا الملحقية (اهم سؤال)

كلهم .. أنت في نيوزلندا ترفع أوراقك للملحقية .. والملحقية احيانا تتأخر في رفع الأوراق للوزارة .. ومتى ما وصلت الى الوزارة فمالك الا تتابع موقع الوزارة لمعرفة أي جلسة راح تكون فيها وقرار الابتعاث يصدر من الوزارة ..

6- كيف افضل طريقه اجيب فيها قبول ؟؟
اذا جبته عن طريق موقع الجامعه يفرق في المبلغ اذا جبته عن طريق شخص في نفس البلده ؟؟

ما أدري اذا فيه طريقة للتقديم عبر النت .. بس فيه مكاتب في اوكلاند لأشخاص سودانيين يحضرون قبولات مجانية للطلاب ..

7 من وين ابداْ يعني اجيب القبول الجامعه بعدين اقدم اوراقي بالوزاره بعدين اطلع الفيزا ؟؟ ولا العكس

زي ما قلت لك في مكاتب تحضر قبولات مجانية .. ولو استطعت التواصل مع طلاب الجامعات علشان يقدمون لك أفضل لك ..

اذا بتطلع الفيزا من السعودية أنصحك تبدأ من الآن .. وبنفس الوقت قدم على كل الجامعات الي فيها تخصصك .. ومتى ما خلصت الفيزا وكان عندك قبول جامعة تقدر تروح للوزارة تطالبهم بأمر الاركاب .. وان حصلت على امر الاركاب فراح يساعدك في الالحاق كثير ..

8 لازم اجيب ضمان مالي ولا الا ؟؟

اذا بتطلع الفيزا من السعودية راح يطلبون منك طلبات كثيرة منها كشف حساب فيه مبلغ 80 ألف على الأقل ..

والله يوفقك ..

الله يوفقك اخوي ما قصرت على الردود

وانشاءالله نردها لك في الافراح


الى فهمته من كلامك اذا جبت القبول من الجامعه اقدم اوراقي الى الوزاره على طول ؟؟


وبعدها اطلع فيزا من نيوزيلندا ؟ يعني ما يحتاج امر على السفاره في السعودية واعمل كشف طبي وضمان؟؟؟؟؟


مشكور مره ثاني على الرد

تحياتي

الله يسلمك ما سوينا شي ..

بس مافهمت كلامي صح ..

عندك واحد من حلين .. اما أنك تحضر قبول جامعي وتطلع فيزا من السعودية .. وتروح للوزارة تطالبهم بتذكرة .. التذكرة راح تساعدك في الالحاق اذا وصلت نيوزلندا .. لكن المشكلة بأن الحصول على التذكرة غير مؤكد وهناك كلام بأنهم ممكن يوقفون صرف التذاكر على الطلاب الدارسين على حسابهم الخاص .. هالحل راح ياخذ منك وقت على الأقل شهر ونص لاحضار القبول والفيزا ومتطلباتها الكثيرة ..

الحل الثاني بأنك تقدم على قبول جامعي من الآن .. وتذهب الى نيوزلندا في أقرب فرصة .. حيث أن الدخول الى نيوزلندا بدون فيزا .. ومن هناك تدفع للمعهد وتطلع الفيزا .. وتقدم من هناك ..

أنت استخر .. واذا كنت ناوي تجلس مدة في السعودية طلع الفيزا من السعودية .. في أشخاص راحو لمكاتب واخذت الفيزا معهم شهور .. أنا قدمت على الفيزا من دبي بنفسي واصدرت لي خلال 5 أيام .. اعتمدت على مكتب لمعرفة المتطلبات ولتعبئة النماذج فقط وارسلتها انا والحمد لله وصلتني ووصلت نيوزلندا وقدمت والحقت .. لكن في ملاحظة اذا بتطلع الفيزا من السعودية يلزمك تكون دافع للمعهد كامل المبلغ ..

استخر والله يوفقك ..

