جامعة ويكاتو الاسواء في نيوزلندا بشهادة الملحقيه؟؟

يااخوي مع احترامي الشديد لك

كلامك مو مقنع و لا 1%

المفروض من اي شخص يذم شي يوضح ايش سبب هذا الذم

و هي اسوء من اي ناحيه
من ناحيه جوده التعليم و لا التعامل مع السعودين و لا ايه ؟؟

تقبل مروري

فعلا اخوي اشرح لنا ما هي الاسباب علشان نعرف

من أي ناحية تقصد ؟؟ وضح أكثر يا خلفهم ..
بالعكس أنا أشوفها جامعة محترمة جدا جدا جدا ..

عزيزي الملحقية كيف تعترف أن الجامعة سيئة وهي من الأساس من الجامعات المعترف بها أضف أن كلية (الإدارة) من أفضل كليات الإدارة على مستوى العالم ..
تفضل رابط ( كليات الادارة في العالم )

من المنظور الطبيعي من باب أولى تكون كلية التقنية أقصد (جامعة اوكلاند للتقنية) غير معترف بها من قبل الملحقية !!

خلي أكون معك صريح ثلاث أرباعنا أقصد (السعوديين) وأنا منكم نطالب بأفضل جامعات العالم في النهاية ( 3 سنوات في اللغة و أقلها سنتين) الجامعة ما يحكم عليها الا من خلال الكليات (المدارس) أما التقييم على أساس المعهد للامانة تقييم مجحف جداً ..

صدقني (ويكاتو) جامعة محترمة جداً جداً و خذها من واحد مجرب !
و اذا تظن أني أكتب دافعاً عن ويكاتو لأني أدرس فيها فلا و بالقسم , كلها أيام و تارك نيوزلندا وصدقني أني متحسف قد شعر راسي أني أترك (نيوزلندا) !
شف عزيزي ثق في العالم كله لا أفضل من نيوزلند إلا نيوزلند!

في حفظه

أرجوا شرح الاسباب
لاني حاس ان ودك تشن حملة على الجامعة اذا فيه اسباب مقنع اكتبه هنا واذا ماعندك اسباب ارجوا توقف كتاباتك على جامعة ويكاتوا(الظاهر انك متواصل مع الدكتور علي ولا فيه حد من ربعك في الملحقيه ولا الله اعلم عن الاسباب اللي حدتك على هالكلام ) انت تبي تنصحنا خلاص جزاك الله خير وكفيت ووفيت وحنا اعرف منك بالجامعة وانا قلت من قبل ان الجامعة سوف تفتح من الوزارة وافتحوها ولا اعلونها ليه مادري كلام موثوق منه


ملاحظة اخيرة:
للمرة المليون ياأخي خل منك تشويه الجامعة وتراها افضل من الجامعة اللي انت فيها تدري

ولله الحمد افتكيت من هالجامعه الخايسه وعلى فكره كل الردود انا توني اقراها وانا مصر على رائيي جامعه سيئه جامعه فقط هدفها مادي وتضرب في عرض الحائط جميع الانضمه الي تعارض مصالحها الماديه أجل ماجستير معطيني (( ثلاث سنوات )) وللمعلوميه انا درست فيها ترم كامل ولله الحمد اجتزت المواد ماعداء ماده وحده وكانت غير تخصص وانا مطنشها من البدايه ولكن للأسف كنت مستغل من هالجامعه السيئه واكتشفت انهم كانو يعطوني مواد جامعيه ولا تحسب في معدل الماجستير .. والي يسبقها سواء معظم الي دفوهم الجامعه من الطلبه السعوديين الي جلسو في اللغه فوق سنتين ودخلوهم في الجامعه او الفاونديشن معظمهم او كلهم راسبين ماعداء شخصين وهذي معلومه من دكتور في الجامعه كان يعترض على طريقة تعامل الجامعه المادي مع الطلاب السعوديين .. عمومآآآ هذي نظرتي وانت الي خاش علي تقولي علي وما اداري وشو تخربط انا ماني امعه امشي تحت اوامر الناس هذي وجهت نظري وانا مصر عليها بحكم اني مجرب في الجامعه من اللغه الا دراست الجامعه فيها .

اخواني كل شخص وله رأي ولا احد يتستطيع ان يفرض رأيه على احد
انا مااعرفه عن الجامعه ان الاداره فيها قويه جدأ وان سبب توقف ابتعاث الطلاب
لها هو التكدس الحاصل لديهم
اخوي خيالي نجد احب اقول لك كل عام وانت بخير
ومسألة الماجستير ثلاث سنوات فهي ليست على ويكاتو فقط بل على جميع جامعات
نيوزيلاند وهذا نظامهم من قبل ان يأتي اليها الطلاب السعوديين

ووسع صدوركم وتعوذو من الشيطان