هل السنة التحضيرية شامله 3 سنوات الجامعة؟ وهل تغني على الايلتس؟ وما نوع دراسة اللغه؟

للبكالوريوس مطلوب منك ٥،٥ ايلتس تقريبا لاغلب الجامعات

السنه التاسيسيه الفاونديشن مشروطه نعم

بعض الجامعات لديهم انظمه بديله للايلتس لكنها طويله جدا وممله وكثير من الطلبه خسروا ضماناتهم الماليه وهم ما انتهو من دراسة اللغه، فتعالي وجيبي الايلتس معاك احسن .

مستوى اللغه المطلوب : اكاديمي مش جينرال.

اولا شكرا لك اخت نجمه الفجر
ثانيا انا رجل لست أمرأه
وشكرا على أفادتك ولكن حبذا وضحتي قليلا المطلوب للغه أكاديمي كم من الوقت مطلوب مني لاأجتياز الاكاديمي
هل يضاف لها سنه تحضيرية ام لا
كم من الزمن يستغرق دراسة تخصص مثلا التمريض بالاضافة الى ماسبق من لغه أكاديمية
وأشكرك جزيل الشكر على المروو والتعليق المفيد

بالنسبه لتخصصك ما ادري بالضبط ، لكن اقل مده في التخصصات عامة تدرسها ٤ سنوات : ٣ تخصص + سنه الفاونديشن .

السنه التحضيريه ، الفاونديشن : تعاملها الملحقيه على انها بداية المرحلة الجامعيه وليست مرحلة لغة ، لكن لا تضاف للمعدل تماما مثل نظام تعليمنا القديم في السعوديه لما كانت كليات التربية ٤ سنوات ، اول سنه لا تحتسب في المعدل ولكنها تعتد مرحلة جامعيه .

الاكاديمي تقريبا من سنه الى سنه ونصف حتى تجتازها ، اغلب المبتعثين حاليا توقف عنهم الضمان المالي لانهم لسا ما انهو مرحلة اللغه الاكاديميه ، لذلك نصيحتي لك تجيب الايلتس وتحاول تدرسه وتتدرب عليه .

اذا معزم على نيوزلندا ، ادخل معهد CPIT وادرس اللغه فيه لانه يهيئك لامتحان IELTS .

في اي جامعة معزم تدرس تخصصك حتى اشوف لك عدد سنوات الدراسه في موقع الجامعه ، وشروطها.

الله يعافيك اخت نجمه
وشكرا لك على المساعده
http://www.cpit.ac.nz/courses/programme_detail?a=24952
هذا الرابط الي فيه التخصص وموضح فيه عدد السنوات 3
ولا اعلم هل من ضمنها التحضيرية ولا فقط ادرس اللغه الاكاديمية واقدم لهم مباشرة لو توضحين لي هالنقطه لاني دارس على حسابي الخاص وفي أسوأ الاحوال ان لم انضم للبعثة مضطر اني اكمل فجالس احسب اموري بدقة
هذا التخصص الاول الى هو التمريض
وياريت تعطيني المفيد من متطلبات للدخول الى التخصص مباشرة وكم عدد السنوات الكلي بما فيها الاكاديمي
والف شكر على المساعده

والله يا خوي حسب الموجود في الموقع مافيه فاونديشن

عموما انا ادرس في CPIT حاليا وراح اسال لك قسم الطلاب الدوليين لكن بعد اجازة الايستر طبعا.

مطلوب منك درجة IELTS اكاديمي عاليه جدا : المجموع الكلي ٦ ونص

بعد كذا الجزئيات : كل جزء ٦.٥ مررررره كثير ترى والادهى والامر ٧ في الليسيننق .

٧ من ٩ مرررره كثير في الليسبننق

حاول تدرس لغه في السعوديه في البرتش كونسل وجيب الايلتس معاك احسن لك .

يااختي كم بياخذ مني وقت بالسعودية
ولا تنسي اني بستغل الفرصة حيث اننا سمعنا مؤخرا من العنقري ان باب الالحاق في كل الدول مفتوح في البعثة عدا بريطانيا
ولا اعلم عن هل الايلتس مطلوب من خلال الرابط اعلاه والدرجه من ضمن المتطلبات في الايلتس يعني خوفتيني كثير والله
وحددي لي الوقت الزمني لكي اجتاز الايلتس او الفونديشن
اخيرا أسأل الله ان ييسر امرك
ولك جزيل الشكر والامتنان على مساعدتك المفيدة

نعم يا اخي درجة الايلتس موجودة في الصفحة اللي ادرجتها وهي آخر جملة بالصفحة شرط اللغة

IELTS 6.5 Academic (no lower than 6.5 in speaking, reading and writing subtests and 7.0 in listening subtest).

لاحظ ان الجزئيات المطلوبه مره كثير منك بصراحه.

الفاونديشن شيء اساسي في نيوزلندا لطلابنا ولذلك راح اسأل لك CPIT وارد لك بعد الثلاثاء باذن الله لان الان عندنا اجازة عيد الفصح .

الايلتس ماله وقت حسب مهارتك وشطارتك لكن بصفه عامه اذا لغتك الحاليه جينرال تحتاج من 9 شهور الى سنه ونص حتى تجيب الدرجة المطلوبه تقريبا ، وبالاخير يرجع لك ولشطارتك . وانا ما ادري كيف يتك تقييمك من خلال المعهد احتمال يخلونك تبدأ من الجينرال واحتمال تبدأ من الاكاديمك.

الفاونديشن : مرحلة جامعيه ليس لها علاقه باللغه يعني : شباب جابو الدرجة المطلوبه بالايلتس ومع ذلك دخلوهم مرحلة الفاونديشن .
بعض الدول يتم تجاوز مرحلة الفاونديشن لهم لكن السعوديين لا ، لان نيوزلندا لا تعتمد شهاداتنا بل تكمل دراستنا الثانويه في الفاونديشن يعني تعامل معاملة الاندر قراجويت ، وانا ماستر قبل ابدأ حولوني مرحلة الاندر قراجويت لنفس الاسباب . وعموما حتأكد لك باذن الله.

الايلتس في السعوديه افضل ، لذلك انت ممكن تدرس اللغه هنا وتنظم للبعثه وبعد 9 شهور يحق لك صرف تذكره تنزل السعوديه وتختبر الايلتس فيها ، طبعا انا اختبرت الايلتس هنا لكن انقل لك تجربة اللي اختبروا في البلدين ، السبب التصحيح هنا متشدد واكثر تعقيد . وخاصة في الاسبيكنج والرايتنق.

أفدتيني كثير جدا اسئل الله لك التوفيق في الدارين
رغم مرارة المعلومات لكن ريحتني كثير وخصوصا بقرار اكمال الدراسة من عدمها
شكرا جزيلا اختنا في الله نجمه الفجر