مشكور اخوي على الرد والمتابعه

انشاء الله نردها لك اذا وصلت نيوزيلندا

انا بحاول في الحل الاول اذا قدرت اطلعها من السعوديه لانها اضمن
واذا ما قدرت ما الي الا الحل الثاني

طيب المكاتب الىتقول عنها lممكن تاخذ اكثر من 4 شهور ؟؟
واذا قدمت عن طريق المكتب راح يطلبو مني الطلبات نفسها مثل كشف حساب والمبلغ 80 وكشف طبي؟؟؟

او راح يطلعو الفيزا من دون هالطلبات ؟؟؟
وكم ممكن تكلف تقريبا

لانه المشكلة عندي هي مبلغ 80 الف يمكن ما اقدر اوفرها

بالنسبه الى امر اركاب انا ما تهمني التذكره كثر ما يهمني الالتحاق بالبعثة
بس مو مشكلة اذا ما قدرت اطلعه

اخر سؤال انا اذا قدمت اوراقي الى الوزارة من شروطها اني اجيب قبول من الجامعة موصى بها

طيب لو جبت قبول من معهد اللغه التابع الى نفس الجامعات الموصى بها هل يكفي ؟؟
او لازم اجيب قبول لغة مع قبول من الجامعه على اني بدرس تخصص محدد؟؟


لاني ناوي ادرس لغة 6 شهور على حسابي واذا ما اللحقت بالبعثة لا سمح الله راح ارجع السعوديه يعني قبول الجامعه يمكن ما راح استفيد منه

معليش اخوي تعبتك معاي
مشكور ما قصرت

تشكر على مجهودك الأكثر من رائع ،،،،،،،،،

حبيت أستفسر بخصوص أستخراج الفيزا من دبي ؟؟؟؟

ماهي الشروط والطلبات وأين أحصل على النماذج التي ذكرتها، وهل يطلبون مثل ماتطلب السفارة الي بالسعوديه وهي تسديد رسوم المعهد لمدة ست شهور مثل ما تفضلت انت وقلت ؟؟؟
وأخيراً ،،،،
هل ذهبت أنت بنفسك إلى دبي وأستخرجتها ؟؟ ام راسلتهم من هنا ؟؟
وهل أذا تحصلت على فيزه من دبي استطيع بأن اتحصل على أمر أركاب من العطية ؟؟؟

شاكر ومقدر،،،،،،،،

السلام عليكم


ali-interاخوي
اسمح لي بكم سؤال
انا عندي قبول مبدئي من جامعة ماسي (الاشخاص السودانيين)الله يجزاهم خير جاوبه لي
وعندي قبول من معهد icce الي بمبنى جامعة كانتربري

س1\ينفع اروح للعطيه بقبول الجامعه والمعهد بدون فيزا؟
يعني المفروض يستثنون طلب الفيزا من نيوزيلندا لانها مايحتاج زي ماقلت

ولا انتظر الفيزا والقلق
انا مستعجل ومستعد للتكلفه فبماذا تنصحني؟؟؟

والله يوفقك يافارس 909 والجميع يارب

في انتظار الرد.............................................. ..........................


بالتوفيق الى الجميع

بخصوص الحصول على التذكرة ما أحد يقدر يضمنها .. خصوصا هالأيام فيه كلام باحتمال ايقاف اصدار التذاكر للطلاب الدارسين على حسابهم .. وأنت اسعو واعملو الي عليكم والله الموفق ..

بخصوص الحصول على التذكرة أو الالحاق شرط أساسي فيها قبول الجامعة + الفيزا .. وبدونها ما تقدر تقدم وهالشي متأكد منه ..

بخصوص متطلبات الفيزا كثيرة صراحة ومحتاجة طولة بال .. اذا كنت في الرياض فيه مكتب ساعدني في الحصول على النماذج وطبعها وتعبئتها اسمه الجسر الأزرق .. ووصفه من طريق خريص تطلع على مخرج مستشفى الملك فهد الطبي وتاخذ يمين بشارع الضباب وأول اشارة تاخذ يمين تمشي 100 متر تحصله على يسارك .. فيه شخص سوداني اسمه محمد وأعتقد هو مدير المكتب .. بيساعدك أو بيرسلك الى شخص ثاني يساعدك ..

عنوان السفارة في دبي ..

رقم التلفون : 0097143327031
الايميل :
inzdubai#dol.govt.nz
موقع اميقراشين نيوزلندا : http://www.immigration.govt.nz/
ومنه تدخل على صفحة سفارة دبي :
http://www.immigration.govt.nz/branc...me/Checklists/

فيه موظفة اسمها ندى .. هي الوحيدة الي تتكلم عربي أعتقد في السفارة حاول تكلمها وتعرف منها كافة المعلومات الغامضة .. لأن من فترة لفترة يصير فيه تغيرات .. واسالها ايضاً عن كيفية الحصول على كافة النماذج ..

المتطلبات :

* جواز السفر ساري المفعول ( يفضل مدته 4 سنوات )

*تعبئة نموذج طلب فيزا الدراسة .. هذا هو النموذج :
http://www.immigration.govt.nz/NR/rd...Oct17final.pdf

* شهادة الميلاد مترجمة ( من أي مكتب ترجمة معتمد )

* بطاقة الأحوال مترجمة ايضاً

( ملاحظة : لازم كل التواريخ تكون بالميلادي )

*صور شخصية 4×6 مكشوف الرأس

*قبول المعهد والقبول الجامعي اذا وجد ( أعتقد لازم تكون دافع للمعهد المدة كاملة هذا الكلام الي قالوه لي وسويته وعطيتهم القبول + ايصال الدفع )

*صورة طبق الأصل لآخر شهادة حصلت عليها باللغة الانجليزية

* رسوم طلب التأشيرة : شيك مصدق من البنك ( شيك مصرفي ) بأسم :
NEW ZEALAND IMMIGRATION SERVICE
يصرف من اي بنك في الامارات .. أنا سويته من بنك الراجحي
( المبلغ وقت ما استخرجت الفيزا كان 570 درهم اماراتي .. لكن أنت اتصل واستفسر عن المبلغ ممكن يكون تغير )

*الضمان المالي : ان كنت طالع على حسابك أو على حساب الوالد أو أخوك أو أي شخص .. من يتكفل بالدفع يطلبون منه ضمانات هي ولنقل بأنه أبوك أو أخوك على سبيل المثال :
*كشف حساب متحرك من البنك لآخر 6 شهور فيه مبلغ ما يقل عن 80 ألف أعتقد
*تعريف من العمل لأبوك أو أخوك
*خطاب من أبوك أو أخوك يوضح بأنه راح يتكفل بكافة مصاريفك الدراسية ويوقع عليها
*صورة الجواز لأبوك أو أخوك

*الكشف الطبي وفيها أمرين :
ان كنت راح تدرس سنة فما أكثر عليك عمل فحص طبي شامل
ان كنت راح تدرس 6 أشهر أو مدة أقل من سنة تعمل فحص أشعة

وهذا نموذج الكشف الطبي الكامل :
http://glossary.immigration.govt.nz/...2EA/0/1007.pdf

وهذا نموذج كشف الأشعة :
http://www.immigration.govt.nz/NR/rd...2D3/0/1096.pdf

تطبع النموذج على حسب المدة الي راح تطلبها وتتجه لأحد المراكز الطبية المعترف فيها من الحكومة النيوزلندية :

الرياض :

1 - د . هناء انيس _ مركز ترانزاد الطبي_ السيلمانية_4645050

2 - د . سامح متولي_العيادات الاستشارية_التخصصي مع خريص_4659100

3- د . سليمان الماجد _مركز الدكتور سليمان الحبيب الطبي_العليا طريق الملك فهد_4622224


جدة :

1 - د . فاتن وجدي_مستشفى بخش_جدة_6510666-6510555

2 - د . اماني_مركز عباس الطبي_برج الاقتصاد العالمي_6530000

3 - د . GENTAPA_مستشفى غسان فرعون_جدة_6823200

4 - د . عبدالرحمن عداس ( الي انا رحت له )_عياداة د . عداس_شارع فلسطين بناية نورة_6653835

5 - د . نادية غنام - د . خالد عالم _ عيادات غنام او المركز الطبي الدولي _ العيادات في برج البدرية الطبي و المركز في شارع حايل_العيادات 6061844-6061128 المركز 6509009


الخبر :

1 - د . عبدالله الربيش_مستشفى استون_الخبر_8577100

( أنا سويت كشف الأشعة من مركز الحبيب بـ 150 ريال وأعتقد هو الأفضل والأرخص في الرياض )


*البصمات الأمنية :
تأخذ خطاب من سفارة نيوزلندا في الرياض وراح ياخذون عليك 140 ريال أعتقد وتتجه الى وزارة الخارجية يختمون عليها ثم تتجه الى الأدلة الجنائية تعطيهم الخطاب + صور شخصية يسوونها لك وتطلع بعد أسبوع

*تعبئة نماذج السيرة الذاتية + تفاصيل العائلة + الشهادات الاكاديمية
( أخذتها من المكتب .. تستطيع الحصول عليها من مكتب الجسر الأزرق أو AAET أو ايجيك .. أو استفسر من سفارة دبي عن طريقة الحصول عليها )

اخوي علي الله يخلليك على الاجابه الوافيه

طيب لو طلعت الفيزا من المعهد راح تكون غالبا فيزا مدة 3 الى 6 شهور هل راح يقبولها من الملحقيه اذا قدمت على الالتحاق ؟؟؟؟؟؟؟؟؟؟؟

لانه والله اشوف من السعودية معقده مره شكلي باخذه من هناك اسرع واوفر